महासंवाद बुलढाणा

  बुलढाणा, दि. ३० (जिमाका) :   महाराष्ट्र शासनाच्या मदत व पुनर्वसन विभागाच्या शासन निर्णयानुसार बुलढाणा जिल्ह्यात दुष्काळ घोषित करण्यात आला आहे. जिल्ह्यातील उपलब्ध चारा बाहेरील जिल्ह्यांत किंवा राज्याबाहेर मोठ्या प्रमाणात विक्रीसाठी पाठविला जाण्याची शक्यता असल्याने भविष्यात गंभीर चारा टंचाई निर्माण होऊन पशुधनाच्या जीवितास धोका निर्माण होऊ शकतो. या पार्श्वभूमीवर जिल्हादंडाधिकारी डॉ. प्रवीणकुमार देवरे यांनी भारतीय नागरिक सुरक्षा संहिता, २०२३ मधील कलम १६३ अन्वये आदेश जारी केला आहे. त्यानुसार बुलढाणा जिल्ह्याच्या हद्दीतून इतर जिल्ह्यात किंवा राज्याबाहेर हिरवा चारा, कडबा, विविध प्रकारची कुट्टी तसेच पशुखाद्याची वाहतूक व विक्री करण्यास सक्त मनाई करण्यात आली आहे. मात्र, शासकीय यंत्रणेमार्फत अथवा जिल्हा प्रशासनाने अधिकृत मंजुरी दिलेल्या चारा वाहतुकीस हा आदेश लागू राहणार नाही. या आदेशाचे उल्लंघन करणाऱ्या व्यक्तींवर भारतीय न्याय संहिता, २०२३ अंतर्गत कायदेशीर कारवाई करण्यात येणार आहे. हा आदेश ३० सप्टेंबर २०२६ पासून पुढील आदेश निर्गमित होईपर्यंत लागू राहणार असल्याचे जिल्हा प्रशासनाने...

 

  अमरावती विभाग शिक्षक मतदारसंघाच्या निवडणूकीसाठी   निवडणूक निर्णय अधिकारी यांच्या कार्यालयात आज दुसऱ्या दिवशी दुपारी तीन वाजेपर्यंत एकही नामनिर्देशन पत्र दाखल झाले नाही. मात्र १९ उमेदवारांकरिता ४० नामनिर्देशनपत्रांची उचल झाली आहे. 0000

  बुलढाणा, दि. ३० (जिमाका) : राष्ट्रीय आरोग्य अभियानांतर्गत राज्यातील भटक्या व विमुक्त जाती-जमातीतील नागरिकांना विविध शासकीय आरोग्य सेवा व योजनांचा लाभ मिळवून देण्याच्या उद्देशाने ‘सेवा संकल्प’ कार्यक्रमाचे आयोजन करण्यात येत आहे. या कार्यक्रमांतर्गत सोनाळा येथील मंडल अधिकारी कार्यालयात असंसर्गजन्य आजार (NCD) तपासणी व जनजागृती कार्यक्रम घेण्यात आला. या उपक्रमात उपस्थित नागरिकांची प्राथमिक आरोग्य तपासणी करण्यात आली. यामध्ये रक्तदाब, रक्तातील साखर, वजन, उंची व बॉडी मास इंडेक्स (BMI) आदी तपासण्या करण्यात आल्या. तपासणीदरम्यान आरोग्यविषयक समस्या आढळलेल्या नागरिकांना आवश्यकतेनुसार पुढील तपासणी व उपचारासाठी संबंधित आरोग्य संस्थेकडे संदर्भित करण्यात आले. कार्यक्रमादरम्यान मधुमेह, उच्च रक्तदाब, हृदयरोग व कर्करोग यांसारख्या असंसर्गजन्य आजारांपासून बचाव करण्यासाठी नियमित आरोग्य तपासणी, संतुलित आहार आणि नियमित व्यायामाचे महत्त्व नागरिकांना समजावून सांगण्यात आले. तसेच तंबाखू, गुटखा व धूम्रपानाचे सेवन टाळण्यासोबतच मद्यपानापासून दूर राहण्याबाबत आरोग्य शिक्षण व समुपदेशन करण्यात आले. यावेळी...

बुलढाणा, दि. ३० (जिमाका) : सन 2026-27 च्या खरीप हंगामासाठी बुलढाणा जिल्ह्यातील एकूण 1 हजार 420 गावांची नजर अंदाज पिकेवारी जाहीर करण्यात आली आहे. जिल्ह्यातील सर्व 1 हजार 420 गावांमध्ये 50 पैशांपेक्षा कमी पैसेवारी नोंदविण्यात आली आहे. प्रशासनाने जाहीर केलेल्या आकडेवारीनुसार, जिल्ह्याची सरासरी पैसेवारी 43 आहे. तालुकानिहाय पाहता बुलढाणा तालुक्यातील 98, चिखली 144, देऊळगाव राजा 64, मेहकर 161, लोणार 91, सिंदखेड राजा 114, मलकापूर 73, मोताळा 120, नांदुरा 112, खामगाव 146, शेगाव 73, जळगाव जामोद 119 आणि संग्रामपूर तालुक्यातील 105 गावांचा समावेश आहे.   तालुकानिहाय सरासरी पैसेवारीमध्ये जळगाव जामोद तालुका 48 पैशांसह सर्वाधिक, तर बुलढाणा तालुका 31 पैशांसह सर्वात कमी आहे. मेहकर तालुक्याची सरासरी 45, लोणार 46, मलकापूर 46, मोताळा 46, शेगाव 46, संग्रामपूर 46, चिखली 38, देऊळगाव राजा व सिंदखेड राजा 43, नांदुरा 43 आणि खामगाव 42 पैसेवारी नोंदविण्यात आली आहे. जिल्हा प्रशासनाकडून जाहीर करण्यात आलेल्या या नजर अंदाज पिकेवारीच्या आकडेवारीकडे खरीप हंगामातील पीक परिस्थितीचा प्राथमिक अंदाज म्हणून पाहिले ज...

  बुलढाणा, दि. ३० (जिमाका) : बुलढाणा शहर पोलीस ठाण्यात दाखल असलेल्या गुन्हा क्र. 710/2026 अन्वये धनलक्ष्मी महिला अर्बन को-ऑपरेटिव्ह क्रेडिट सोसायटी लि., बुलढाणा येथील ठेवीदारांच्या ठेवींच्या अपहारासंदर्भात आर्थिक गुन्हे शाखा, बुलढाणा यांच्याकडून तपास सुरू आहे. या प्रकरणात भारतीय न्याय संहिता 2023 मधील विविध कलमांसह MPID Act 1999 चे कलम 3 अंतर्गत गुन्हा दाखल करण्यात आला आहे. सदर प्रकरणातील पतसंस्थेचे कार्यालय बुलढाणा शहरातील र.नं. 393, सर्क्युलर रोड, चिंचोले चौक, बाहेकर कॉम्प्लेक्स येथे असल्याचे पोलिसांनी नमूद केले आहे. ठेवीदारांनी ठेवलेल्या रक्कमेबाबत अपहार झाल्याच्या तक्रारीवरून हा गुन्हा दाखल करण्यात आला आहे. या पतसंस्थेत ज्यांच्या पैशांच्या ठेवी असतील, त्यांनी संबंधित ठेवीच्या पावत्या घेऊन आर्थिक गुन्हे शाखा, बुलढाणा येथे स्वतः हजर राहून नोंद करावी, असे आवाहन पोलिसांनी केले आहे. ठेवीदारांनी आपल्याकडील ठेवीच्या पावत्या व संबंधित कागदपत्रांसह आर्थिक गुन्हे शाखेशी संपर्क साधावा, असे आवाहन सहाय्यक पोलीस निरीक्षक आर. आर. रोकडे यांनी केले आहे. 0000

  बुलढाणा, दि. ३० (जिमाका) : जिल्हा रुग्णालय, बुलढाणा येथे दिव्यांग व्यक्तींच्या तपासणीसाठी दर महिन्यातील प्रत्येक बुधवार व शुक्रवार दिव्यांग बोर्ड घेण्यात येत होता. तसेच संबंधित पंचान्वये जिल्हा रुग्णालयातील दिव्यांग प्रमाणपत्र वितरण प्रणालीसाठी शासकीय वैद्यकीय महाविद्यालयाकडून ऑनलाइन आयडी व पासवर्ड उपलब्ध करून देण्यात आले आहेत. राजमाता जिजाऊ शासकीय वैद्यकीय महाविद्यालय व जिल्हा रुग्णालय, बुलढाणा यांना ऑनलाइन आयडी व पासवर्ड उपलब्ध झाल्याने जिल्हा रुग्णालयातील दिव्यांग प्रमाणपत्र वितरण प्रणाली सुरू करण्यात आली आहे. त्यामुळे दि. १ ऑक्टोबर २०२६ पासून प्रत्येक बुधवार व शुक्रवार सुरू असलेली संबंधित दिव्यांग तपासणी बोर्डाची ऑफलाइन प्रक्रिया पूर्णपणे बंद करण्यात येत आहे. दिव्यांग व्यक्तींनी दिव्यांग तपासणी व दिव्यांग प्रमाणपत्रासाठी राजमाता जिजाऊ शासकीय वैद्यकीय महाविद्यालय व जिल्हा रुग्णालय, बुलढाणा येथील संबंधित कर्मचाऱ्यांशी संपर्क साधावा, असे आवाहन जिल्हा शल्यचिकित्सकांनी केले आहे. या संदर्भातील माहिती व आवश्यक कार्यवाहीसाठी शासकीय वैद्यकीय महाविद्यालय व रुग्णालय प्रशासनाशी संप...

बुलढाणा, दि. ३० (जिमाका) : जिल्हा रुग्णालय, बुलढाणा येथे दर शुक्रवारी नियमितपणे नेत्र, नाक-कान-घसा तसेच मतिमंद/मनोरुग्ण दिव्यांग तपासणी मंडळ सुरू असते. मात्र, २ ऑक्टोबर २०२६ रोजी महात्मा गांधी जयंतीनिमित्त शासकीय सुट्टी असल्याने या दिवशी होणारे दिव्यांग तपासणी शिबिर रद्द करण्यात आले आहे. त्यामुळे नागरिकांनी २ ऑक्टोबर रोजी जिल्हा रुग्णालय, बुलढाणा येथे दिव्यांग तपासणीसाठी येऊ नये, असे आवाहन जिल्हा शल्यचिकित्सक, जिल्हा रुग्णालय, बुलढाणा यांनी केले आहे. सुट्टीच्या दिवशी तपासणीसाठी आल्यास होणाऱ्या गैरसोयीस प्रशासन जबाबदार राहणार नसल्याचेही कळविण्यात आले आहे. दर शुक्रवारी होणारी नियमित दिव्यांग तपासणी सेवा पुढील नियोजित दिवशी सुरू राहणार आहे. 00000

  बुलढाणा, दि. ३० (जिमाका) : महाराष्ट्र शासनाच्या क्रीडा व युवक सेवा विभागाच्या वतीने आयोजित करण्यात येणाऱ्या ‘ब्रिक्स पारंपरिक व देशी खेळ २०२६’ सादरीकरणासाठी महाराष्ट्र योगासन संघाच्या खुल्या गटाची निवड चाचणी दि. १ ऑक्टोबर २०२६ रोजी पुणे येथे आयोजित करण्यात आली आहे. ही निवड चाचणी शिवछत्रपती क्रीडा संकुल, बालेवाडी-महाळुंगे, पुणे-४११ ०४५ येथे सकाळी ९ वाजता होणार आहे. या निवड चाचणीसाठी खेलो इंडिया युथ गेम्स, राष्ट्रीय क्रीडा स्पर्धा किंवा खेलो इंडिया युनिव्हर्सिटी गेम्स यापैकी कोणत्याही एका स्पर्धेत पदकविजेते ठरलेले खेळाडू पात्र राहतील. तसेच, २०२६-२७ या वर्षातील वरिष्ठ गट राष्ट्रीय योगासन स्पर्धेसाठी निवड झालेले व संबंधित संघटनेमार्फत नामनिर्देशित १० खेळाडूंनाही या निवड प्रक्रियेत सहभागी होता येणार आहे. पात्र खेळाडूंनी निवड चाचणीसाठी वेळेवर उपस्थित राहणे आवश्यक असून, सोबत मूळ क्रीडा प्रमाणपत्रे व आधारकार्ड आणणे अनिवार्य आहे. अधिक माहितीसाठी क्रीडा अधिकारी अमित भेडसे (मो. ८०५५५ ०६७०७), सहाय्यक क्रीडा विकास अधिकारी शर्वरी जोशी (मो. ९५१८३ ७२२९९) तसेच क्रीडा कार्यकारी अधिकारी बापू ...

    बुलढाणा, दि. ३० (जिमाका) : सेवा संकल्प अभियान व राष्ट्रीय पोषण माह निमित्त क्षयरोगग्रस्त रुग्ण व त्यांच्या नातेवाईकांमध्ये पोषण, योग्य आहार, स्वच्छता, नियमित उपचार आणि क्षयरोगाबाबत जनजागृती करण्याच्या उद्देशाने क्षय आरोग्य धाम, बुलढाणा येथे विविध उपक्रमांचे आयोजन करण्यात आले. “ सुपोषणातून सुदृढ आरोग्य आणि क्षयरोगमुक्त समाज ” या उद्देशाने आयोजित कार्यक्रमाला रुग्ण, नातेवाईक, रुग्णालयीन कर्मचारी तसेच नर्सिंग स्कूलच्या विद्यार्थिनींचा उत्स्फूर्त प्रतिसाद मिळाला. कार्यक्रमाच्या अध्यक्षस्थानी रुग्णालयाचे वैद्यकीय अधीक्षक डॉ. सुशील चव्हाण होते. त्यांच्या मार्गदर्शनाखाली कार्यक्रमाचे आयोजन करण्यात आले. राष्ट्रीय पोषण माहच्या निमित्ताने रुग्ण व त्यांच्या नातेवाईकांसाठी आहारतज्ज्ञांच्या वतीने विविध पोषणयुक्त अन्नपदार्थांची प्रदर्शनी मांडण्यात आली. डॉ. सुशील चव्हाण यांच्या हस्ते दीपप्रज्वलन व धन्वंतरी पूजन करून कार्यक्रमाची सुरुवात करण्यात आली.   आहारतज्ज्ञ डॉ. मयुरी देशमुख यांनी कुपोषण व क्षयरोग यांचा संबंध, क्षयरुग्णांसाठी आवश्यक पोषणमूल्ये, संतुलित आहार, रोगप्रतिक...

    बुलढाणा, दि. ३० (जिमाका) : सेवा संकल्प अभियान तसेच राष्ट्रीय गळीतधान्य अभियानांतर्गत कृषी विज्ञान केंद्र आणि कृषी विभाग, बुलढाणा यांच्या संयुक्त विद्यमाने मौजे सिंदखेड, ता. बुलढाणा येथे शेतकरी प्रशिक्षणाचे आयोजन करण्यात आले. यावेळी शेतकऱ्यांना गळीतधान्य पिकांचे लागवड तंत्रज्ञान, हवामानातील बदल आणि कृषी विभागाच्या विविध योजनांबाबत मार्गदर्शन करण्यात आले.   कृषी विज्ञान केंद्र, बुलढाणाचे विषय विशेषज्ञ (कृषी विस्तार शिक्षण) डॉ. जगदीश वाडकर यांनी खरीप व रब्बी हंगामातील गळीतधान्य पिकांच्या लागवड तंत्रज्ञानाची सविस्तर माहिती दिली. कृषी विद्यापीठाच्या जैविक निविष्ठांचा गळीतधान्य उत्पादन वाढीसाठी उपयोग होतो. तसेच पिकांची फेरपालट ही जमिनीची सुपीकता, मातीचे आरोग्य आणि शेतीची शाश्वतता यासाठी महत्त्वाची असल्याचे त्यांनी सांगितले.   कृषी विज्ञान केंद्राचे विषय विशेषज्ञ (कृषी हवामानशास्त्र) मनेश यदुलवार यांनी एल निनोची सद्यस्थिती व त्याचे शेतीवर होणारे संभाव्य परिणाम याबाबत माहिती दिली. रब्बी हंगामातील पीक नियोजन करताना जमिनीतील उपयुक्त ओलावा आणि सिंचनाची उपलब्धता ...

 

    अमरावती विभाग शिक्षक मतदारसंघाच्या निवडणूकीसाठी   निवडणूक निर्णय अधिकारी यांच्या कार्यालयात आज पहिल्या दिवशी दुपारी तीन वाजेपर्यंत एकही नामनिर्देशन पत्र दाखल झाले नाही. मात्र 20 उमेदवारांकरिता 44 नामनिर्देशनपत्रांची उचल झाली आहे. 0000

    बुलढाणा, दि. 29 (जिमाका) : सेवासंकल्प अभियानांतर्गत नागरिकांच्या सोयीसाठी देऊळगाव राजा पोस्ट ऑफिस येथे आधार नोंदणी तसेच आधारमधील दुरुस्ती व अद्ययावतीकरणाची सेवा उपलब्ध करून देण्यात आली आहे. त्यामुळे देऊळगाव राजा व परिसरातील नागरिकांना आधारशी संबंधित विविध कामांसाठी स्थानिक पातळीवरच सुविधा मिळणार आहे.   देऊळगाव राजा पोस्ट ऑफिसमधील आधार सेवा केंद्राची वेळ सकाळी ९ ते सायंकाळी ४ वाजेपर्यंत राहणार आहे. या केंद्रावर नवीन आधार नोंदणी, आधारमधील आवश्यक दुरुस्ती तसेच अद्ययावतीकरणाची कामे करता येणार आहेत. आधारशी संबंधित सेवांसाठी नागरिकांना दूरवर जावे लागू नये आणि स्थानिक पातळीवर सुलभ व सुविधाजनक सेवा उपलब्ध व्हावी, या उद्देशाने ही सुविधा सुरू करण्यात आली आहे. नागरिकांनी आवश्यक कागदपत्रांसह देऊळगाव राजा पोस्ट ऑफिस येथे उपस्थित राहून आधार सेवेचा लाभ घ्यावा, असे आवाहन बुलढाणा विभाग अधीक्षक डाकघर यांनी केले आहे. 0000

    बुलढाणा, दि. २९ (जिमाका) : आरोग्यमंत्री ना. प्रकाश आबिटकर यांच्या संकल्पनेतून राबविण्यात येत असलेल्या ‘माझं गाव, आरोग्य संपन्न गाव – कसं काय?’ व ‘सेवासंकल्प अभियाना’ अंतर्गत छत्रपती शिवाजी महाराज जिल्हा परिषद सभागृह, बुलढाणा येथे जिल्हास्तरीय कार्यशाळा उत्साहात संपन्न झाली.   मुख्य कार्यकारी अधिकारी गुलाब खरात (भाप्रसे) यांच्या मार्गदर्शनाखाली आयोजित या कार्यशाळेस जिल्हा आरोग्य अधिकारी डॉ. रणजीत मंडाले, जिल्हा माता-बाल संगोपन अधिकारी डॉ. मिलिंद जाधव, अतिरिक्त जिल्हा आरोग्य अधिकारी डॉ. निलेश जाधव, उपमुख्य कार्यकारी अधिकारी (ग्रामपंचायत) शिवशंकर भारसाकळे, जिल्हा कार्यक्रम अधिकारी (महिला व बालकल्याण) प्रमोद येंडोले, कार्यकारी अभियंता (बांधकाम) एस. एस. गुडदे यांच्यासह विविध विभागांचे प्रमुख अधिकारी उपस्थित होते.   कार्यशाळेत प्रत्येक ग्रामपंचायतीने आपल्या गावाला आरोग्य संपन्न करण्यासाठी आवश्यक उपाययोजनांचे नियोजन करावे, याबाबत मार्गदर्शन करण्यात आले. ग्रामपंचायत, आरोग्य विभाग, महिला व बालकल्याण विभाग तसेच अन्य संबंधित विभागांनी परस्पर समन्वयातून काम करण्य...

    बुलढाणा, दि. २८ (जिमाका) : राष्ट्रीय आरोग्य अभियानांतर्गत भटक्या व विमुक्त जाती-जमातीतील नागरिकांना विविध शासकीय आरोग्य सेवा व योजनांचा लाभ मिळवून देण्याच्या उद्देशाने राबविण्यात येत असलेल्या ‘सेवा संकल्प’ कार्यक्रमांतर्गत तहसील कार्यालय, वरवट बकाल येथे असंसर्गजन्य आजार (NCD) तपासणी व जनजागृती कार्यक्रम घेण्यात आला.   या उपक्रमात उपस्थित नागरिकांची प्राथमिक आरोग्य तपासणी करण्यात आली. यामध्ये रक्तदाब, रक्तातील साखर, वजन, उंची तसेच BMI आदी तपासण्या करण्यात आल्या. तपासणीदरम्यान आरोग्यविषयक तक्रारी अथवा जोखमीची लक्षणे आढळलेल्या नागरिकांना आवश्यकतेनुसार पुढील तपासणी व उपचारासाठी संबंधित आरोग्य संस्थांकडे संदर्भित करण्यात आले.   कार्यक्रमादरम्यान मधुमेह, उच्च रक्तदाब, हृदयरोग व कर्करोग यांसारख्या असंसर्गजन्य आजारांपासून बचावासाठी नियमित आरोग्य तपासणीचे महत्त्व नागरिकांना समजावून सांगण्यात आले. संतुलित आहार, नियमित व्यायाम, तंबाखू व गुटखा सेवन टाळणे तसेच धूम्रपान आणि मद्यपानापासून दूर राहण्याबाबत आरोग्य शिक्षण व समुपदेशन करण्यात आले.   याशिवाय पात्...

    बुलढाणा, दि. 29 (जिमाका) : महाराष्ट्र विधान परिषदेसाठी अमरावती विभाग शिक्षक मतदारसंघातून एका सदस्याची निवडणूक घ्यावयाची आहे. यासंबंधीची घोषणा भारत निवडणूक आयोगाने नुकतीच केली असून त्यानुसार विभागीय आयुक्त तथा निवडणूक निर्णय अधिकारी अमरावती विभाग शिक्षक मतदारसंघ, अमरावती यांनी निवडणुकीची सूचना आज प्रसिद्ध केली आहे.   निवडणूकीसाठीची नामनिर्देशनपत्रे उमेदवाराला किंवा त्याच्या कोणत्याही प्रस्तावकाला, निवडणूक निर्णय अधिकारी तथा विभागीय आयुक्त, अमरावती विभाग, अमरावती किंवा सहायक निवडणूक निर्णय अधिकारी तथा सहआयुक्त (सामान्य प्रशासन) विभागीय आयुक्त कार्यालय, अमरावती यांचेकडे मंगळवार ६ ऑक्टोबर, २०२६ पर्यंत कोणत्याही दिवशी (सार्वजनिक सुट्टी व्यतिरिक्त) सकाळी ११ ते दुपारी ३ वाजेपर्यंत विभागीय आयुक्त यांचे कार्यालयात सभागृह क्र. २ तळमजला, विभागीय आयुक्त कार्यालय, कॅम्प, अमरावती येथे दाखल करता येतील. नामनिर्देशनपत्रे वर उल्लेख केलेल्या ठिकाणी व वेळी मिळू शकतील.   नामनिर्देशनपत्रांची छाननी बुधवार ७ ऑक्टोबर, २०२६ रोजी सकाळी ११ वाजेपासून निवडणूक निर्णय अधिकारी, अमरा...

  बुलढा णा, दि. २८ (जिमाका) : सेवा संकल्प अभियानांतर्गत आयोजित आरोग्य शिबिरात नागरिकांचा अधिकाधिक सहभाग वाढावा तसेच आधुनिक आरोग्य तंत्रज्ञानाचा लाभ सर्वसामान्य नागरिकांपर्यंत पोहोचावा, या उद्देशाने जिल्हाधिकारी डॉ. प्रविणकुमार देवरे यांनी उपलब्ध झालेल्या AI आधारित ‘SCANO’ रोबोटिक मशीनद्वारे स्वतःची आरोग्य तपासणी करून घेतली. यावेळी जिल्हाधिकारी डॉ. देवरे यांनी नागरिकांना आधुनिक तंत्रज्ञानाच्या माध्यमातून आरोग्य तपासणी करून घेण्याचे आवाहन केले. आरोग्यविषयक समस्या वेळीच निदर्शनास आल्यास त्यावर आवश्यक प्रतिबंधात्मक उपाययोजना करणे शक्य होते. त्यामुळे नागरिकांनी आरोग्य शिबिरांमध्ये सक्रिय सहभाग नोंदवून उपलब्ध आरोग्य सुविधांचा लाभ घ्यावा, असे त्यांनी सांगितले. AI आधारित SCANO तंत्रज्ञानामुळे आधुनिक पद्धतीने आरोग्य तपासणीची सुविधा उपलब्ध झाली असून, प्रतिबंधात्मक आरोग्यसेवेला प्रोत्साहन देण्यासाठी या तंत्रज्ञानाचा उपयोग होत आहे. नागरिकांनी या सुविधेचा लाभ घेऊन नियमित आरोग्य तपासणी करून घ्यावी, असे आवाहन करण्यात आले. 0000

    बुलढाणा, दि. 28 (जिमाका) : सेवा संकल्प अभियानांतर्गत ‘तिशीचा पल्ला, तपासणी अन् सल्ला’ या उपक्रमाच्या माध्यमातून आयुष्यमान आरोग्य मंदिर, एकलारा बानोदा येथे ३० वर्षांवरील नागरिक तसेच ज्येष्ठ नागरिकांसाठी मोफत आरोग्य तपासणी शिबिर घेण्यात आले. नागरिकांनी शिबिराला उत्स्फूर्त प्रतिसाद दिला.   शिबिरात ३० वर्षांवरील महिला व पुरुषांची उच्च रक्तदाब, मधुमेह तसेच कर्करोग यांसारख्या असंसर्गजन्य आजारांसाठी (NCD) तपासणी करण्यात आली. वाढत्या वयासोबत उद्भवणाऱ्या आजारांचे वेळीच निदान होऊन आवश्यक उपचार सुरू करता यावेत, हा या उपक्रमाचा उद्देश आहे.   तसेच ३० वर्षांवरील नागरिकांसह ६० वर्षांवरील ज्येष्ठ नागरिकांची ‘एचडी’ अंतर्गत विशेष तपासणी करण्यात आली. यावेळी वैद्यकीय पथकाने नागरिकांना संतुलित आहार, नियमित व्यायाम, आरोग्यदायी जीवनशैली तसेच आजारांवर वेळीच नियंत्रण ठेवण्याबाबत मार्गदर्शन केले.   तपासणीदरम्यान उपचाराची आवश्यकता असलेल्या नागरिकांना पुढील उपचारासाठी योग्य सल्ला देण्यात आला तसेच आवश्यकतेनुसार औषधोपचार उपलब्ध करून देण्यात आले. नागरिकांनी नियमित आरोग्य ...

  बुलडाणा, दि. २८ (जिमाका) : नागरिकांच्या सोयीसाठी बुलडाणा प्रधान डाकघर येथील आधार नोंदणी व आधार दुरुस्ती सेवा यापुढे सकाळी लवकर उपलब्ध करून देण्यात येणार आहे. दि. १ ऑक्टोबर २०२६ पासून बुलडाणा प्रधान डाकघरातील आधार सेवा केंद्राची वेळ सकाळी ८ ते सायंकाळी ६ वाजेपर्यंत राहणार आहे. या विस्तारित वेळेमुळे नागरिकांना नवीन आधार नोंदणी, आधारमधील आवश्यक दुरुस्ती तसेच आधार अद्ययावतीकरणाच्या सेवा घेणे अधिक सुलभ होणार आहे. विशेषतः विद्यार्थी, नोकरदार, महिला, ज्येष्ठ नागरिक तसेच इतर नागरिकांना त्यांच्या सोयीनुसार आधार सेवा घेता येणार आहे. नागरिकांनी आधारसंबंधित आवश्यक कागदपत्रांसह बुलडाणा प्रधान डाकघर येथील आधार सेवा केंद्राचा लाभ घ्यावा, असे आवाहन बुलडाणा विभागाचे अधीक्षक डाकघर गजेंद्र जाधव यांनी केले आहे. 00000

  बुलढाणा, दि. २८ (जिमाका) : भारतीय डाक विभागाच्या डाक जीवन विमा योजनेअंतर्गत बुलढाणा जिल्ह्यात थेट अभिकर्त्यांची (Direct Agent) नियुक्ती करण्यात येणार आहे. इच्छुक उमेदवारांकडून अर्ज मागविण्यात आले असून, बुलढाणा विभागातील सर्व प्रधान डाकघरे व उपडाकघरांमध्ये अर्जाचे नमुने उपलब्ध आहेत. अभिकर्ता पदासाठी उमेदवाराचे किमान वय १८ वर्षे आणि शैक्षणिक पात्रता किमान दहावी उत्तीर्ण असणे आवश्यक आहे. बेरोजगार किंवा स्वयंरोजगार करणारे शिक्षित युवक, विमा कंपनीचे माजी एजंट, माजी सैनिक, अंगणवाडी सेविका, महिला बचत गटांच्या सदस्या, MPKBY-SAS प्रतिनिधी, सेवानिवृत्त शिक्षक तसेच केंद्र व राज्य शासनाचे सेवानिवृत्त कर्मचारी अर्ज करू शकतात. उमेदवारांची निवड मुलाखतीद्वारे केली जाणार असून, व्यावसायिक कौशल्य, व्यक्तिमत्त्व, परस्पर संबंधांचे कौशल्य तसेच जीवन विम्याबाबतचे ज्ञान या बाबींच्या आधारे निवड प्रक्रिया होईल. निवड झालेल्या उमेदवारास ५ हजार रुपयांची अनामत रक्कम सुरक्षा ठेव म्हणून जी NSC अथवा KVP स्वरूपात ठेवावी लागेल. प्रशिक्षण पूर्ण झाल्यानंतर डाक विभागाकडून तात्पुरता परवाना देण्यात येईल. PLI Mo...

  बुलढाणा, दि. २८ (जिमाका) : टपाल सेवेबाबत नागरिकांच्या तक्रारींचे योग्य प्रकारे निराकरण करण्यासाठी बुलढाणा डाक विभागाच्या वतीने दि. १ ऑक्टोबर २०२६ रोजी डाक अदालत आयोजित करण्यात आली आहे. अधीक्षक डाकघर, बुलढाणा विभाग, बुलढाणा यांच्या कार्यालयात ही डाक अदालत होणार आहे. पोस्टाच्या कार्यपद्धती किंवा कामकाजाबाबतच्या ज्या तक्रारींचे निवारण अद्याप झालेले नाही किंवा समाधानकारक उत्तर मिळालेले नाही, अशा तक्रारी डाक अदालतीमध्ये दाखल करता येणार आहेत. विशेषतः टपाल, स्पीड पोस्ट, डाक वस्तू पार्सल, बचत बँक व मनीऑर्डर यांसंबंधीच्या तक्रारींचा डाक अदालतीमध्ये विचार केला जाणार आहे. तक्रारदारांनी तक्रारीचा संपूर्ण तपशील, संबंधित कागदपत्रे तसेच यापूर्वी तक्रार पाठविली असल्यास तिचा संदर्भ नमूद करावा. तक्रारदारांनी आपली तक्रार गजेंद्र ना. जाधव, अधीक्षक डाकघर, बुलढाणा विभाग, बुलढाणा-४४३००१ यांच्या नावे दोन प्रतींमध्ये दि. ३० सप्टेंबर २०२६ पर्यंत अथवा त्यापूर्वी पोहोचेल अशा रीतीने प्रत्यक्ष अथवा टपालाद्वारे पाठवावी. तक्रारी spbldn.mah@gmail.com या ई-मेलवरही पाठविता येतील. डाक सेवेबाबतच्या प्रलंबित तक...

  बुलढाणा, दि. २८ (जिमाका) : जिल्हा आरोग्य अधिकारी डॉ. रंजित मंडाले तसेच तालुका आरोग्य अधिकारी डॉ. सुरज ठाकरे यांच्या मार्गदर्शनाखाली प्राथमिक आरोग्य केंद्र, देऊळगाव माळी अंतर्गत मौजे अंत्री देशमुख येथे ‘सेवा संकल्प अभियान’ अंतर्गत आरोग्य शिबिराचे आयोजन करण्यात आले. या शिबिरामध्ये गावातील नागरिकांची आरोग्य तपासणी करण्यात आली. नागरिकांना आवश्यक आरोग्य सेवा, आरोग्यविषयक मार्गदर्शन तसेच आजारांपासून बचाव करण्याबाबत माहिती देण्यात आली. यावेळी गावामध्ये विशेष कंटेनर सर्वेक्षण करण्यात आले. हिवताप तसेच इतर साथरोगांच्या प्रतिबंधासाठी आवश्यक उपाययोजनांबाबत नागरिकांमध्ये जनजागृती करण्यात आली. घराच्या परिसरात पाणी साचू न देणे, परिसर स्वच्छ ठेवणे आणि डासांची उत्पत्तीस्थळे नष्ट करण्याचे महत्त्व नागरिकांना समजावून सांगण्यात आले. हिवताप अथवा इतर साथरोगांची लक्षणे आढळल्यास नागरिकांनी विलंब न करता जवळच्या आरोग्य केंद्राशी संपर्क साधावा, असे आवाहन आरोग्य विभागामार्फत करण्यात आले. नागरिकांनी आरोग्य विभागाच्या प्रतिबंधात्मक उपाययोजनांमध्ये सहकार्य करावे, असेही सांगण्यात आले. 0000

  राज्यातील २६५ तालुक्यात दुष्काळ जाहीर , बारा उपाययोजना व सवलती लागू; पाणी, चारा, रोजगार, अन्नधान्याची व्यवस्था बळकट होणार   मुंबई, दि. २६ : - ‘दुष्काळी परिस्थितीत राज्यातील शेतकरी, शेतमजूर, कष्टकऱी आमच्या मदतीच्या केंद्रस्थानी आहे. त्यांना दिलासा देण्यासाठी सर्वतोपरी प्रयत्न केले जाणार आहेत. आम्ही शेतकऱी बांधवांच्या पाठीशी खंबीरपणे उभे आहोत. या आव्हानावर मात करण्यासाठी आपण सर्व एकजूटीने प्रयत्न करूया, असा निर्धार मुख्यमंत्री देवेंद्र फडणवीस यांनी व्यक्त केला आहे. राज्यातील २६५ तालुक्यांमध्ये दुष्काळी परिस्थिती आहे. या तालुक्यांतील शेतकरी, विद्यार्थी, शेतमजूर, नागरिक आणि पशुधनाला दिलासा देण्यासाठी बारा उपाययोजना व सवलती लागू करण्याचा निर्णय शासनाने घेतला आहे.   याबाबतचा शासन निर्णय जाहीर झाल्यानंतर मुख्यमंत्री श्री. फडणवीस यांनी या तालुक्यांमधील परिस्थितीबाबत तत्काळ पंचनामे सुरु करावेत असे निर्देश संबंधित जिल्हाधिकारी यांना दिले आहेत.   ‘पावसाअभावी शेतकऱ्यांना अडचणींना सामोरे जावे लागत आहे. दुष्काळी परिस्थिती जाहीर झालेल्या तालुक्यांमध्ये तत्काळ सर्व्...