बुलढाणा तहसील कार्यालयात राष्ट्रीय ग्राहक दिन साजरा

-




बुलढाणा, दि. 24 : बुलढाणा तहसील कार्यालयात राष्ट्रीय ग्राहक दिन विविध उपक्रमांच्या माध्यमातून उत्साहात साजरा करण्यात आला. या कार्यक्रमास उपजिल्हाधिकारी तथा प्र जिल्हा पुरवठा अधिकारी डॉ. जयश्री ठाकरे, तहसीलदार विठ्ठल कुमरे, नायब तहसीलदार शशिकांत वाघ, अनंता पाटील यांच्यासह तहसील कार्यालयातील अधिकारी, कर्मचारी व नागरिक उपस्थित होते.

यावेळी उपजिल्हाधिकारी डॉ. जयश्री ठाकरे यांनी ग्राहक संरक्षण कायद्याची माहिती देत, शासनाच्या विविध योजना व सुविधा ग्राहकांसाठी उपलब्ध असल्याचे सांगितले. तसेच डिजिटल व्यवहारांच्या वाढत्या वापरामुळे नागरिकांनी सायबर सुरक्षिततेकडेही लक्ष द्यावे. ग्राहकांची फसवणूक रोखण्यासाठी प्रशासन सज्ज असून, तक्रार आल्यास तत्काळ दखल घेतली जाते, असेही त्यांनी स्पष्ट केले. तहसीलदार विठ्ठल कुमरे यांनी आपल्या मनोगतात ग्राहक व विक्रेते यांच्यात पारदर्शक व्यवहार होणे आवश्यक असल्याचे नमूद केले.

कार्यक्रमाच्या सुरुवातीस तहसीलदार उर्मिला उरकुंडे यांनी प्रास्ताविक करताना राष्ट्रीय ग्राहक दिन साजरा करण्यामागील उद्देश स्पष्ट केला. तसेच कार्यक्रमाचे सूत्रसंचालन डॉ. गायत्री सावजी यांनी केले. कार्यक्रमाच्या शेवटी तुषार पाटील यांनी उपस्थित मान्यवर, अधिकारी, कर्मचारी व नागरिकांचे आभार मानले.

0000

Comments

Post a Comment

Popular posts from this blog

लोकशाहीर अण्णाभाऊ साठे महामंडळाची थेट कर्ज योजना

-
  लोकशाहीर अण्णाभाऊ साठे महामंडळाची थेट कर्ज योजना         बुलढाणा, (जिमाका) दि. 10: साहित्यरत्न लोकशाहीर अण्णाभाऊ साठे विकास महामंडळाच्यावतीने थेट कर्ज योजना राबविण्यात येत आहे. योजनेचे कर्ज प्रस्ताव जिल्ह्यातील मातंग समाजातील 12 पोटजातीतील अर्जदाराकडून दि. 12 मार्च 2025 पर्यंत अर्ज मागविण्यात येत आहेत. इच्छुक पात्र उमेदवारांनी अर्ज करावा, असे आवाहन साहित्यरत्न लोकशाहीर अण्णाभाऊ साठे विकास महामंडळचे जिल्हा व्यवस्थापक यांनी केले आहे.     साहित्यरत्न लोकशाहीर अण्णाभाऊ साठे विकास महामंडळ मर्यादित जिल्हा कार्यालयाला सन 2024-25 या आर्थिक वर्षाकरिता थेट कर्ज योजनेचे 40 उद्दिष्ट   आहे. थेट कर्ज योजनेंतर्गत 1 लाखामध्ये महामंडळाचे अनुदान रक्कम 10 हजार रूपये आणि 5 टक्के लाभार्थी सहभाग हा 5 हजार रुपये आहे. उर्वरीत 85 हजार महामंडळाचे कर्ज राहणार आहे. थेट कर्ज योजनेचे कर्ज प्रस्ताव जिल्ह्यातील मातंग समाजातील 12 पोटजातीतील इच्छुक अर्जदाराकडून मागविण्यात येत आहेत. कर्जाचे अर्ज दि. 12 मार्च 2025 पर्यंत दिले जातील. यातील पूर्ण असलेले अर्ज स्विकारले ...
Read more

बुलढाणा जिल्ह्याची महान हो कीर्ती

-
Image
" सातपुडा, अजिंठा रांगांनी सजले ।  निसर्गसौंदर्य अलौकिक हो लाभले ।।  म्हणतात याला विदर्भाचे प्रवेशद्वार ।  लोणार सरोवर निसर्गाचा अद्वितीय आविष्कार ।।  जन्मभूमी ही स्वराज्यजननी जिजाऊंची । भूमी ही पावन इतिहासाची साक्षीदार ।। 'विदर्भाची पंढरी' शेगाव नगरीला मान । पूर्णा, पैनगंगेने लाभले सुपीकतेचे वरदान ।। बुलढाणा जिल्ह्याची महान हो कीर्ती ।  बुलढाणा जिल्ह्याची महान हो कीर्ती ।।"  बुलढाणा जिल्हा महाराष्ट्रातील ३६ जिल्ह्यांपैकी एक जिल्हा आहे. हा महाराष्ट्र राज्याच्या अमरावती विभागात आहे विदर्भातील या जिल्ह्याचे क्षेत्रफळ ९६८० चौ.किमी इतके असून लोकसंख्या २२,३२,४८० इतकी आहे. जिल्ह्याच्या पूर्व, पश्चिम व दक्षिण दिशेस अनुक्रमे अकोला-वाशीम,अमरावती जिल्हा, जळगाव-जालना व परभणी हे जिल्हे आहेत. तर उत्तरेस नेमाड जिल्हा(मध्य प्रदेश) आहे. पश्चिम महाराष्ट्र, मराठवाड्यातून विदर्भात येण्यासाठी बुलडाणा जिल्ह्यातूनच यावे लागते म्हणून बुलडाणा जिल्ह्याला 'विदर्भाचे प्रवेशद्वार' देखील म्हंटल्या जाते. जिल्ह्याचे प्रशासकीय कार्यालय बु...
Read more

स्वयं अर्थसहाय्यिता नवीन शाळांना मान्यता व दर्जावाढीची शिफारस; हरकती मागविल्या

-
  स्वयं अर्थसहाय्यिता नवीन शाळांना मान्यता व दर्जावाढीची शिफारस ; हरकती मागविल्या   बुलडाणा, (जिमाका) दि. 4 :   महाराष्ट्र स्वयंअर्थसहाय्यित शाळा अधिनियमानुसार नवीन शाळांना मान्यता व विद्यमान शाळांना दर्जावाढीचा प्रस्तावाची यादी संकेतस्थळावर प्रसिद्ध करण्यात आली आहे. यामध्ये जिल्ह्यातील दोन नवीन शाळांना मान्यता व एका शाळेच्या दर्जावाढ मान्यतेसाठी शासनाकडे शिफारस करण्यात आली आहे. या प्रस्तावासंदर्भात कोणाची हरकत असल्यास पंधरा दिवसाच्या आत सदस्य सचिव क्षेत्रस्तरीय प्राधिकरण तथा उपशिक्षणाधिकारी जिल्हा परिषद यांच्याकडे सादर करावी, असे आवाहन उपशिक्षणाधिकारी(मा) यांनी केले आहे. महाराष्ट्र स्वयंअर्थसहाय्यित शाळा अधिनियम 2012 व नियम 2020 अंतर्गत नवीन शाळा   मान्यता व विद्यमान शाळांची दर्जावाढ करण्याच्या प्रस्तावांबाबत राज्यस्तरीय प्राधिकरणाची बैठक दि. 18 फेब्रुवारी 2025 रोजी घेण्यात आली. त्यानुसार प्राधिकरणाकडे प्राप्त झालेल्या शाळांची यादी www.mahasfs.org व www.education.maharashtra.gov.in या संकेतस्थळावर प्रसिद्ध करण्यात आली आहे. बुलढाणा जिल्ह्यातील दोन नवीन शाळां...
Read more