जिल्हा माहिती कार्यालय, बुलडाणा

  शेलूद येथे शेतकरी-शास्त्रज्ञ मंचाची 31 वी सभा संपन्न बुलडाणा, (जिमाका) दि. 12 :   येथील कृषी विज्ञान केंद्राच्या वतीने आयोजित शेतकरी-शास्त्रज्ञ मंचाची 31 वी सभा मौजे शेलूद येथे प्रगतशील शेतकरी स्वप्नील महाजन यांच्या शेतावर पार पडली.   सभामध्ये शून्य मशागत तंत्रज्ञानाचे महत्त्व, जमिनीतील उपयुक्त सूक्ष्मजीवांचे संवर्धन, पिक लागवड खर्चात बचत, जमिनीची धूप रोखणे आणि पर्यावरण संतुलन याविषयी शास्त्रज्ञांनी मार्गदर्शन केले. दीपक जोशी यांनी शून्य मशागत तंत्रज्ञानामुळे सेंद्रिय कर्ब वाढून शेती उत्पन्नात भर पडते, असे सांगितले. कार्यक्रमात खरीपातील कीड-रोग नियंत्रणावर शेतकरी-शास्त्रज्ञ संवाद झाला व प्रक्षेत्र भेटही घेण्यात आली. यावेळी वरिष्ठ शास्त्रज्ञ व प्रमुख डॉ. अमोल झापे, उद्यानविद्या तज्ञ डॉ. अनिल तारू, कृषी हवामान तज्ञ मनेश यदुलवार, दीपक काका जोशी, श्याम गट्टाणी, डॉ. बी. आर. पाटील, माजी वरिष्ठ शास्त्रज्ञ कापूस संशोधन, तसेच इतर मान्यवर व ग्रामस्थ मोठ्या संख्येने उपस्थित होते. कार्यक्रमाचे सूत्रसंचालन व आभार प्रदर्शन मनेश यदुलवार यांनी केले. 000000

  जिल्हा कारागृहात रक्षाबंधन सण उत्साहात साजरा बुलडाणा, (जिमाका) दि. 12 :   कारागृहात नातेवाईकांपासून दूर असलेल्या बंद्यांना सणाची उणीव भासू नये, तसेच आनंदी आणि खेळीमेळीचे वातावरण निर्माण व्हावे, या उद्देशाने महिला सदस्यांनी सर्व बंद्यांना व कारागृह कर्मचाऱ्यांना राखी बांधून रक्षाबंधन साजरे करण्यात आले. अपर पोलीस महासंचालक तथा कारागृह सुधारसेवा डॉ. सुहास वारके, विशेष कारागृह महानिरीक्षक योगेश देसाई यांच्या मार्गदर्शनाखाली बुलडाणा जिल्हा कारागृहात विविध सेवाभावी संस्थांच्या सहकार्याने धार्मिक, सामाजिक, मनोरंजनात्मक व समुपदेशपर उपक्रम राबविले जातात. रक्षाबंधन सणानिमित्त प्रजापिता ब्रम्हा कुमारी ईश्वरीय विश्व विद्यालय, बुलडाणा यांच्या वतीने कारागृहातील बंद्यांना राखी बांधून रक्षाबंधनाचा सण साजरा करण्यात आला. या प्रसंगी भाई रंजनीकांत व डॉ. लता बाहेकर यांनी बंद्यांना व्यसनमुक्तीची शपथ दिली. तसेच उर्मिला दीदी, पुनम दीदी, सुशांत सुरुशे, सुषमा गवई, जयश्री इंगळे, अर्चना बोरले यांनी मार्गदर्शनपर विचार मांडले. कार्यक्रमाच्या यशस्वी आयोजनासाठी कारागृह अधीक्षक मेघा शंकर बाहेकर, उमेश ...

  पोलीस मुख्यालयात अवयव दान जनजागृती अभियान संपन्न बुलडाणा, (जिमाका) दि. 12 :   अंगदान जीवन संजीवनी अभियान अंतर्गत येथील पोलिस मुख्यालयाच्या कवायत मैदानात अवयव दान जनजागृती कार्यक्रमाचे आयोजन करण्यात आले. यावेळी   मार्गदर्शक डॉ. लध्दड व त्यांची संपूर्ण टीमने अवयव दानाचे महत्त्व व प्रक्रिया संदर्भात जनजागृती केली. जनजागृती कार्यक्रमात कृत्रिम श्वसन पद्धत (CPR) प्रशिक्षण देण्यात आले. तसेच अवयव दानाचे महत्त्व, प्रक्रिया व सामाजिक बांधिलकीबाबत सविस्तर माहिती देण्यात आली. उपस्थितांना अंगदानाच्या माध्यमातून होणारे जीवदान व समाजातील या उपक्रमाची गरज यावरही प्रकाश टाकण्यात आला.             याप्रसंगी पोलिस निरीक्षक श्री. पावरा, राखीव पोलिस निरीक्षक विकास तिडके, पोलिस निरीक्षक दिनकर गावीत, जि.वि.मा.अ. राजेश धुताडमल, डॉ. प्रवीण घोंगटे, डॉ. शिंदे(DPS), नेत्र समुपदेशक योगेश शिरसाट, सौरव हिवाळे आदी उपस्थित होते. कार्यक्रमास पोलिस कर्मचारी व नागरिकांनी उत्स्फूर्त प्रतिसाद दिला. 000000

  अन्न व औषध प्रशासनामार्फत सणासुदीच्या पार्श्वभूमीवर विशेष तपासणी मोहीम          बुलडाणा, (जिमाका) दि. 11 :   सणासुदीच्या पार्श्वभूमीवर राज्यभर “ सण महाराष्ट्राचा, संकल्प अन्न सुरक्षेचा ” या टॅगलाईनखाली अन्न व औषध प्रशासनामार्फत विशेष तपासणी मोहीम सुरू झाली आहे. अन्न व औषध प्रशासन मंत्री ना. नरहरी झिरवाळ यांच्या मार्गदर्शनाखाली, जिल्हाधिकारी व पोलीस अधीक्षक यांच्या निर्देशानुसार आज बुलढाण्यात मोहिमेचा शुभारंभ करण्यात आला. उद्घाटनाच्या दिवशी श्री गणेश बिग्गाजी बिकानेर स्वीट मार्ट, जुना अजीसपुर रोड, सागवण, बुलढाणा येथे तपासणी करून वैध अन्न परवाना नसल्याचे आढळले. संबंधित आस्थापनास परवाना मिळेपर्यंत व्यवसाय बंद करण्याची नोटीस देण्यात आली आहे. यावेळी सहाय्यक आयुक्त(अन्न) पी. एस. पाटील, पोलीस उपाधीक्षक (गृह) बी. डी. पावरा, सहकार अधिकारी एम. ए. पोले, अन्नसुरक्षा अधिकारी नि. म. नवलकार व जी. के. वसावे तसेच पोलीस कॉन्स्टेबल शिवाजी मोरे उपस्थित होते. अन्न व्यवसाय चालकांना वैध परवाना घेणे, स्वच्छतेचे नियम काटेकोरपणे पाळणे, ताज्या व परवानाधारक विक...

  स्वातंत्र्यदिनी बुलढाण्यात ‘ऑपरेशन सिंदुर सन्मान’ महारक्तदान शिबिर बुलडाणा, (जिमाका) दि. 11 :  राज्य उत्पादन शुल्क विभाग आणि देशी-विदेशी लिकर असोसिएशन, बुलढाणा यांच्या संयुक्त विद्यमाने येत्या 15 ऑगस्ट 2025 रोजी “ ऑपरेशन सिंदुर सन्मान ” महारक्तदान शिबिराचे आयोजन करण्यात आले आहे. हे शिबिर सहकार विद्यामंदिर हॉल, बुलडाणा येथे सकाळी ९.३० ते 5 या वेळेत होणार आहे. या रक्तदान शिबिरात बुलढाणावासियांनी उत्स्फूर्त सहभाग नोंदवून रक्तदान करावे, असे आवाहन जिल्हाधिकारी डॉ. किरण पाटील यांनी केले आहे. रक्तसंकलनाची जबाबदारी शासकीय रक्तपेढी बुलढाणा, शेगाव, खामगाव, लिलावती रक्तपेढी बुलढाणा, जनकल्याण रक्तपेढी नांदुरा, दत्ताजी भाले रक्तपेढी छत्रपती संभाजीनगर, आणि डॉ. हेडगेवार रक्तपेढी अकोला या संस्थांकडे असेल. कार्यक्रमास जिल्ह्याचे मान्यवर अधिकारी उपस्थित राहणार असून, जिल्हाधिकारी डॉ. किरण पाटील, मुख्य कार्यकारी अधिकारी गुलाबराव खरात, जिल्हा पोलीस अधीक्षक निलेश तांबे, अप्पर जिल्हाधिकारी सुधीर खांदे, तसेच इतर वरिष्ठ अधिकारी, सामाजिक कार्यकर्ते व संस्था प्रतिनिधी उपस्थित राहणार असून नागरिक...

  ग्रामस्तरीय मृद नमुने तपासणी प्रयोगशाळा उभारणीसाठी अर्ज आमंत्रित बुलडाणा, (जिमाका) दि. 11 :   राष्ट्रीय कृषी विकास योजनेंतर्गत जमिन सुपिकता कार्यक्रम सन २०२५-२६ करिता मृद नमुन्यांची तपासणी ग्रामस्तरीय मृद नमुने तपासणी प्रयोगशाळांमार्फत करण्यात येणार आहे. राज्यस्तरीय वार्षिक कृती आराखड्यानुसार राज्यात ४४४ नवीन प्रयोगशाळांना मंजुरी मिळाली असून, जिल्ह्यास १५ प्रयोगशाळा उभारण्यात येणार आहे. केंद्र शासनाच्या मार्गदर्शक सूचनांनुसार प्रयोगशाळा उभारणीसाठी इच्छुक लाभार्थ्यांनी १५ ऑगस्ट २०२५ पर्यंत अर्ज सादर करावा, असे आवाहन जिल्हा अधीक्षक कृषी अधिकारी मनोजकुमार ढगे यांनी केले आहे. केंद्र शासनाच्या मार्गदर्शक सूचनेनुसार व्यक्ती, शेतकरी उत्पादक संस्था (FPOs), पीएसीएस, कृषी चिकित्सालये व कृषी व्यवसाय केंद्रे (AC&ABC), माजी सैनिक, बचत गट (SHGs), शेतकरी सहकारी संस्था, निविष्ठा विक्रेते तसेच शाळा/कॉलेजमधील युवक-युवती यांना प्रत्येकी   1 लक्ष 50 हजार रुपये अर्थसहाय्य दिले जाणार आहे. इच्छुक लाभार्थ्यांनी आपले अर्ज दिनांक १५ ऑगस्टपर्यंत कार्यालयीन वेळेत जैविक कीड नियंत्रण प्रयोगश...