चिखलीतील शेतकऱ्यांनी ई-पिक पाहणी ॲपद्वारे शेतातील पिकाची नोंदणी करण्याचे आवाहन
वृत्त क्रमांक : 910 दिनांक : 12.12.2024
चिखलीतील शेतकऱ्यांनी ई-पिक पाहणी ॲपद्वारे शेतातील पिकाची नोंदणी करण्याचे
आवाहन
बुलढाणा, दि.12 (जिमाका) : कृषी विभागाच्या शासन निर्णयानुसार संपूर्ण राज्यात
यंदाच्या रब्बी हंगामापासून ई-पिक पाहणी (डिजीटल क्रॉप सर्वे) या मोबाईल ॲपव्दारे शेतकरी
स्तरावरुन पिकाची नोंदणी दि. 1 डिसेंबरपासून सुरु करण्यात आली आहे. त्यामुळे चिखली
तालुक्यातील सर्व शेतकरी बांधवानी ई-पिक पाहणी मोबाईल ॲपच्या माध्यमातून प्रत्यक्ष
शेतावर जाऊन आपल्या पिकांची नोंदणी करावी, असे आवाहन तहसिलदारांनी केले आहे.
डिजीटल क्रॉप सर्वे हा गटाच्या हद्दीवर आधारित बंधनकारक करण्यात आली आहे. जोपर्यंत
संबंधित खातेदार निवडलेल्या गटात जाऊन पिक पाहणी करत नाही,तोपर्यंत पिकाचे छायाचित्र
काढता येत नाही व पिक पाहणी अपलोड करता येत नाही.
चिखली तालुक्यातील सर्व शेतकरी बांधवानी ई-पिक पाहणी डीजीटल क्रॉप सर्वे
(DCS) ॲपच्या माध्यमातून प्रत्यक्ष शेतावर जाऊन आपल्या पिकांची नोंदणी करावी, असे आवाहन
चिखलीचे तहसिलदार मुरलीधर गायकवाड यांनी केले आहे. 000000000
Comments
Post a Comment