महासंवाद बुलढाणा

  बुलढाणा, दि. 31 (जिमाका) : जिल्ह्यातील सर्वसामान्य जनतेच्या तक्रारी, गाऱ्हाणी व अडचणींचे निरसन करण्यासाठी सोमवार दि. 2 फेब्रुवारी 2026 रोजी दुपारी 1 वाजता जिल्हाधिकारी कार्यालय येथे जिल्हास्तरीय लोकशाही दिन आयोजित करण्यात आले आहे.    अर्जदारांनी अर्ज करतांना स्विकृतीचे निकष : अर्ज विहित नमुन्यात केलेला असावा, तक्रार किंवा निवेदन वैयक्तिक स्वरुपाची असावी, चारही स्तरांवरील लोकशाही दिनाकरीता अर्जदाराने अर्ज विहित नमून्यात 15 दिवस आधी 2 प्रतीत पाठविणे आवश्यक राहील, तालुका लोकशाही दिनानंतर एका माहिन्यांने जिल्हाधिकारी लोकशाही दिनात अर्ज करता येईल, जिल्हाधिकारी लोकशाही दिनानंतर दोन माहिन्यांनी विभागीय आयुक्त लोकशाही दिनात व विभागीय आयुक्त लोकशाही दिनानंतर दोन महिन्यांनी मंत्रालय लोकशाही दिनात अर्ज सादर करता येईल. ‘हे’ अर्ज स्विकारले जाणार नाहीत : न्याय प्रविष्ट प्रकरणे, राजस्व अपिल्स, सेवा व आस्थापना विषयक बाबी, विहीत नमून्यात नसणारे व त्यासोबत आवश्यक त्या कागदपत्रांच्या प्रती न जोडलेले अर्ज, अंतिम उत्तर दिलेले आहे/देण्यात येणार आहे अशा प्रकरणांत पुन्हा त्याच विषयासंदर...

  केंद्रीय आयुष, आरोग्य व कुटूंब कल्याण राज्यमंत्री प्रतापराव जाधव यांनी उत्तम सेवा देणाऱ्या चमुचे केले अभिनंदन !   बुलढाणा, (जिमाका) दि. 30 सार्वजनिक आरोग्य   सेवेची गुणवत्ता सुधारण्यासाठी केंद्र सरकारने सुरू केलेल्या   राष्ट्रीय गुणवत्ता आश्वासन मानांकनाची एक यादी नुकतीच प्रसिद्ध झाली आहे. या यादीमध्ये राज्यातील 5 प्राथमिक आरोग्य केंद्राचा समावेश आहे. त्यातील 3 प्राथमिक आरोग्य केंद्र हे बुलढाणा जिल्ह्यातील आहे. तर 2 प्राथमिक आरोग्य केंद्र धाराशिव(उस्मानाबाद) जिल्ह्यातील आहेत. राष्ट्रीय गुणवत्ता मानांकन प्राप्त करणाऱ्या प्राथमिक आरोग्य केंद्रातील उत्तम आरोग्य सेवा देणाऱ्या सर्वच कर्मचाऱ्यांचे केंद्रीय आयुष, आरोग्य व कुटुंब कल्याण राज्यमंत्री प्रतापराव जाधव यांनी अभिनंदन केले आहे.     आरोग्यसेवाची गुणवत्ता सुधारण्याच्या दृष्टिकोनातून केंद्र सरकारच्यावतीने राष्ट्रीय गुणवत्ता आश्वासन मानांकन पुरस्कार देण्यात येतात. प्राथमिक आरोग्य सेवा केंद्रात दिले जाणारे तातडीचे उपचार, रुग्ण रेफरचे प्रमाण, प्रसूती, रुग्णांसाठी असलेली आरोग्य सेवा, परिसर स्वच्छता...

  बुलढाणा, (जिमाका) दि. 30 : भारताच्या 77 व्या प्रजासत्ताक दिनानिमित्त अन्न व औषध प्रशासन कार्यालय येथे ध्वजारोहण व विविध कार्यक्रमांचे आयोजन करून प्रजासत्ताक दिन अत्यंत उत्साहात साजरा करण्यात आला. यावेळी जिल्ह्यातील माजी सैनिकांचा सत्कार करण्यात आला. कार्यक्रमाच्या प्रारंभी सहाय्यक आयुक्त(औषधे) तथा कार्यक्रम अध्यक्ष गजानन प्रल्हाद घिरके यांच्या हस्ते ध्वजारोहण करण्यात आले. त्यानंतर तंबाखू मुक्ती शपथ तसेच भारतीय संविधान शपथ घेण्यात आली. संविधानातील मूल्ये अधिक दृढ व्हावीत या उद्देशाने संविधान विषयक गीताचे सादरीकरण करण्यात आले. यावेळी शासकीय कर्तव्य निष्ठापूर्वक व सचोटीने पार पाडणाऱ्या अधिकारी व कर्मचाऱ्यांना प्रशस्तीपत्र व स्मृतिचिन्ह देऊन गौरविण्यात आले. सुभेदार मेजर एकनाथ उबरहंडे, सुभेदार गजानन वैद्य, हवालदार पांडुरंग जाधव, सुभेदार संजय चिंचखेडे, सुभेदार रमेश गवई, सुभेदार अशोक शेळके, सुभेदार गजानन उबरहंडे, नायक बजरंग निकम, नायक त्र्यंबक नेमाने, हवालदार समाधान जाधव व हवालदार संदीप जाधव यांच्यासह अनेक माजी सैनिकांचा गौरव करण्यात आला. याप्रसंगी सुभेदार अशोक शेळके व हवालदार सं...

  बुलढाणा, दि. 30 (जिमाका) :   राष्ट्रपिता महात्मा गांधी यांच्या पुण्यतिथीनिमित्त केंद्र शासनाच्या निर्देशानुसार जिल्ह्यात 'स्पर्श कुष्ठरोग जनजागृती अभियान' आणि 'कुष्ठमुक्त सुरक्षित महाराष्ट्र' (कुसुम) विशेष सर्व्हेक्षण मोहीम 30 जानेवारी ते 13 फेब्रुवारी 2026 या कालावधीत संपूर्ण जिल्ह्यात राबविण्यात येत आहे. या अभियानाचा एक भाग म्हणून 26 जानेवारी 2026 रोजी प्रजासत्ताक दिनाचे औचित्य साधून जिल्हाभर कुष्ठरोग निर्मूलनाची शपथ घेण्यात आली. 26 जानेवारी रोजी ध्वजारोहण कार्यक्रमानंतर जिल्ह्यातील ग्रामीण व शहरी भागात शपथ कार्यक्रम पार पडला. यामध्ये सर्व ग्रामपंचायती, प्राथमिक आरोग्य केंद्रे आणि उपजिल्हा रुग्णालये, नगरपालिका व महानगरपालिका दवाखाने, शाळा, महाविद्यालये, आश्रमशाळा आणि अंगणवाड्या, शासकीय व निमशासकीय कार्यालय सहभागी झाले होते. ग्रामपंचायत स्तरावर सरपंचांच्या भाषणाचे वाचन करण्यात आले, ज्यामध्ये कुष्ठरोगाचा कलंक पुसून टाकण्याचे आवाहन करण्यात आले. स्पर्श कुष्ठरोग जनजागृती अभियान आणि कुष्ठमुक्त सुरक्षित महाराष्ट्र (कुसुम) विशेष सर्व्हेक्षण मोहीम 30 जानेवारी ते 13 फेब...

  बुलढाणा, दि. 30 (जिमाका) : राज्य शासनाच्या 'कुष्ठमुक्त सुरक्षित महाराष्ट्र'(कुसुम) कुष्ठरोग शोध मोहीम 2025-26 अंतर्गत आज बुलढाणा जिल्हा कारागृहात विशेष आरोग्य तपासणी व जनजागृती शिबिराचे आयोजन करण्यात आले होते. या मोहिमेत कारागृहातील एकूण 314 बंदीवानांची प्रत्यक्ष शारीरिक तपासणी करण्यात आली. ही मोहीम 30 जानेवारी ते 13 फेब्रुवारी 2026 या कालावधीत संपूर्ण जिल्ह्यात राबविण्यात येत आहे. बुलढाणा कारागृहात झालेल्या या तपासणी दरम्यान आरोग्य सेवा (कुष्ठरोग) विभागाच्या चमूने बंदीवानांना कुष्ठरोगाची लक्षणे, उपचार आणि प्रतिबंधात्मक उपाययोजनांबाबत सविस्तर आरोग्य शिक्षण दिले. यावेळी   आरोग्य सेवा (कुष्ठरोग) सहाय्यक संचालक डॉ. हरी एस. पवार, जिल्हा कारागृहाचे कारागृह अधीक्षक मेधा बाहेकर उपस्थित होते. भारत सरकारने 2027 पर्यंत कुष्ठरोगाचा प्रसार पूर्णपणे थांबवण्याचे ध्येय ठेवले आहे. याच उद्दिष्टाच्या पूर्तीसाठी बुलढाणा जिल्ह्यातील वंचित आणि जोखमीच्या क्षेत्रांवर विशेष लक्ष केंद्रित करण्यात आले आहे. जिल्ह्यातील 18 हजार 851 व्यक्तींची तपासणी   करण्यात येणार असून यासाठी   170 आशा...

  बुलढाणा, दि. 30 (जिमाका) : क्रीडा व युवक सेवा संचालनालय, पुणे अंतर्गत जिल्हा क्रीडा परिषद व जिल्हा क्रीडा अधिकारी कार्यालय, बुलढाणा यांच्या संयुक्त विद्यमाने तसेच विदर्भ रिजन शुटींगबॉल असोसिएशन यांच्या तांत्रिक सहकार्याने दि. 2 ते 3 फेब्रुवारी 2026 या कालावधीत जिल्हा क्रीडा संकुल, बुलढाणा येथे राज्यस्तरीय शालेय शुटींगबॉल क्रीडा स्पर्धांचे आयोजन करण्यात आले आहे. या स्पर्धांमध्ये 17 वर्षांखालील मुले व मुली सहभागी होणार असून राज्यातील प्रत्येक जिल्ह्यातून प्रत्येकी 10 मुले व 10 मुली सहभागी होतील. तसेच प्रत्येक विभागातून पुरुष व महिला संघ व्यवस्थापक, तज्ज्ञ पंचाधिकारी, स्वयंसेवक आदींची उपस्थिती राहणार आहे. स्पर्धांचा उद्घाटन समारंभ दि. फेब्रुवारी 2026 रोजी सकाळी 10 वाजता जिल्हा क्रीडा संकुल, जांभरून रोड, बुलढाणा येथे आयोजित करण्यात आला आहे. यावेळी क्रीडा व युवक सेवा संचालनालयाचे मान्यवर अधिकारी, जिल्हा क्रीडा परिषदेचे पदाधिकारी, शिवछत्रपती पुरस्कारार्थी, अमरावती विभागाचे क्रीडा उपसंचालक, विदर्भ रिजन शुटींगबॉल संघटनेचे पदाधिकारी, जिल्हा क्रीडा अधिकारी कार्यालयातील अधिकारी-कर्मच...

महिलींनी योजनेचा लाभ घ्यावा   जिल्हा महिला व बालविकास अधिकारी अमोल डिघुळे यांचे आवाहन बुलढाणा, दि. 29 (जिमाका) : केंद्र व राज्य शासनाच्या महिला व बालविकास विभागाच्या वतीने कृषी समृद्धी मल्टीपर्पज फाऊंडेशन बुलढाणा या स्वयंसेवी संस्थेच्यामार्फत जिल्हा महिला व बाल विकास अधिकारी कार्यालयाच्या नियंत्रणाखाली बुलढाण्यातील लव्ह ट्रस्ट समोर खामगाव रोड   येथे नोकरी करणाऱ्या महिलांसाठी   ‘सखी निवास ’ हे वसतिगृह सुरु करण्यात आले आहे. या वसतीगृहामध्ये शासकीय, निमशासकीय, किंवा खाजगी नोकरी करणाऱ्या महिलांसाठी सर्व सोयीसुविधांनी युक्त निवास स्थान उपलब्ध आहे. या वसतीगृहा मध्ये निवास स्थानासाठी सुसज्य व प्रशस्त इमारत, इमारती मध्ये अत्याधुनिक सीसीटिव्ही कॅमेऱ्यांची निगराणी, इमारतीसाठी सुरक्षा रक्षक, पिण्यासाठी शुद्ध व थंड पाण्याची व्यवस्था, २४ तास गरम पाणी,महिलांना फिरायला मोकळी जागा असणार आहे. याकरिता बुलढाणा जिल्ह्यातील शासकीय, निमशासकीय, किंवा खाजगी नोकरी करणाऱ्या महिलांसाठी महिला बालविकास विभागाच्या या योजनेचा जास्तीत जास्त निकषांमध्ये बसणाऱ्या महिलांनी लाभ घेवून सखी निवासच्या व...

  बुलढाणा, दि. 29 (जिमाका) : जवाहर नवोदय विद्यालयातील इयत्ता 9 वी आणि 11 वीच्या रिक्त जागांसाठीची निवड चाचणी परीक्षा शनिवार दि. 7 फेब्रुवारी 2026 रोजी आयोजित करण्यात आली आहे.   या परिक्षेचे प्रवेशपत्र अधिकृत संकेतस्थळावर उपलब्ध झाले असून विद्यार्थ्यांनी डाऊनलोड करण्याचे आवाहन करण्यात आले आहे. निवड चाचणी परीक्षा शनिवार दि. 7 फेब्रुवारी 2026 रोजी सकाळी 10.30 ते दुपारी 1.30 या वेळेत इयत्ता 9 वीसाठी जे.व्ही. मेहता हायस्कुल ता.खामगाव जि.बुलढाणा, नॅशनल हायस्कुल ता.खामगाव जि.बुलढाणा व   अंजुमन हायस्कुल ता.खामगाव जि.बुलढाणा या तीन परिक्षा केंद्रावर तर 11 वीसाठी पी.एम. श्री स्कुल, जवाहर नवोदय विद्यालय, ता.शेगांव जि.बुलढाणा व म. बि. बुरुंगले हायस्कुल ता.शेगांव जि.बुलढाणा या दोन परिक्षा केंद्रावर निवड चाचणी परीक्षा होणार आहे. विद्यार्थ्यांनी सकाळी 10 वाजता परीक्षा केंद्रावर हजर राहणे अनिवार्य आहे. परीक्षेसाठीचे प्रवेशपत्र नवोदय विद्यालयाच्या www.navodaya.gov.in या अधिकृत संकेतस्थळावर उपलब्ध आहेत. संबंधित शाळेचे मुख्याध्यापक, पालक आणि विद्यार्थ्यांनी या संकेतस्थळावरून प्रवेशपत...

  बुलढाणा, दि. 29 (जिमाका) : महाराष्ट्र शासनाच्या अल्पसंख्याक विकास विभागामार्फत राज्यातील नोंदणीकृत संस्थांसाठी योजना सुरु करण्यात आली आहे. ज्या संस्थांमध्ये 51 टक्क्यांपेक्षा जास्त बौद्ध समाजातील विश्वस्त किंवा सदस्य आहेत आणि ज्या संस्था शैक्षणिक, सांस्कृतिक किंवा सामाजिक क्षेत्रात कार्यरत आहेत, त्यांना पायाभूत सोयी-सुविधांच्या विकासासाठी 10 लक्ष रुपयांपर्यंत अनुदान उपलब्ध करून दिले जाणार आहे. अल्पसंख्याक विकास विभागाचे दि. 7 ऑक्टोंबर 2024 च्या शासन निर्णयातील तरतुदीनुसार योजनेचा लाभ घेण्यासाठी बुलढाणा जिल्ह्यातील इच्छुक संस्थांनी आपले परिपूर्ण प्रस्ताव 20 फेब्रुवारी 2026 पर्यंत जिल्हाधिकारी कार्यालय, बुलढाणा येथील अल्पसंख्याक विभागात सादर करणे आवश्यक आहे. योजनेच्या अटी व शर्ती : संस्था धर्मादाय आयुक्तांकडे नोंदणीकृत असावी आणि त्याबाबतचे प्रमाणपत्र जोडणे अनिवार्य आहे.  संस्थेच्या कार्यकारी मंडळात (विश्वस्त/सदस्य) किमान 51 टक्के सदस्य बौद्ध समाजातील असावेत. यापूर्वी अशा प्रकारचे अनुदान घेतले असल्यास, त्याचा विनियोग योग्य कारणासाठी झाल्याचे सक्षम प्राधिकाऱ्याचे प्रतिस्व...

    बुलढाणा, दि. 28 (जिमाका) : राज्याचे उपमुख्यमंत्री ना. अजितदादा आशाताई अनंतराव पवार यांचे आज, दि. २८ जानेवारी २०२६ रोजी विमान अपघातात दुर्दैवी निधन झाले. या घटनेमुळे संपूर्ण राज्यात शोककळा पसरली आहे. या पार्श्वभूमीवर महाराष्ट्र शासनाने दि. २८ जानेवारी ते ३० जानेवारी २०२६ या कालावधीत राज्यस्तरीय दुखवटा पाळण्याचा निर्णय घेतला आहे. त्यानुसार या तीन दिवसांत जिल्ह्यातील सर्व शासकीय कार्यालयांवरील राष्ट्रीय ध्वज अर्ध्यावर फडकावण्यात यावे. तसेच दुखवटा कालावधीत कोणत्याही प्रकारचे शासकीय अथवा सार्वजनिक मनोरंजनाचे कार्यक्रम आयोजित होणार नाहीत, याची दक्षता घेण्याचे निर्देश जिल्हाधिकाऱ्यांनी दिले आहेत. तसेच, शासनाच्या सूचनेनुसार दि. २८ जानेवारी २०२६ रोजी जिल्ह्यातील सर्व शासकीय कार्यालये व आस्थापना बंद राहतील, असे परिपत्रक जिल्हाधिकारी डॉ किरण पाटील यांनी जारी केले आहे. 0000

बुलढाणा, (जिमाका) दि. 27 : जिल्ह्यातील नोकरीच्या शोधात असलेल्या तरुण-तरुणींसाठी एक मोठी आनंदाची बातमी आहे. जिल्हा कौशल्य विकास, रोजगार व उद्योजकता मार्गदर्शन केंद्र (मॉडेल करिअर सेंटर), बुलढाणा आणि माऊली कॉलेज ऑफ इंजिनीअरिंग अँड टेक्नॉलॉजी, शेगाव यांच्या संयुक्त विद्यमाने आगामी २ फेब्रुवारी २०२६ (सोमवार) रोजी भव्य रोजगार मेळाव्याचे आयोजन करण्यात आले आहे. या मेळाव्यामध्ये देशातील नामांकित कंपन्या सहभागी होणार असून थेट मुलाखतीद्वारे रिक्त पदे भरली जाणार आहेत. यामध्ये प्रामुख्याने: भारत फोर्ज, पुणे मरीन इलेक्ट्रिकल, मुंबई बी. व्ही. जी. इंडिया, पुणे कोअर प्रोजेक्ट इंजिनीअर्स, अमरावती यांसह ३३ पेक्षा अधिक दिग्गज कंपन्यांचा समावेश आहे. १०वी, १२वी, ITI, डिप्लोमा (पदविका) आणि सर्व शाखांचे पदवीधर व तत्सम शैक्षणीक पात्रताधारक उमेदवारांना हा मेळावा पूर्णपणे निःशुल्क (मोफत) आहे. मेळाव्याचा तपशील दिनांक: २ फेब्रुवारी २०२६ (सोमवार) ठिकाण: माऊली कॉलेज ऑफ इंजिनीअरिंग अँड टेक्नॉलॉजी, खामगाव-शेगाव रोड, शेगाव. इच्छुक उमेदवारांनी खालील पोर्टलवर आपली नोंदणी करणे आवश्यक आहे:राज्य शासन पोर्टल: www.rojg...

  बुलढाणा, दि. 27 (जिमाका) : क्रीडा व युवक सेवा संचालनालय, पुणे अंतर्गत जिल्हा क्रीडा परिषद व जिल्हा क्रीडा अधिकारी कार्यालय, बुलढाणा यांच्या संयुक्त विद्यमाने तसेच विदर्भ रिजन शुटींगबॉल असोसिएशन यांच्या तांत्रिक सहकार्याने दि. 28 ते 30 जानेवारी 2026 या कालावधीत जिल्हा क्रीडा संकुल, बुलढाणा येथे राज्यस्तरीय शालेय शुटींगबॉल क्रीडा स्पर्धांचे आयोजन करण्यात आले आहे. या स्पर्धांमध्ये 17 वर्षांखालील मुले व मुली सहभागी होणार असून राज्यातील प्रत्येक जिल्ह्यातून प्रत्येकी 10 मुले व 10 मुली सहभागी होतील. तसेच प्रत्येक विभागातून पुरुष व महिला संघ व्यवस्थापक, तज्ज्ञ पंचाधिकारी, स्वयंसेवक आदींची उपस्थिती राहणार आहे. स्पर्धांचा उद्घाटन समारंभ दि. 29 जानेवारी 2026 रोजी सकाळी 10.30 वाजता जिल्हा क्रीडा संकुल, जांभरून रोड, बुलढाणा येथे आयोजित करण्यात आला आहे. यावेळी क्रीडा व युवक सेवा संचालनालयाचे मान्यवर अधिकारी, जिल्हा क्रीडा परिषदेचे पदाधिकारी, शिवछत्रपती पुरस्कारार्थी, अमरावती विभागाचे क्रीडा उपसंचालक, विदर्भ रिजन शुटींगबॉल संघटनेचे पदाधिकारी, जिल्हा क्रीडा अधिकारी कार्यालयातील अधिकारी-कर...

    बुलढाणा, (जिमाका) दि. 27: स्पर्श कुष्ठरोग जनजागृती अभियान तसेच कुष्ठमुक्त सुरक्षित महाराष्ट्र (कुसुम) विशेष सर्व्हेक्षण मोहीम जिल्ह्यात 30 जानेवारी ते 13 फेब्रुवारी 2026 या कालावधीत राबविण्यात येणार आहे. राष्ट्रपिता महात्मा गांधी यांच्या पुण्यतिथीनिमित्त राष्ट्रीय कुष्ठरोग निवारण दिन साजरा करण्याबाबत केंद्र शासनाने दिलेल्या निर्देशानुसार हे अभियान राबविले जाणार आहे.   या अभियानांतर्गत पंधरवड्याच्या कालावधीत जिल्ह्यात विविध आरोग्य साक्षरतेचे उपक्रम राबविण्यात येणार असून कुष्ठरोगाविषयी जनजागृती, लवकर निदान व उपचारावर भर देण्यात येणार आहे. स्पर्श कुष्ठरोग जनजागृती अभियानाच्या अनुषंगाने दि. 26 डिसेंबर 2025 रोजी जिल्हाधिकारी दालनात जिल्हाधिकारी डॉ. किरण पाटील यांच्या अध्यक्षतेखाली समन्वय समितीची बैठक आयोजित करण्यात आली होती. यावेळी सहाय्यक संचालक, आरोग्य सेवा (कुष्ठरोग) डॉ. हरी पवार यांच्यासह संबंधित आरोग्य यंत्रणेचे अधिकारी उपस्थित होते.   अभियानांतर्गत शाळांमध्ये प्रार्थनेनंतर कुष्ठरोग प्रतिज्ञेचे वाचन, प्रश्नमंजुषा, निबंध स्पर्धा, कुष्ठरोगावरील गाणी व क...

  बुलढाणा, (जिमाका) दि. 23 : जिल्हा महिला व बाल विकास अधिकारी कार्यालय आणि अस्मिता फॉउंडेशन यांच्या संयुक्त विद्यमाने बाल विवाह मुक्त भारत अभियान मुक्तीरथाला आज जिल्हाधिकारी डॉ. किरण पाटील यांच्या हस्ते हिरवी झेंडी दाखवून मार्गस्थ करण्यात आले. बाल विवाह मुक्त भारत अभियान हे भारत सरकार व विविध राज्य सरकारांच्या संयुक्त प्रयत्नातून राबवले जाणारे राष्ट्रीय पातळीवरील जनजागृती व कृती अभियान आहे. याचा मुख्य उद्देश 18 वर्षांखालील मुलींचे व 21 वर्षांखालील मुलांचे विवाह पूर्णतः थांबवणे हा आहे.   अभियानाच्या माध्यमातून बाल विवाहाची सामाजिक रूढी संपवणे, मुलींचे शिक्षण टिकवून ठेवणे, बालकांचे आरोग्य व सुरक्षित भविष्य सुनिश्चित करणे, कायद्याची प्रभावी अंमलबजावणी करणे आणि समाजात जनजागृती वाढवणे हे प्रमुख उद्दिष्टे साध्य करण्याचा प्रयत्न करण्यात येणार आहे.   यावेळी अपर जिल्हाधिकारी सुधीर खांदे, निवासी उपजिल्हाधिकारी सुरेश कव्हळे, उपजिल्हाधिकारी महसूल समाधान गायकवाड, अनिल गोडगे, जिल्हा महिला व बाल विकास अधिकारी अमोल डिघुळे यांच्यासह अधिकारी व कर्मचारी उपस्थित होते.   ...

  जिल्हाधिकारी कार्यालयात प्रजासत्ताक दिन उत्साहात साजरा बुलढाणा, दि.26 (जिमाका) : भारताच्या 77 वा प्रजासत्ताक दिनानिमित्त जिल्हाधिकारी कार्यालय मोठ्या उत्साहात साजरा करण्यात आला. यावेळी जिल्हाधिकारी डॉ. किरण पाटील यांच्या हस्ते ध्वजारोहण करुन मानवंदना देण्यात आली.             यावेळी अपर जिल्हाधिकारी सुधीर खांदे, निवासी उपजिल्हाधिकारी सुरेश कव्हळे, उपजिल्हाधिकारी समाधान गायकवाड, राजेंद्र पोळ, डॉ. जयश्री ठाकरे, अजिंक्य गोडगे, उपविभागीय अधिकारी शरद पाटील तसेच विविध विभागाचे विभाग प्रमुख, अधिकारी व कर्मचारी उपस्थित होते.             यावेळी तंबाखु विरोधी, बालविवाह व भृण हत्या प्रतिबंधक शपथ घेण्यात आली. तसेच विविध क्षेत्रात उल्लेखनिय कार्य केलेल्या अधिकारी, कर्मचारी व खेळाडूंना जिल्हाधिकारी डॉ. पाटील यांच्या हस्ते मानचिन्ह, प्रशस्तीपत्र देऊन गौरविण्यात आले. 0000

  विकसित भारतासाठी आत्मनिर्भर बुलढाण्याचा संकल्प करुया ! -          जिल्हाधिकारी डॉ. किरण पाटील Ø देशाचा 77 वा प्रजासत्ताक दिन उत्साहात साजरा Ø जिल्हाधिकाऱ्यांच्या हस्ते ध्वजवंदन   बुलढाणा, दि.26 (जिमाका) : विकसित भारत 2047 च्या विकासगाथेत बुलढाणा जिल्ह्याचे नाव सुवर्ण अक्षरात कोरले जावे आणि प्रशासन, लोकप्रतिनिधी व नागरिकांनी ‘आत्मनिर्भर बुलढाणा’ घडवण्यासाठी एकजुटीने काम करण्याचा संकल्प करण्याचे आवाहन जिल्हाधिकारी डॉ. किरण पाटील यांनी आज केले.   देशाच्या 77 व्या प्रजासत्ताक दिनानिमित्त पोलीस कवायत मैदानात जिल्हाधिकारी डॉ. किरण पाटील यांच्या हस्ते मुख्य शासकीय ध्वजारोहण करण्यात आले. याप्रसंगी संबोधित करताना ते बोलत होते.    यावेळी आमदार संजय गायकवाड, मुख्य कार्यकारी अधिकारी गुलाबराव खरात, पोलीस अधीक्षक निलेश तांबे, अपर जिल्हाधिकारी सुधीर खांदे यांच्यासह प्रशासनातील अधिकारी, विभाग प्रमुख, स्वातंत्र सेनानी, वीरमाता, वीरपत्नी, ज्येष्ठ नागरिक, शाळा व महाविद्यालयातील विद्यार्थी पालक, पत्रकार आणि नागरिक मोठ्या सं...