जिल्हा माहिती कार्यालय, बुलडाणा

  जिल्हाधिकारी कार्यालयात राष्ट्रसंत तुकडोजी महाराज जयंती साजरी बुलडाणा, दि. 30 : जिल्हाधिकारी कार्यालयात आज राष्ट्रसंत तुकडोजी महाराज जयंती साजरी करण्यात आली. राष्ट्रसंत तुकडोजी महाराज जयंतीनिमित्त उपजिल्हाधिकारी सुरेश थोरात यांनी प्रतिमेला पुष्पहार अर्पण करून अभिवादन केले. यावेळी उपजिल्हाधिकारी समाधान गायकवाड, अक्षय गाडगे, नाझर गजानन मोतेकर, सुरेश खोडके आदी उपस्थित होते. उपस्थितांनी राष्ट्रसंत तुकडोजी महाराजांना अभिवादन केले. 000000 महाराष्ट्र दिनानिमित्त आज ध्वजारोहण बुलडाणा, दि. 30 : महाराष्ट्र दिनाच्या 64वा वर्धापन दिनानिमित्त बुधवार, दि. 1 मे रोजी सकाळी 8 वाजता ध्वजारोहण करण्यात येणार आहे. पोलिस कवायत मैदान येथे ध्वजारोहणाचा मुख्य शासकीय समारंभ होणार आहे. यावेळी नागरिकांनी उपस्थित राहावे असे आवाहन जिल्हाधिकारी डॉ. किरण पाटील यांनी केले आहे. 00000 पाणीटंचाई   निवारणासाठी   टँकर   मं जूर बुलडाणा, दि‍. 30 : जिल्ह्यातील काही तालुक्यात सद्यस्थि‍तीत पिण्याच्या स्त्रोतापासून आवश्यक पाणी उपलब्ध होत नाही. त्यामुळे देऊळगाव राजा तालुक्यातील तीन गावांना टँकरने पाणीपुरवठा क...

  खरीप हंगामात उत्पादकता वाढीवर लक्ष केंद्रीत करावे -जिल्हाधिकारी डॉ. किरण पाटील बुलडाणा, दि. 29 : जिल्ह्यात सोयाबीन आणि कापूस पिकांवर शेतकऱ्यांची अवलंबितता अधिक आहे. या शेतकऱ्यांवर अरिष्ट ओढविल्यास त्यांची परिस्थिती बिकट होते. त्यामुळे शेतकऱ्यांना फायदेशीर आणि त्यांची उत्पादकता वाढणारी पिके घेण्याकडे शेतकऱ्यांचे लक्ष केंद्रीत करावे, असे आवाहन जिल्हाधिकारी डॉ. किरण पाटील यांनी केले. आज जिल्हाधिकारी कार्यालयात खरीप हंगामपूर्व आढावा बैठक घेण्यात आली. यावेळी मुख्य कार्यकारी अधिकारी बी. एम. मोहन, जिल्हा अधीक्षक कृषि अधिकारी मनोज ढगे आदी उपस्थित होते. जिल्हाधिकारी डॉ. पाटील म्हणाले, येत्या खरीप हंगामात शेतकऱ्यांना योग्य मार्गदर्शन होणे गरजेचे आहे. गेल्या खरीप हंगामात सोयाबीन आणि कापूस या पिकांकडे शेतकऱ्यांचा कल अधिक होता. यावर्षी शेतकऱ्यांना नफा मिळवून देणारी पिके घेण्यासाठी शेतकऱ्यांना प्रवृत्त करावे. यासाठी त्यांना दर्जेदार बियाणे उपलब्ध होण्यासाठी प्रयत्न करावेत. शेतकऱ्यांना बोगस बियाणे विक्री होऊ नये म्हणून शेतकऱ्यांनी अधिकृत विक्रेत्यांकडून बियाणे खरेदी करावे, बियाणे खरेदीची पावती,...

 बुलढाणा लोकसभा मतदारसंघात 62.03 टक्के मतदान बुलडाणा, दि. 27 : लोकसभा सार्वत्रिक निवडणूक 2024 च्या बुलढाणा लोकसभा मतदारसंघ निवडणुकीसाठी शुक्रवार, दि. 26 एप्रिल रोजी मतदान घेण्यात आले. या मतदानामध्ये बुलढाणा मतदारसंघासाठी  62.03 टक्के मतदान झाले. लोकसभा सार्वत्रिक निवडणुकीत जिल्ह्यातील मतदारांनी उत्साहात मतदान केले. बुलढाणा लोकसभा मतदारसंघातील नऊ लाख 33 हजार 173   पुरुष मतदारांपैकी सहा लाख 3 हजार 525, तर आठ लाख 49 हजार 503 महिला मतदारांपैकी पाच लाख 2 हजार 226, तसेच इतर 24 मतदारांपैकी दहा मतदारांनी मतदानाचा हक्क बजावला. मतदारसंघातील 17 लाख 82 हजार 700 मतदारांपैकी अकरा लाख 5 हजार 761 मतदारांनी मतदानाचा हक्क बजावला. बुलढाणा लोकसभा मतदारसंघात सहा विधानसभा मतदारसंघातील मतदारांचा समावेश आहे. यात बुलढाणा विधानसभा मतदारसंघातील एक लाख 53 हजार 160 पुरुष मतदारांपैकी 86 हजार 164, तर एक लाख 40 हजार 326 महिला मतदारांपैकी 72 हजार 211, तसेच तेरा इतर उमेदवारांपैकी सहा मतदारांनी हक्क बजावला. बुलढाणा विधानसभा मतदारसंघात एकूण दोन लाख 93 हजार 499 मतदारांपैकी एक लाख 58 हजार 381 मतदारांनी म...

  कामगार मतदारांना मतदानासाठी सुट्टी बुलडाणा, दि. 24 : बुलढाणा मतदारसंघामध्ये दुसऱ्या टप्प्यात दि. 26 एप्रिल 2024 रोजी मतदान होणार आहे. उद्योग, उर्जा, कामगार व खनिकर्म विभागाच्या आदेशानुसार निवडणूक होणाऱ्या मतदान क्षेत्रात सर्व मतदारांना मतदानाचा हक्क बजावता यावा यासाठी मतदानाच्या दिवशी सुट्टी देण्यात येणार आहे. निवडणूक होणाऱ्या मतदान क्षेत्रात मतदार असलेले कामगार, अधिकारी, कर्मचाऱ्यांना ते कामानिमित्त निवडणूक होणाऱ्या क्षेत्राबाहेर कार्यरत असले तरीही त्यांना निवडणुकीच्या दिवशी मतदानाचा हक्क बजावण्यासाठी भरपगारी सुट्टी देण्यात येणार आहे. सदर सुट्टी उद्योग, उर्जा आणि कामगार विभागांतर्गत येणाऱ्या सर्व आस्थापना, कारखाने, दुकाने आदींना लागू राहणार आहे. खासगी कंपन्यांमधील आस्थापना, सर्व दुकाने आणि इतर आस्थापना, निवासी हॉटेल, खाद्यगृहे, अन्य गृहे, नाट्यगृहे, व्यापार, औद्योगिक उपक्रम किंवा इतर आस्थापना, तसेच माहिती तंत्रज्ञान कंपन्या, शॉपिंग सेंटर, मॉल्स रिटेलर्स यांना हा आदेश लागू राहणार आहे. अपवादात्मक परिस्थितीत कामगार, अधिकारी, कर्मचारी आदींना पूर्ण दिवस सुट्टी देणे शक्य नसल्यास मतदान...

  लोकसभा निवडणुकीत मतदारांच्या मदतीसाठी व्होटर हेल्पलाईन *मतदारांना व्होटर स्लीप, संदेश पत्राचे वितरण *मतदानाचे प्रमाण वाढविण्यासाठी संस्थांना आवाहन बुलडाणा, दि. 23 : येत्या लोकसभा निवडणुकीसाठी शुक्रवार दि. 26 एप्रिल रोजी मतदान होणार आहे. या निवडणुकीच्या निमित्ताने भारत निवडणूक आयोगाने मतदारांच्या मदतीसाठी व्होटर   हेल्पलाईन ॲप विकसित केले आहे. या ॲपच्या माध्यमातून मतदारांना निवडणुकीसंदर्भात सर्व माहिती आणि सेवा मिळणार आहे. ॲप सहजपणे डाऊनलोड करण्यासाठी क्यूआर कोडही देण्यात आला आहे. व्होटर   हेल्पलाईन   ॲपला नागरिकांचा मोठा प्रतिसाद मिळत आहे. भारत निवडणूक आयोगाच्या या ॲपने मतदारांशी संबंधित सेवा देऊन क्रांती घडवून आणली आहे. या ॲपमध्ये नवीन मतदारांची नोंदणी, मतदारांसाठी सेवा, ई-इपिक डाऊनलोड, निवडणूक विषयक माहिती, उमेदवारांची माहिती, निवडणूक निकाल, माहिती स्त्रोत, नवीन घडामोडी, तक्रारी आणि सूचना यासह मतदारयादीतील तपशिलांची दुरुस्ती, मतदारयादीतील नावाचा शोध आणि इतर निवडणूक संबंधित सेवांनी या ॲपने ईसीआयला नागरिकांशी जोडले आहे. तसेच ही प्रक्रिया अधिक सोयीस्कर आणि कार्यक्षम...

शुक्रवारच्या मतदानासाठी निवडणूक यंत्रणा सज्ज -जिल्हाधिकारी डॉ. किरण पाटील *17 लाख 82 हजार मतदार बजावणार मतदानाचा हक्क *शहरी 381, ग्रामीण 1581 असे 1962 मतदान केंद्र *11 हजार अधिकारी, 5 हजार पोलिस राहणार तैनात बुलडाणा, दि. 22 :   भारत निवडणूक आयोगाने दि. 16 मार्च रोजी लोकसभा निवडणुकीचा कार्यक्रम घोषित केला आहे. त्यानुसार शुक्रवार, दि. 26 एप्रिल रोजी मतदान होणार आहे.  लोकसभा मतदारसंघासाठी 17 लाख 82 हजार मतदार मतदानाचा हक्क बजावणार असून 1 हजार 104 ठिकाणी 1 हजार 962 मतदान मतदान केंद्र राहणार आहे. या मतदान प्रक्रियेसाठी जिल्हा निवडणूक यंत्रणा सज्ज झाली आहे, अशी माहिती जिल्हाधिकारी डॉ. किरण पाटील यांनी दिली. बुलढाणा लोकसभा मतदारसंघासाठी शुक्रवारी सकाळी 7 ते सायंकाळी 6 वाजेपर्यंत मतदान होणार आहे. यात 17 लाख 82 हजार मतदार मतदानाचा हक्क बजावणार आहे. यावेळी 18 ते 19 वर्षे वयोगटातील नव्याने नोंदणी केलेले 26 हजार 500 मतदार पहिल्यांदाच मतदान करणार आहे. मतदार संघात 9 लाख 33 हजार 173 पुरूष, तर 8 लाख 49 हजार 503 महिला आणि 24 तृतीयपंथी मतदारांची नोंद झाली आहे. यात दिव्यांग 14 हजार 234, 85 वर्षा...

  लोकसभा निवडणुकीत रांगविरहित मतदान प्रक्रिया *मतदानासाठी मतदारांना टोकन देणार *दिव्यांग, ज्येष्ठ नागरिकांना व्हीलचेअरची सुविधा *प्रत्येक केंद्रावर आरोग्य पथक तैनात बुलडाणा ,   दि . 21   :  येत्या लोकसभा सार्वत्रिक निवडणुकीसाठी दि. 26 एप्रिल रोजी मतदान होणार आहे. सध्यास्थितीतील जिल्ह्यातील उष्ण तापमानाच्या पार्श्वभूमीवर मतदानासाठी येणाऱ्या मतदारांच्या सुलभतेसाठी विविध उपाययोजना करण्यात येत आहे. यात यावर्षी प्रामुख्याने टोकन पद्धतीचा अवलंब करण्यात येणार आहे. मतदान केंद्रावर येणाऱ्या प्रत्येकाला टोकन देण्यात येणार आहे. मतदानासाठी एकावेळी फक्त पाच मतदार रांगेत उभे राहतील. उर्वरीत टोकन असणाऱ्या मतदारांसाठी मतदान केंद्राच्या बाजूच्या खोलीत बैठक व्यवस्था करण्यात येणार आहे . सध्या जिल्ह्यात तापमान उष्ण आहे. याचा परिणाम मतदानाचा हक्क बजावण्यावर होऊ नये, नागरिकांनी मतदानाचा हक्क बजावावा, यासाठी प्रशासनातर्फे विविध उपाययोजना करण्यात येत आहे. यात यावर्षी प्रथमच मतदारांना मतदान केंद्रावर टोकन देण्यात येणार आहे. या टोकन क्रमांकानुसार मतदान करण्यासाठी रांगेत सोडण्यात येणार आहे. मह...

  जिल्ह्यात आजपासून घरून मतदान *मतदानासाठी 101 पथके स्थापन *टपाली मतप‍त्रिकेद्वारे होणार मतदान बुलडाणा ,   दि . 20   : लोकसभा निवडणुकीत प्रथमच दिव्यांग आणि 85 वर्षावरील मतदारांना घरून मतदान करण्याची सुविधा देण्यात आली आहे. जिल्हाभरातून घरून मतदानाची मागणी नोंदणी नोंदविलेल्या 2 हजार 863 मतदारांकडून रविवार, दि. 21 एप्रिलपासून मतदान करुन घेतले जाणार आहे. यासाठी 101 स्वतंत्र पथक निर्माण करण्यात आले आहे. मागणी नोंदविलेल्या दिव्यांग आणि ज्येष्ठ नागरिकांना घरून मतदानाची सुविधा देण्यात आली आहे. संबंधित मतदारांना मतदानाची आगाऊ सूचना देण्यात यावी. विहित केलेल्या दिनांक आणि कालावधीत मतदारांकडून मतदान करून घ्यावे. अशा सूचना जिल्हाधिकारी डॉ. किरण पाटील यांनी दिल्या आहे. येत्या लोकसभा सार्वत्रिक निवडणुकीत 85 वर्षावरील ज्येष्ठ नागरिक, तसेच 40 टक्क्यांपेक्षा जास्त दिव्यांगत्व असलेले दिव्यांग मतदारांच्या मागणीनुसार रविवारपासून घरपोच मतदान करण्याची सुविधा देण्यात येणार आहे. जिल्ह्यात 2 हजार 171 ज्येष्ठ नागरिक आणि 692 दिव्यांग असे एकूण 2 हजार 863 मतदारांच्या घरी जाऊन मतदान पथकामार्फत मतदान ...