विधानसभा सार्वत्रिक निवडणूक 2024; कामगारांना मतदानासाठी भरपगारी सुट्टी
विधानसभा सार्वत्रिक निवडणूक 2024; कामगारांना मतदानासाठी
भरपगारी सुट्टी
बुलडाणा,(जिमाका), दि.12 : विधानसभा
सार्वत्रिक निवडणूकीचा कार्यक्रम जाहिर झाला आहे. कार्यक्रमानुसार विधानसभा मतदारसंघासाठी
दि. 20 नोव्हेंबर रोजी मतदान होणार आहे. नागरिकांना हक्क बजावता यावा यासाठी राज्य
शासनाने अधिसूचनेद्वारे मतदानाच्या दिवशी सार्वजनिक
सुट्टी जाहीर केली आहे. जिल्ह्यातील सर्व मतदारसंघातील कामगारांना मतदानाच्या दिवशी
मतदान करण्यासाठी भरपगारी सुट्टी द्यावी, असे आदेश जिल्हा निवडणुक अधिकारी तथा जिल्हाधिकारी
डॉ. किरण पाटील यांनी निर्गमित केले आहे.
उद्योग, उर्जा, कामगार व खनिकर्म विभागाच्या
दि. 24 ऑक्टोबर 2024 च्या शासन निर्णयानुसार बुलडाणा जिल्ह्यातील सर्व विधानसभा मतदार
संघातील सर्व कामगार, कर्मचारी मतदारांना मतदानाच्या दिवशी मतदान करण्याकरीता भरपगारी
सुट्टी देण्यात यावी. अपवादात्मक परिस्थितीत कामगार, अधिकारी, कर्मचारी इत्यादींना
पूर्ण दिवस सुट्टी देणे शक्य नसेल. तर, मतदान
क्षेत्रातील कामगारांना मतदानाचा हक्क बजावण्यासाठी सुट्टी ऐवजी कमीत कमी दोन तासांची
सवलत देता येईल. मात्र त्याबाबात जिल्हाधिकारी तथा जिल्हा निवडणूक अधिकारी, बुलडाणा
यांची पूर्व परवानगी घेणे आवश्यक राहील. कोणत्याही परिस्थितीत मतदारांना मतदानासाठी
किमान दोन तासांची सवलत मिळेल याची दक्षता संबंधित आस्थापनांनी घेणे आवश्यक राहील.
मतदानासाठी सुट्टी किंवा पूर्वपरवानगीने सवलत न दिल्यास आस्थापना धारकाविरूद्ध कारवाई
करण्यात येईल, असा इशाराही देण्यात आला आहे. तरी बुलडाणा जिल्ह्यातील सर्व कामगार मतदारांना
मतदानाचा हक्क बजावता यावा याकरीता सर्व प्रकारच्या आस्थापना धारकांनी भरपगारी सुट्टी
द्यावी, असे आवाहन सरकारी कामगार अधिकारी म. तु. जाधव यांनी केले आहे. 000000
Comments
Post a Comment