समता पंधरवाडात विद्यार्थ्यांना जात वैधता प्रमाणपत्राचे वितरण

 

समता पंधरवाडात विद्यार्थ्यांना जात वैधता प्रमाणपत्राचे वितरण

               बुलढाणा,दि.9 (जिमाका) : महामानव भारतरत्न डॉ. बाबासाहेब आंबेडकर यांच्या जयंतीनिमित्त जिल्ह्यात समता पंधरवडा साजरा करण्यात येत आहे. त्यानुसार जिल्हा जात प्रमाणपत्र पडताळणी समितीतर्फे विशेष मोहिमेंतर्गत 670 विद्यार्थ्यांनाचे जात वैधता प्रमाणपत्राचे ऑनलाईन वितरण व 75 त्रुटीची पुर्तता समता पंधरवडाच्या पहिल्या सप्ताहात करण्यात आले.

जिल्हा जात प्रमाणपत्र पडताळणी समिती, बुलडाणा कार्यालयातर्फे दि. 1 एप्रिल ते 14 एप्रिल 2025 या कालावधीत "समता पंधरवाडा" विशेष मोहिमेचे आयोजन करण्यात आले आहे. पंधरवाडाच्या पहिल्या सप्ताहात (दि. 1 ते 7 एप्रिल 2025) या कालावधीत राज्यातील 11 व 12 वी विज्ञान शाखेतील 2025-26 मधील सर्व मागासवर्गीय विद्यार्थ्यांना जात वैधता प्रमाणपत्र मिळण्यासाठी तसेच त्रुटीची पुर्तता करण्यासाठी विशेष मोहिम राबविण्यात येत आहे. त्याअनुषंगाने ज्या विद्यार्थ्यांना त्रुटी पुर्ततेचे ई-मेल आलेले आहेत अशा 75 अर्जदारांनी त्रुटीची पुर्तता करुन ऑनलाईन जात वैधता प्रमाणपत्र निर्गमित केलेले आहे. तसेच विज्ञान शाखेतील 2025-26 मधील 11 व 12 वीच्या 670 मागासवर्गीय विद्यार्थ्यांना ऑनलाईन जात वैधता प्रमाणपत्र निर्गमित केले आहे.

जिल्ह्यातील 11 व 12 वीच्या विज्ञान शाखेतील व डिप्लोमाच्या तृतीय वर्षातील सन 2025-26 मधील प्रवेशीत सर्व मागासवर्गीय विद्यार्थ्यांनी समिती कार्यालयात परिपूर्ण अर्ज सादर करुन जात वैधता प्रमाणपत्र प्राप्त करुन घ्यावे व या मोहिमेचा लाभ घ्यावा, असे आवाहन उपायुक्त तथा सदस्य, माया केदार यांनी केले आहे.

00000