DIO BULDANA NEWS 18.02.2024

-

 

वैयक्तिक लाभाच्या योजनेसाठी अर्ज करण्याचे आवाहन


बुलडाणा, दि. १८ : जिल्हा परिषदेच्या यावर्षीच्या सेस फंडातून जिल्ह्यातील ग्रामीण भागातील महिला आणि मुलींकरिता वैयक्तिक लाभाच्या योजनांचा लाभ थेट हस्तांतरणने देण्यात येणार आहे. यासाठी दि.२२ फेब्रुवारी २०२४ पर्यंत अर्ज मागविण्यात आले आहे.
या योजनेतून ग्रामीण भागातील दिव्यांग महिला व दिव्यांग मुलींना पिठाची चक्की पुरविणे आणि ग्रामीण भागातील महिला व मुलींना पिको व फॉल मशिन पुरविण्यात येणार आहे. सदर योजनांचे अर्ज हे प्रत्येक तालुक्यातील एकात्मिक बालविकास सेवा योजना प्रकल्प कार्यालय येथे उपलब्ध आहेत. लाभार्थ्यांना आवश्यक कागदपत्रांसह अर्ज भरावे लागणार आहे. अटी व शर्तीची पुर्तता करीत असल्यास आत्महत्याग्रस्त शेतकरी कुटुंबांना प्राधान्य देण्यात येणार आहे. योजनेशी संबधित अर्ज तसेच अटी व शर्ती कार्यालयात, तसेच प्रत्येक तालुक्यातील सर्व बालविकास प्रकल्प कार्यालय व zpbuldhana.maharashtra.gov.in या संकेतस्थळावर उपलब्ध आहे, असे जिल्हा परिषदेचे बाल कल्याण विभागाचे उपमुख्य कार्यकारी अधिकारी यांनी कळविले आहे.
000000
शारीरिक शिक्षण शिक्षकांचे प्रशिक्षण शिबीर उत्साहात


बुलडाणा, दि. १८ : जिल्हा क्रीडा अधिकारी कार्यालयातर्फे जिल्हास्तर शारीरिक शिक्षण शिक्षकांचे निवासी प्रशिक्षण शिबीर दि. 9 ते 16 फेब्रुवारी 2024 दरम्यान जिल्हा क्रीडा संकुलात पार पडले.
सदर प्रशिक्षण शिबीरात क्रीडा शिक्षकांना उजळणी म्हणून विविध खेळात झालेले बदल, खेळामधील बदललेले तंत्रज्ञान, प्रशिक्षणाच्या पध्दती, खेळामधील कौशल्याची ओळख, नवीन खेळांची ओळख, खेळांची शास्त्रोक्त माहिती, क्रीडा शिक्षकांच्या ज्ञानात भर पडावी व वेळोवेळी क्रीडा क्षेत्रामध्ये होणारे बदल अवगत याबाबत माहिती देण्यात आली. 
सदर शिबीराकरीता योगासाठी डॉ. तृप्ती महाले, आहार शास्त्रासाठी डॉ. साधना भवटे, स्पोर्टस् इन्जुरीबाबत डॉ.अनुप इंगळे, मानसोपचार तज्ज्ञ डॉ. लता बाहेकर, स्काऊट आणि गाईडकरीता श्री. आठवले, श्रीमती पवार आणि विविध खेळांसाठी तज्ज्ञ क्रीडा मार्गदर्शकांनी मार्गदर्शन केले. 
शिबीराचा समारोप दि.16 फेब्रुवारी 2024 रोजी करण्यात आला. यावेळी क्रीडा उपसंचालक विजय संतान, जिल्हा क्रीडा अधिकारी बी. एस. महानकर, व्हॉलीबॉल संघटनेचे सचिव संजय नाईक उपस्थित होते. यात राष्ट्रीय खेळाडूंचा सत्कार करण्यात आला. शिबीर प्रमुख उज्वला लांडगे प्रास्ताविक केले. सतीशकुमार पडूळकर यांनी सूत्रसंचालन केले. प्रविणकुमार राठोड यांनी आभार मानले.
०००००

Comments

Post a Comment

Popular posts from this blog

लोकशाहीर अण्णाभाऊ साठे महामंडळाची थेट कर्ज योजना

-
  लोकशाहीर अण्णाभाऊ साठे महामंडळाची थेट कर्ज योजना         बुलढाणा, (जिमाका) दि. 10: साहित्यरत्न लोकशाहीर अण्णाभाऊ साठे विकास महामंडळाच्यावतीने थेट कर्ज योजना राबविण्यात येत आहे. योजनेचे कर्ज प्रस्ताव जिल्ह्यातील मातंग समाजातील 12 पोटजातीतील अर्जदाराकडून दि. 12 मार्च 2025 पर्यंत अर्ज मागविण्यात येत आहेत. इच्छुक पात्र उमेदवारांनी अर्ज करावा, असे आवाहन साहित्यरत्न लोकशाहीर अण्णाभाऊ साठे विकास महामंडळचे जिल्हा व्यवस्थापक यांनी केले आहे.     साहित्यरत्न लोकशाहीर अण्णाभाऊ साठे विकास महामंडळ मर्यादित जिल्हा कार्यालयाला सन 2024-25 या आर्थिक वर्षाकरिता थेट कर्ज योजनेचे 40 उद्दिष्ट   आहे. थेट कर्ज योजनेंतर्गत 1 लाखामध्ये महामंडळाचे अनुदान रक्कम 10 हजार रूपये आणि 5 टक्के लाभार्थी सहभाग हा 5 हजार रुपये आहे. उर्वरीत 85 हजार महामंडळाचे कर्ज राहणार आहे. थेट कर्ज योजनेचे कर्ज प्रस्ताव जिल्ह्यातील मातंग समाजातील 12 पोटजातीतील इच्छुक अर्जदाराकडून मागविण्यात येत आहेत. कर्जाचे अर्ज दि. 12 मार्च 2025 पर्यंत दिले जातील. यातील पूर्ण असलेले अर्ज स्विकारले ...
Read more

बुलढाणा जिल्ह्याची महान हो कीर्ती

-
Image
" सातपुडा, अजिंठा रांगांनी सजले ।  निसर्गसौंदर्य अलौकिक हो लाभले ।।  म्हणतात याला विदर्भाचे प्रवेशद्वार ।  लोणार सरोवर निसर्गाचा अद्वितीय आविष्कार ।।  जन्मभूमी ही स्वराज्यजननी जिजाऊंची । भूमी ही पावन इतिहासाची साक्षीदार ।। 'विदर्भाची पंढरी' शेगाव नगरीला मान । पूर्णा, पैनगंगेने लाभले सुपीकतेचे वरदान ।। बुलढाणा जिल्ह्याची महान हो कीर्ती ।  बुलढाणा जिल्ह्याची महान हो कीर्ती ।।"  बुलढाणा जिल्हा महाराष्ट्रातील ३६ जिल्ह्यांपैकी एक जिल्हा आहे. हा महाराष्ट्र राज्याच्या अमरावती विभागात आहे विदर्भातील या जिल्ह्याचे क्षेत्रफळ ९६८० चौ.किमी इतके असून लोकसंख्या २२,३२,४८० इतकी आहे. जिल्ह्याच्या पूर्व, पश्चिम व दक्षिण दिशेस अनुक्रमे अकोला-वाशीम,अमरावती जिल्हा, जळगाव-जालना व परभणी हे जिल्हे आहेत. तर उत्तरेस नेमाड जिल्हा(मध्य प्रदेश) आहे. पश्चिम महाराष्ट्र, मराठवाड्यातून विदर्भात येण्यासाठी बुलडाणा जिल्ह्यातूनच यावे लागते म्हणून बुलडाणा जिल्ह्याला 'विदर्भाचे प्रवेशद्वार' देखील म्हंटल्या जाते. जिल्ह्याचे प्रशासकीय कार्यालय बु...
Read more

स्वयं अर्थसहाय्यिता नवीन शाळांना मान्यता व दर्जावाढीची शिफारस; हरकती मागविल्या

-
  स्वयं अर्थसहाय्यिता नवीन शाळांना मान्यता व दर्जावाढीची शिफारस ; हरकती मागविल्या   बुलडाणा, (जिमाका) दि. 4 :   महाराष्ट्र स्वयंअर्थसहाय्यित शाळा अधिनियमानुसार नवीन शाळांना मान्यता व विद्यमान शाळांना दर्जावाढीचा प्रस्तावाची यादी संकेतस्थळावर प्रसिद्ध करण्यात आली आहे. यामध्ये जिल्ह्यातील दोन नवीन शाळांना मान्यता व एका शाळेच्या दर्जावाढ मान्यतेसाठी शासनाकडे शिफारस करण्यात आली आहे. या प्रस्तावासंदर्भात कोणाची हरकत असल्यास पंधरा दिवसाच्या आत सदस्य सचिव क्षेत्रस्तरीय प्राधिकरण तथा उपशिक्षणाधिकारी जिल्हा परिषद यांच्याकडे सादर करावी, असे आवाहन उपशिक्षणाधिकारी(मा) यांनी केले आहे. महाराष्ट्र स्वयंअर्थसहाय्यित शाळा अधिनियम 2012 व नियम 2020 अंतर्गत नवीन शाळा   मान्यता व विद्यमान शाळांची दर्जावाढ करण्याच्या प्रस्तावांबाबत राज्यस्तरीय प्राधिकरणाची बैठक दि. 18 फेब्रुवारी 2025 रोजी घेण्यात आली. त्यानुसार प्राधिकरणाकडे प्राप्त झालेल्या शाळांची यादी www.mahasfs.org व www.education.maharashtra.gov.in या संकेतस्थळावर प्रसिद्ध करण्यात आली आहे. बुलढाणा जिल्ह्यातील दोन नवीन शाळां...
Read more