DIO BULDANA NEWS 27.2.2022

 

पालकमंत्री डॉ राजेंद्र शिंगणे यांच्याहस्ते बालकांना पाजला पोलीओ डोस

बुलडाणा, (जिमाका) दि. 27 :  जिल्ह्यात आज 0 ते 5 वर्ष वयोगटातील बालकांना पोलीओ लसीकरण मोहिमेतंर्गत पोलीओचा डोस पाजण्यात आला. जिल्हास्तरीय शुभांरभ पालकमंत्री डॉ राजेंद्र शिंगणे यांच्याहस्ते जिल्हा सामान्य रूग्णालयात उपस्थित बालकाला पोलीओ लसीचे दोन थेंब पाजूण करण्यात आला. यावेळी जिल्हाधिकारी एस रामामूर्ती, जिल्हा शल्य चिकित्सक डॉ नितीन तडस, बाह्य संपर्क अधिकारी डॉ यास्मीना चौधरी, अधिसेविका श्रीमता कुलकर्णी, सहायक अधिसेविका श्रीमता कुरसिंगे, परिचारिका प्रशिक्षण केंद्राच्या प्राचार्या श्रीमती खेडकर आदी उपस्थित होते.  

*************

ऊर्जा मंत्री डॉ नितीन राऊत यांचा जिल्हा दौरा

बुलडाणा, (जिमाका) दि. 27 : राज्याचे ऊर्जा मंत्री डॉ. नितीन राऊत दिनांक 28 फेब्रुवारी व 1 मार्च रोजी जिल्हा दौऱ्यावर येत आहे. त्यांचा दौरा काय्रक्रम पुढीलप्रमाणे : 28 फेब्रुवारी रोजी दुपारी 1.45 वा डॉ. बाबासाहेब आंबेडकर पुतळा खामगांव येथे आगमन व पुतळ्यास माल्यार्पण, दु 2 वा शासकीय विश्रामगृह खामगांव येथे आगमन व राखीव, दु 2.30 शासकीय विश्राम गृह येथे जिल्ह्यातील काँग्रेस पक्षाचे आमदार, जि.प अध्यक्ष, सदस्य, जिल्हाध्यक्ष तसेच पक्षाचे पदाधिकारी यांच्याशी संवाद, दु 3 वा खामगांव विद्युत भवन येथे आगमन व धरणगांव ता. मलकापूर येथील 220 केव्ही पूर्ण झालेल्या अति उच्च दाब उपकेंद्राचे लोकार्पण व मनसगांव ता शेगांव येथील महावितरणच्या एचव्हीडीएस योजनेतंर्गत 33/11 केव्ही उपकेंद्राचे आभासी पद्धतीने व्हीसीद्वारे भूमीपुजन, दु. 3.45 वा महाराष्ट्र प्रदेश काँग्रेस पक्षाचे सचिव धनजंय देशमुख यांच्या निवास स्थानी भेट, सायं 4 वा मंगलमूर्ती नगर घाटपुरी रोड, खामगांव येथे काँग्रेस पक्षाच्या अनुसूचित जाती विभागाचे पदाधिकारी, डॉ. बाबासाहेब सोशल फोरम, आंबेडकरी कलावंत व सुशिक्षीत बेरोजगार तरूणांचा मेळाव्यास उपस्थिती, सायं 4.30 वा खामगांव येथून उंद्री ता. चिखली कडे प्रयाण, सायं 5 वा उंद्री येथे आगमन व 1958 च्या धम्म दिक्षा कायक्रमाच्या स्मृती स्तंभाची पायाभरणी कार्यक्रम, जल जीवन मिशनच्या कामाचे भूमीपुजन समारंभ व भूमीहिनांच्या मेळाव्यास उपस्थिती, सायं 6 वा उंद्री येथून चिखलीकडे प्रयाण, सायं 6.45 वा शासकीय विश्रामगृह चिखली येथे आगमन व राखीव, सायं 7 वा जिल्हा काँग्रेस पक्षाचे जिल्हाध्यक्ष राहुल बोंद्रे यांच्याकडे राखीव, सायं 7.45 वा चिखली येथून लोणारकडे प्रयाण, रात्री 9 वा लोणार शासकीय विश्रामगृह येथे आगमन व मुक्काम.

    दिनांक 1 मार्च रोजी सकाळी 10 वाजता लोणार येथे जिल्हा उर्जा विभागाची आढावा बैठक, पांगरी ता बुलडाणा येथील महावितरणच्या एचव्हीडीएस योजनेतंर्गत 33/11 केव्ही उपकेंद्राचे आभासी पद्धतीने व्हीसीद्वारे भूमीपुजन, सकाळी 11.15 वा नगर परिषद मार्फत आठवडी बाजार व छत्रपती शिवाजी महाराज उद्यानाचे लोकार्पण कार्यक्रमास उपस्थिती, महाराष्ट्र राज्य विद्युत वितरण कंपनीच्या ग्राहक मेळाव्यास मार्गदर्शन, दु 12 वाजता यात्री निवास लोणार सरोवरजवळ साहित्यरत्न अण्णाभाऊ साठे सोशल फोरमच्या राज्य शाखेच्यावतीने राज्यस्तरीय साहित्य लेखन स्पर्धा बक्षीस वितरण समारंभ व विदर्भ विभागीय मातंग समाज मेळावा कार्यक्रमास उपस्थिती, दुपारी 1 वा शासकीय विश्रामगृह येथे पत्रकार परिषद, दु 1.30 वा लोणार येथून सिं.राजाकडे प्रयाण, दु 2.15 वा सिं.राजा येथे आगमन व राजमाता जिजाऊ जन्मस्थळास अभिवादन व भेट, दु. 2.30 वा डॉ बाबासाहेब आंबेडकर पुतळा येथे आगमन व माल्यार्पण, दु 2.40 वा सिं.राजा विश्राम गृह येथे आगमन व राखीव, दु 3.40 वा सिं. राजा येथून औरंगाबादकडे प्रयाण करतील.

******