जिल्हा माहिती कार्यालय, बुलडाणा

  क्रांतिज्योती सावित्रीबाई फुले बाल संगोपन योजना ; बालकांचे बॅंक खाते आधार सीडिंग करण्याचे आवाहन बुलढाणा, (जिमाका) दि. 29: क्रांतिज्योती सावित्रीबाई फुले बाल संगोपन योजनेसाठी बालकांचे बॅंक खाते आधार सीडिंग करण्याचे आवाहन जिल्हा महिला व बाल विकास अधिकारी यांनी केले आहे. बालकांचे बॅंक खाते आधार सीडिंग करण्यासाठी लाभार्थी बालकाचे वय 10 वर्षाच्या आत असावे. त्या बालकांचे पालकांसोबत संयुक्त खाते उघडुन त्या खात्याशी बालकाचा आधार क्रमांक सीडिंग करण्यात यावा. तसेच ज्या बालकांचे वय 10 वर्षापेक्षा जास्त आहे. अशा बालकांचे स्वतंत्र बॅंक खात्याशी सीडिंग नसल्यास या योजनेचा लाभ बँक खात्यामध्ये जमा होणार नाही. याबाबत अधिक माहितीसाठी जिल्हा महिला व बालविकास अधिकारी, बस स्टॅडच्या पाठीमागे, मुठ्ठे-ले-आऊट, जोशी नेत्रालय जवळ, बुलडाणा येथे संपर्क साधावा, असे आवाहन जिल्हा महिला बाल विकास अधिकारी अमोल ज्ञा. डिघुळे यांनी केले आहे.   00000000

  ‘विकसित भारत यंग लीडर्स’ चर्चासत्रात युवकांनी सहभाग घेण्याचे आवाहन राष्ट्रीय युवा महोत्सव २०२५ अंतर्गत उपक्रम   बुलढाणा, (जिमाका) दि. 29: केंद्र सरकारमार्फत राष्ट्रीय युवा महोत्सव २०२५ उपक्रमांतर्गत ‘विकसित भारत यंग लीडर्स’ चर्चासत्र आयोजित करण्यात येणार आहे. या उपक्रमांत जिल्ह्यातील जास्तीत जास्त युवकांनी सहभाग घ्यावा, असे आवाहन नेहरु युवा केंद्राचे जिल्हा युवा अधिकारी प्रणीत सांगवीकर यांनी केले आहे. या उपक्रमांत देशभरातून निवडलेल्या तीन हजार तरुण व तरुणी दि. १२ ते १३ जानेवारी २०२५ रोजी नवी दिल्ली येथे पंतप्रधानांसमोर विकसित भारताचे व्हिजन मांडता येणार आहे. चर्चासत्रकाळात तरुणांना देशविदेशातील तरुण आयकॉन्ससोबत चर्चा करण्याची आणि शिकण्याची संधी मिळणार आहे.   या कार्यक्रमाचा उद्देश देशभरातील तरुण नेतृत्व प्रतिभेचा शोध घेणे आणि त्यांचे संगोपन करणे, विकसित भारताविषयी त्यांची दृष्टी स्पष्ट करण्यासाठी तरुणांना एक प्रभावी व्यासपीठ मिळणार आहे. सर्वोच्च निर्णय घेणारे आणि प्रसिध्द जागतिक आणि राष्ट्रीय व्यक्तिमत्त्वांशी जोडल्या जाणार आहे. विकसित भारताचे नेतृत्त्व करण्यास...

  जिल्हा कारागृहात राष्ट्रीय क्षयरोग दुरीकरण कार्यक्रम   बुलढाणा, (जिमाका) दि. 29: कारागृहातील बंद्यांसाठी जिल्हा कारागृह वर्ग-2 येथे राष्ट्रीय क्षयरोग दुरीकरण कार्यक्रमाचे आयोजन गुरुवारी करण्यात आले. कार्यक्रमाच्या अध्यक्षस्थानी अधीक्षक संदिप पा. भुतेकर तर जिल्हा क्षयरोग अधिकरी डॉ. वर्षा गुट्टे यांची प्रमुख उपस्थिती होती. या कार्यक्रमात डॉ. वर्षा गुट्टे यांनी बंद्यांसाठी क्षयरोगाबाबत मार्गदर्शन केले तर करुणा घोडेस्वर यांनी बंद्यांना एड्स या रोगाबाबत मार्गदर्शन केले. यावेळी बंद्यांचे तपासणीसाठी नमुने घेण्यात आले. कार्यक्रम यशस्वी करण्यासाठी जिल्हा क्षयरोग अधिकारी व कर्मचारी यांनी सहकार्य केले. या कार्यक्रमासाठी जिल्हा समन्वयक डॉ. सिध्देश्वर सोळंकी, वरिष्ठ उपचार पर्यवेक्षक राजेंद्र सुरडकर, जिल्हा समन्वयक अनिल सोळंके, आरोग्य सहाय्यक राजेंद्र सरोदे, मेघा बाहेकर तसेच वरिष्ठ तुरुंग अधिकारी व कारागृह कर्मचारी यांनी योगदान दिले. 000000000 ‘

  विशेष लेख :                 मकाः बदलत्या वातावरणात पर्यायी पीक जगात तृणधान्य पिकाच्या उत्पादनामध्ये गहू व भात या पिकानंतर मक्याचा क्रमांक लागतो. मक्याच्या उत्पादन क्षमतेमुळे या पिकास "धान्याची राणी" म्हणुन ओळखले जाते. मका हे मानव आणि पशुंसाठी दर्जेदार खाद्य आहे. याव्यतिरिक्त विविध औद्योगिक विशेषतः इथेनॉलच्या निर्मितीत मोठया प्रमाणात वापर केला जात आहे. त्यामुळे येत्या काळात मक्याची मागणी सतत वाढुन शेतक-यांना चांगले भाव मिळतील. वातावरणातील बदलावर उत्तम पर्याय आहे. तसेच रोजगार आणि निर्यातीची संधी उपलब्ध करुन देण्याची ताकद या पिकात आहे. आजकाल जनावरांच्या चा-यांसाठी मुरघास बनवण्यासाठी याचा वापर मोठ्या प्रमाणात होत आहे. मका हे उष्ण हवामानाला उत्तम प्रतिसाद देणारे पीक असले तरीही याची लागवड तिन्ही हंगामात करता येते. पाण्याचा योग्य निचरा होणारी, भारी ते मध्यम प्रतीची जमीन उपयुक्त असली तरीही कोणत्याही प्रकारच्या जमिनीत लागवड करता येते. पाणी धरुन ठेवणारी किंवा चिबड जमिनीमध्ये या पिकाची लागवड करु नये. जमिनीची खोल १५ त...

  शेतकरी-शास्त्रज्ञ मंचाची २३ वी सभा हिवरा गडलिंग येथे संपन्न   बुलढाणा, (जिमाका) दि. 28: कृषी विज्ञान केंद्राच्या शेतकरी-शास्त्रज्ञ मंचची २३ वी सभा सिंदखेड राजा तालुक्यातील मौजे हिवरा गडलिंग येथे मंचाचे अध्यक्ष ज्ञानेश्वर खरात पाटील यांच्या शेतात गुरुवारी संपन्न झाली. या सभेस प्रमुख उपस्थिती व मार्गदर्शक म्हणून कृषी विज्ञान केंद्राचे वरिष्ठ शास्त्रज्ञ तथा प्रमुख डॉ. अमोल झापे, प्रमुख शास्त्रज्ञ डॉ. दिनेश कानवडे,, कृषी संशोधन केंद्र, बुलढाणा, पशुसंवर्धन विषयतज्ञ डॉ. नरेंद्र देशमुख, तालुका कृषी अधिकारी बोरे,कृषी पर्यवेक्षिका वाघमारे, कृषी सहाय्यक घुगे, आत्माचे तालुका तंत्रज्ञान व्यवस्थापक सचिन काळे, शेतकरी-शास्त्रज्ञ मंचचे अध्यक्ष ज्ञानेश्वर खरात पाटील, सचिव विजय भुतेकर, विनोद देशमुख, दोन्ही मंचचे सदस्य, हिवरा गडलिंग व परिसरातील शेतकरी मोठ्यासंख्येने उपस्थित होते. कार्यक्रमाच्या प्रास्ताविकात ज्ञानेश्वर पाटील खरात यांनी शेतकरी-शास्त्रज्ञ मंचची स्थापना, त्यामागची कुलगुरू डॉ. शरद गडाख, डॉ.पंदेकृवी, अकोला यांची संकल्पना व सद्यस्थितीत मंचाची २३ वी सभा असून याद्वारे प्रत्येक स...

  जिल्हयातील आरोग्य संस्थाना नवीन रुग्ण वाहिकांचे मुख्य कार्यकारी अधिकारी यांचे हस्ते लोकार्पण सोहळा बुलढाणा, (जिमाका) दि. 28: जिल्हा परिषद आरोग्य विभाग बुलडाणा येथे मुख्य कार्यकारी अधिकारी, गुलाब खरात व जिल्हा आरोग्य अधिकारी अमोल गिते यांच्या उपस्थितीत बुलडाणा जिल्हयातील आरोग्य संस्थाना नवीन रुग्णवाहिकांचा लोकार्पण सोहळा आज पार पाडला. रुग्णवाहिका वाहन चालकास चावा देऊन वाहना विषयी समुपदेशन करण्यात आले. यावेळी जिल्हा माता व बाल संगोपन अधिकारी डॉ मिलींद जाधव, अति. जिल्हा आरोग्य अधिकारी, डॉ. रंजीत मंडाले, जिल्हा प्रशिक्षण केंद्राचे वैद्यकिय अधिकारी डॉ. पुरी तसेच आरोग्य विभागातील सर्व अधिकारी व कार्यालयीन कर्मचारी उपस्थित होते. 000000000000  

  शेतकऱ्यांसाठी रब्बी हंगाम पिक स्पर्धा * सहभागी होण्यासाठी कृषि विभागाचे आवाहन बुलढाणा, (जिमाका) दि. 28: पिकांची उत्पादकता वाढविण्यासाठी शेतकऱ्यांकडून विविध प्रयोग करण्यात येतात. या शेतकऱ्यांना प्रोत्साहन देण्यासाठी येत्या हंगामात खरीप हंगाम पिक स्पर्धा घेण्यात येत आहे. यात शेतकऱ्यांनी सहभागी व्हावे, असे आवाहन कृषि विभागातर्फे करण्यात आले आहे. शेतीची उत्पादकता वाढावी, यासाठी शेतकरी विविध प्रयोग करतात, अशा प्रयोगशील शेतकऱ्यांना प्रोत्साहन देवून विजेत्या शेतकऱ्यांना गौरव केल्यास त्यांचे मनोबल वाढते. ते अधिक उमेदीने नवनवीन आणि अद्ययावत तंत्रज्ञानाचा वापर करण्यास पुढे येतात. यामुळे कृषि उत्पादनामध्ये भर घालण्यासाठी शेतकऱ्यांचे योगदान मिळेल, तसेच परिसरातील इतर शेतकऱ्यांना मार्गदर्शक होवून जिल्ह्याच्या उत्पादनात भर पडेल, यासाठी कृषि विभागातर्फे पिक स्पर्धा घेण्यात येत आहे.               पिक स्पर्धेतील जिल्ह्याकरिता रब्बी हंगामातील स्पर्धेसाठी ज्वारी, गहू,हरभरा,करडई व जवस पिके समाविष्ट करण्यात आली आहेत. स्पर्धेत सहभागी श...

  डाक जीवन विमा बुलढाणा, (जिमाका) दि. 28: भारतीय डाक विभागामार्फत डाक जीवन विमा (Postal Life Insurance) व ग्रामीण डाक जीवन विमा (Rural Postal Life Insurance) ह्या योजना नागरिकांना विमासुरक्षा देण्याकरिता चालविल्या जातात. यामधील डाक जीवन विमा (Postal Life Insurance) ह्या कल्याणकारी योजनेची सुरूवात 01 फेब्रुवारी 1884 ला करण्यात आली, यामध्ये सुरूवातीला फारच कमी लोकांना या योजनेचा लाभ घेता येत असे आता ह्या आता मात्र ह्या योजनेची व्याप्ती वाढून आता खालील लोकांना सुध्दा सहभाग होता येते. केंद्र सरकारचे कर्मचारी ,राज्या सरकारचे कर्मचारी, स्थानिक स्वराज्या संस्थाचे कर्मचारी, भारतीय रिझर्व बँक,   सरकारी बँक, खासगी बँक चे कर्मचारी शैक्षणिक संस्था शाळा, महाविद्यालये, विद्यापीठ चे कर्मचार, सनदी लेखापाल,वकील डॉक्टर, एनएससी,बीएससी वर सूचिबध्द झालेल्या कंपन्यांतील कर्मचारी, सर्व पदवीधर व डिप्लोमाधारक तसेच ग्रामीण डाक जीवन विमा ही योजना 24 मार्च 1995 ला ग्रामीण भागातील नागरिकांना विमा सुरक्षा प्रदान करण्यासाठी सुरु करण्यात आली. वय वर्षे 18 ते 55 या वयोगटातील ग्रामीण भागातील रहिवासी या योजन...

  नवउद्योजकांनी स्टँड अप इंडिया योजनेचा लाभ घ्यावा *समाज कल्याण विभागाचे आवाहन बुलढाणा, (जिमाका) दि. 28: सामाजिक न्याय व विशेष सहाय्य विभागातर्फे अनुसूचित जाती व नवबौद्ध घटकातील नवउद्योजकांसाठी केंद्र शासनाच्या स्टँड अप इंडिया योजना राबविण्यात येते. या योजनेचा लाभ घ्यावा, असे आवाहन समाज कल्याण विभागातर्फे करण्यात आले आहे. अनुसूचित जाती व नवबौद्ध घटकातील नवउद्योजकांनी, उद्योग आधार नोंदणी पत्र, जात प्रमाणपत्र, बॅंकेचे कर्ज मंजूरीची कागदपत्रे सादर करणे आवश्यक आहेत. सदर योजनेतील सवलतीस पात्र नवउद्योजकांनी 10 टक्के स्वहिस्सा भरण केल्यानंतर व बँकेने अर्जदारास स्टॅण्‍ड अप इंडिया योजनेंतर्गत 75 टक्के कर्ज मंजूर केल्यानंतर उर्वरित 15 टक्के राज्य शासनामार्फत देण्यात येणार आहे.   पात्र लाभार्थ्यांनी आवश्यक कागदपत्रे सहाय्यक आयुक्त, समाज कल्याण कार्यालयास दि. 20 डिसेंबर 2024 पर्यंत सादर करावे, असे आवाहन समाज कल्याणच्या सहाय्यक आयुक्त मनोज मेरत   यांनी केले आहे. 00000000

  राष्ट्रपती द्रौपदी मुर्मू यांच्या आयुर्वेद निसर्ग चाचणीने प्रकृती परिक्षण अभियानाला सुरुवात ! केंद्रीय राज्यमंत्री प्रतापराव जाधव यांनी केले राष्ट्रपतींचे स्वागत!   बुलढाणा, (जिमाका) दि. 27: राष्ट्रपती द्रौपदी मुर्मू यांच्या आयुर्वेद निसर्ग चाचणीने प्रकृती परीक्षण अभियानाला देशभरात सुरुवात करण्यात आली. याप्रसंगी केंद्रीय आयुष, आरोग्य व कुटुंब कल्याण राज्यमंत्री प्रतापराव जाधव उपस्थित होते. हा आयुर्वेद निसर्ग चाचणी अभियान पुढील एक महिना संपूर्ण देशात चालणार आहे.   देशामध्ये आयुर्वेदाचा प्रचार-प्रसार होण्याच्या दृष्टीकोनातून ‘हर घर आयुर्वेद निसर्ग चाचणी (प्रकृती परिक्षण) अभियान’ देशात राबविण्याचा संकल्प केंद्रीय आयुष (स्वतंत्र कार्यभार) आरोग्य व कुटुंब कल्याण राज्यमंत्री प्रतापराव जाधव यांनी हाती घेतला आहे. भारतीय संविधान दिनाचे औचित्य साधून हे अभियान संपूर्ण देशात राबविल्या जाणार आहे. या अभियानाची सुरुवात राष्ट्रपती द्रौपदी मुर्मू यांच्या आयुर्वेद निसर्ग चाचणीने करण्यात आली.     ‘हर घर आयुर्वेद’ हा पंतप्रधान नरेंद्र मोदी यांचा संकल्प या अभियानातून...

  संविधानाची नितीमुल्ये दैनंदिन जीवनात आत्मसात केली पाहिजे -          मुख्य कार्यकारी अधिकारी गुलाब खरात जिल्हा परिषदेत संविधान दिन उत्साहात साजरा बुलढाणा, (जिमाका) दि. 27: ‍जिल्हा परिषद बुलडाणा येथे दि. 26 नोव्हेंबर ते 26 जानेवारी 2025 पर्यंत साजरा करण्यात येणाऱ्या घर घर   संविधान अभियानांतर्गत   संविधान दिन उत्साहात साजरा करण्यात आला. या कार्यक्रामाच्या अध्यक्षस्थानी जिल्हा परिषदेचे मुख्य कार्यकारी अधिकारी गुलाब खरात हे होते. यावेळी भारतीय राज्यघटनेच्या प्रास्ताविकेचे सामुहिक वाचन करण्यात आले. अध्यक्ष गुलाब खरात मनोगत व्यक्त करताना म्हणाले, संविधानाची नितीमुल्ये ही फक्त पुस्तकात न ठेवता दैनंदिन जीवनात ही तत्वे आत्मसात केली पाहिजे. संविधानाचा जागर व संविधान अमृत महोत्सव हा दरदिवशी साजरा करण्याचे त्यांनी आवाहन केले. श्री खरात यांच्या संकल्पनेतून संविधान दिनानिमित्त संविधानावर आधारित प्रश्नमंजुषा आयोजित करण्यात आली. प्रश्नांची अचुक उत्तरे देणाऱ्या कर्मचाऱ्यास भारतीय संविधानाची प्रत भेट स्वरुपात देण्यात आली, यात आकाश नवघरे, आर...

  मुलांची काळजी व संरक्षण दत्तक विधान   बुलढाणा, (जिमाका) दि. 27: महिला व बाल विकास विभागांतर्गत बालकांच्या देखरेख संस्थेत दाखल अनाथ, निराधार, परित्यागीत, असक्षम पालकांचे बालक, भेट नसलेली बालक   अशा बालकांचे पालकत्व स्विकारण्यासाठी   इच्छुक पालकांनी प्रतिपालकत्व योजनेसाठी ऑनलाईन अर्ज करावा, असे आवाहन जिल्हा बाल संरक्षण अधिकारी यांनी केले आहे. अर्जदारांसाठी काही पात्रता निकष ठरविण्यात आले आहेत. त्यानुसार अर्जदार हे शारीरिक , मानसिक, भावनिक व आर्थिकदृष्ट्या सक्षम असावेत, अर्जदारांना कोणतीही जीवघेणी वैद्यकीय स्थिती नसावी, अर्जदार हे कोणत्याही स्वरुपाच्या गुन्हेगारी कृत्यामध्ये किंवा कथितरित्या दोषी नसावे, विवाहित जोडप्याच्या बाबतीत दोन्ही जोडीदारांची संमती असणे आवश्यक आहे, एकल महिला हि   मुलगा किंवा मुलगी दोन्ही पैकी कोणाचेही निवड करु शकते, एकल पुरुष फक्त मुलाची निवड करु शकतो.   अर्जदार हे प्रेमळ, काळजी घेणारे आणि मुलाच्या वाढीसाठी फायदेशीर असे कौटुंबिक वातावरण तयार करण्यासाठी वचनबध्द असणे गरजेचे आहे. मुलांचे पालनपोषण करण्यासाठी वयाचे निकष: - सहा वर्...

  जिल्हाधिकारी कार्यालयात संविधान उद्देशिकेचे वाचन बुलडाणा, (जिमाका) दि. 26:   संविधानिक मुल्यांबाबत नागरिकांमध्ये जागरूकता निर्माण करण्यासाठी 26 नोव्हेंबर रोजी संविधान दिन साजरा करण्यात येतो. यानिमित्ताने आज सकाळी अपर   जिल्हाधिकारी सदाशिव शेलार यांनी जिल्हाधिकारी कार्यालय येथे भारतीय संविधानाच्या उद्देशिकेचे वाचन केले. यावेळी उपजिल्हाधिकारी राजेंद्र पोळ, उपजिल्हाधिकारी सुरेश खरात यांच्यासह अन्य अधिकारी-कर्मचारी यावेळी उपस्थित होते. 26 नोव्हेंबर 1949 रोजी भारताने संविधान स्वीकारले. या घटनेला आज 75 वर्षे पूर्ण होत आहेत. भारतीय संविधान व त्यातील मूल्य, हक्क-अधिकार व कलम यासंबंधी अपर जिल्हाधिकारी श्री. शेलार यांनी उपस्थितांना माहिती दिली. 00000

  समाज कल्याण कार्यालयात संविधान दिन साजरा   बुलडाणा, (जिमाका) दि. 26:   सहाय्यक आयुक्त समाज कल्याण कार्यालयात व कार्यालयाच्या अधिनस्त समाजकार्य महाविद्यालय, तसेच अनुसूचित मुलामुलींच्या शासकीय निवासी शाळा व मागासवर्गीय मुलामुलींचे शासकीय वसतिगृह येथे संविधान दिन कार्यक्रम साजरा करण्यात आला. या कार्यक्रमामध्ये संविधान प्रस्ताविकाचे वाचन करणे, संविधानाबाबत जनजागृती, नागरिकांचे हक्क व कर्तव्ये इत्यांदी विषयावर व्याख्याने आयोजित करण्यात आले होते.   जिल्हास्तरावरील संविधान दिन कार्यक्रम हा महात्मा फुले समाजकार्य महाविद्यालय येळगांव व सहाय्यक आयुक्त, समाज कल्याण कार्यालय बुलढाणा यांचे संयुक्त विद्यमाने समाजकार्य महाविद्यालय येळगांव येथे आयोजित करून साजरा करण्यात आलेला आहे. या कार्यक्रमामध्ये विद्यार्थी रॅली काढण्यात आली. कलापथकाच्या माध्यमातून संविधानाबाबत जनजागृती करण्यात आली.     यावेळी सर्व अधिकारी-कर्मचारी, नागरीक, महिला, विद्यार्थी यांचेसह एकत्रित संविधान प्रास्ताविकेचे वाचन करण्यात आले. या   कार्यक्रमाच्या अध्यक्षस्थानी प्राचार्य डॉ.हरिश साखरे ...

  बालक दत्तक विधानासाठी अर्ज आमंत्रित                बुलढाणा, (जिमाका) दि. 26: बालक दत्तक विधानासाठी अर्ज आमंत्रित करण्यात आले आहे. बालक दत्तक घेण्यासाठी इच्छूकांनी अर्ज करण्याचे आवाहन जिल्हा बाल संरक्षण अधिकारी दिवेश मराठे यांनी केले आहे.   बाल न्याय मुलांची (काळजी व संरक्षण) अधिनियम 2015 व सुधारित 2021 व दत्तक नियमावली 2022 नुसार भारतात दत्तक विधान प्रक्रिया राबविल्या जाते.   बाळ दत्तक कोण घेऊ शकतो- भावी दत्तक माता हे शारीरिक, मानसिक, भावनात्मक आणि आर्थिक स्वरुपात सक्षम असणे आवश्यक आहे. या दत्तक विधान प्रक्रियेसाठी दोन्ही पती-पत्नी यांची सहमती असणे आवश्यक आहे. एकल महिला हि दत्तकसाठी बालक किंवा बालिका निवडु शकते, एकल पुरुष फक्त बालकाची निवड करु शकतो.     बाळ दत्तक घेण्यासाठीची पालकांची वयोमर्यादा-     दोन वर्षाच्या आतील बालक असल्यास भावी दत्तक माता पिता यांची संयुक्तिक कमाल वयोमर्यादा 85 वर्ष, तर भावी एकल माता पिता यांची कमाल वयोमर्यादा 40 वर्ष, दोन    ते चार वर्षा...

  लैंगिक अत्याचारग्रस्त मुलांच्या मदतीसाठी सहाय्यक व्यक्तींची गरज पात्र व्यक्तींनी अर्ज करण्याचे आवाहन   बुलढाणा, (जिमाका) दि. 26: राज्यात लैंगिक अपराधापासून मुलांचे संरक्षण (पॉक्सो) कायदा लागू करण्यात आला आहे. या कायद्यांतर्गत लैंगिक शोषण झालेल्या किंवा अत्याचाराला बळी पडलेल्या मुलांना मदत करण्यासाठी सहाय्यक व्यक्तींची नियुक्ती करण्यात येणार असून त्यासाठी बालकांच्या क्षेत्रात काम करण्याची इच्छा असणाऱ्या व्यक्तींनी अर्ज सादर करावा असे आवाहन जिल्हा बाल संरक्षण अधिकारी दिवेश मराठे यांनी केले आहे.   लैंगिक अपराधापासून मुलांचे संरक्षण (पॉक्सो) हा कायदा बाल लैंगिक अत्याचाराशी संबंधित प्रकरणांना हाताळण्यासाठी तयार करण्यात आला आहे.   या कायद्यात 18 वर्षाखालील बालकांचे लैंगिक शोषण, पोर्नोग्राफीपासून संरक्षणासाठी कायदेशीर तरतूद करण्यात आले आहे. लैंगिक शोषण झालेल्या किंवा अत्याचाराला बळी पडलेल्या मुलांना आधार देण्याची जबाबदारी संपुर्ण समुदायाने स्वीकारली पाहिजे. यासाठी या क्षेत्रात काम करणाऱ्या कार्यकर्त्यांनी पुढे येवून अशा बालकांना सहाय्यक व्यक्ती म्हणुन मदत करणे ...

  राज्य उत्पादन विभागाची कारवाई; आचारसंहितेच्या कालावधीत 37 लक्ष 97 हजार रुपयांचा मुद्देमाल जप्त: 180 आरोपींना अटक तर 23 वाहने जप्त     बुलढाणा, दि.14 (जिमाका): विधानसभा सार्वत्रिक निवडणुकीच्या कालावधीत अवैध मद्यनिर्मिती, वाहतुक व विक्री मोठ्या प्रमाणात होतात. अशा घटनाना प्रतिबंध घालण्यासाठी राज्य उत्पादन शुल्क विभागामार्फत विशेष मोहिम राबविण्यात येत आहे. मोहिमेंतर्गत आचारसंहिता कालावधीत दि. 12 नोव्हेंबरपर्यंत    अवैध मद्यनिर्मिती व विक्री प्रकरणी प्रकरणी 180 आरोपींना अटक करण्यात आले असून 23 वाहने जप्त केली आहेत. या कारवाईत 37 लक्ष 97 हजार 826 रुपये किंमतीचा मुद्देमाल जप्त करण्यात आले, अशी माहिती राज्य उत्पादन शुल्क विभागाचे अधीक्षक डॉ. पराग मो. नवलकर यांनी दिली आहे.     दि 15 ऑक्टोबर ते 12 नाव्हेंबर 2024   अखेर   बुलढाणा जिल्ह्यातील हातभट्टी ठिकाण, तसेच अवैध मद्यविक्री केंद्रावर एकुण 177 ठिकाणी छापे घालुन 180 आरोपींना अटक केली आहेत. सदर गुन्ह्यात एकुण 23 वाहने जप्त केली असून एकुण रुपये 37 लक्ष 97 हजार 826 रुपयांचा मुद्येमाल जप्त...