महासंवाद बुलढाणा

 

    बुलढाणा दि.28 (जिमाका): राज्यातील दुष्काळी परिस्थितीमुळे आर्थिक संकटाचा सामना करणाऱ्या शेतकऱ्यांना दिलासा देण्यासाठी सोयाबीन आणि कापसाच्या शासकीय खरेदीतून मिळणाऱ्या संभाव्य अतिरिक्त उत्पन्नाचा उपयोग करावा. या उत्पन्नातून दुष्काळग्रस्त तालुक्यांतील सोयाबीन व कापूस उत्पादक शेतकऱ्यांना विशेष आर्थिक सहाय्य किंवा बोनस देण्याचा विचार करावा, अशी मागणी केंद्रीय राज्यमंत्री प्रतापराव जाधव यांनी केंद्रीय कृषिमंत्री शिवराजसिंह चौहान यांच्याकडे केली आहे.   महाराष्ट्रातील अनेक भागांमध्ये कमी पर्जन्यमान, घटलेले पीक उत्पादन, वाढता कृषी खर्च आणि प्रतिकूल हवामानामुळे शेतकरी आर्थिक अडचणीत सापडले आहेत. राज्य शासनाने ३५८ तालुक्यांपैकी ३०५ तालुके दुष्काळग्रस्त म्हणून जाहीर केल्याचा उल्लेख करत, या भागांतील शेतकऱ्यांना विशेष आर्थिक मदतीची आवश्यकता असल्याचे प्रतापराव जाधव यांनी मांडले.   गेल्या वर्षी नाफेडमार्फत सोयाबीनची शासकीय खरेदी प्रतिक्विंटल ५ हजार ७०८ रुपये या किमान आधारभूत किमतीने (एमएसपी) करण्यात आली होती. सध्या सोयाबीनचा बाजारभाव प्रतिक्विंटल सुमारे ७ हजार ते ७ हज...

    बुलढाणा दि.28 (जिमाका): येथील महा सैनिक प्रशिक्षण केंद्रात शिक्षण व शारीरिक प्रशिक्षण प्रशिक्षक या पदावर माजी सैनिकांची मानधनावर कंत्राटी पद्धतीने भरती करण्यात येणार आहे. या पदासाठी जिल्ह्यातील इच्छुक माजी सैनिकांनी १२ नोव्हेंबर २०२६ पर्यंत अर्ज सादर करावेत, असे आवाहन जिल्हा सैनिक कल्याण अधिकारी यांनी केले आहे. महा सैनिक प्रशिक्षण केंद्र, बुलढाणा येथे माजी सैनिक प्रवर्गातून तात्पुरत्या स्वरूपात ही पदभरती करण्यात येत आहे. इच्छुक उमेदवारांनी आपले माजी सैनिक ओळखपत्र, सेवापुस्तक, पीपीओ तसेच वैयक्तिक अर्जासह आवश्यक कागदपत्रे महा सैनिक प्रशिक्षण केंद्र (सागवन), बुलढाणा येथे सादर करावीत. पदासाठी आवश्यक पात्रता : उमेदवार सशस्त्र सेना दलातून निवृत्त झालेला माजी सैनिक असावा. वय ५८ वर्षांपेक्षा जास्त नसावे. निवृत्तीच्या वेळी थलसेनेतील हवालदार किंवा त्यापेक्षा वरिष्ठ पदावरील, अथवा नौदल किंवा वायुदलातील समकक्ष पदावरील सेवा केलेली असावी. मराठी भाषेचे बोलणे, वाचणे व लिहिण्याचे ज्ञान आवश्यक आहे. दहावीची परीक्षा मराठी विषय घेऊन उत्तीर्ण झाल्याचे गुणपत्रक असणे आवश्यक आहे. उमेदवार ...

    बुलढाणा दि.28 (जिमाका): जिल्हा सामान्य रुग्णालय, बुलढाणा येथे दर महिन्याच्या प्रत्येक बुधवार व गुरुवारी सुरू असलेले दिव्यांग तपासणी बोर्डाचे कामकाज ३१ ऑक्टोबर २०२६ पासून पूर्णपणे बंद करण्यात येत आहे. दिव्यांग प्रमाणपत्र वितरण प्रणाली राजमाता जिजाऊ शासकीय वैद्यकीय महाविद्यालयाकडे देण्यात आल्यामुळे हा निर्णय घेण्यात आला आहे. जिल्हा रुग्णालयातील दिव्यांग प्रमाणपत्र वितरण प्रणाली राजमाता जिजाऊ शासकीय वैद्यकीय महाविद्यालयाकडे हस्तांतरित करण्यात आली आहे. त्यानुसार राजमाता जिजाऊ शासकीय वैद्यकीय महाविद्यालय व रुग्णालय, बुलढाणा यांना दिव्यांग प्रमाणपत्रासाठी आवश्यक लॉगिन आयडी व पासवर्ड उपलब्ध करून देण्यात आले आहेत. त्यामुळे जिल्हा रुग्णालय, बुलढाणा येथे दर महिन्याच्या प्रत्येक बुधवार व गुरुवारी सुरू असणारे दिव्यांग तपासणी बोर्डाचे कामकाज ३१ ऑक्टोबर २०२६ पासून बंद करण्यात येणार आहे. दिव्यांग व्यक्तींनी दिव्यांग तपासणी तसेच दिव्यांग प्रमाणपत्र मिळविण्यासाठी यापुढे राजमाता जिजाऊ शासकीय वैद्यकीय महाविद्यालय व रुग्णालय, बुलढाणा येथील कार्यालयाशी संपर्क साधावा, असे आवाहन जिल्हा श...

    भारत हा कृषिप्रधान देश असून शेतीसोबत पशुपालन हा ग्रामीण अर्थव्यवस्थेचा महत्त्वाचा आधारस्तंभ आहे. विशेषतः महाराष्ट्रातील विदर्भासारख्या भागात पावसाचे अनियमित वितरण, वाढते तापमान आणि पाण्याची कमतरता यांचा थेट परिणाम शेती आणि पशुपालन व्यवसायावर होतो. अशा परिस्थितीत एलनिनो या जागतिक हवामानविषयक घटकामुळे मान्सूनच्या पावसावर संभाव्य परिणाम होण्याची शक्यता लक्षात घेऊन पशुपालकांनी पूर्वनियोजन करणे आवश्यक आहे. दुष्काळी परिस्थितीचा परिणाम केवळ पिकांच्या उत्पादनावर होत नाही, तर जनावरांसाठी हिरवा चारा, वाळलेला चारा, पशुखाद्य आणि पिण्याचे पाणी यांच्या उपलब्धतेवरही होतो. परिणामी जनावरांचे आरोग्य, दूध उत्पादन, वजन आणि प्रजननक्षमता यांवर विपरीत परिणाम होऊ शकतो. त्यामुळे दुष्काळ आणि त्यानंतरच्या उन्हाळ्याच्या काळात पशुधनाचे संरक्षण करण्यासाठी चारा, पाणी, आहार, निवारा आणि आरोग्य व्यवस्थापनाचे एकात्मिक नियोजन करणे गरजेचे आहे. एलनिनो म्हणजे काय? : विषुववृत्तीय प्रशांत महासागराच्या मध्य आणि पूर्व भागातील पृष्ठभागाचे तापमान सरासरीपेक्षा जास्त वाढण्याच्या हवामानविषयक घटनेला ‘एलनिनो’ असे ...

            बुलढाणा दि.28 (जिमाका): पाणी टंचाईची तीव्रता लक्षात घेता चिखली तालुक्यातील मंगरुळ प्र.खेर्डा गावासाठी पाणी पुरवठ्याकरिता टँकर मंजूर करण्यात आले आहे. आदेशात ठरवून दिल्याप्रमाणे नियमित टँकरव्दारे पाणी पुरवठा केल्या जाणार आहे, अशी माहिती उपविभागीय अधिकारी यांनी दिली.   मंगरुळ प्र.खेर्डा येथे 500   पशुधन व 2200   लोकसंख्येसाठी एक टॅंकरद्वारे 53 हजार 500 लिटर्स पाणी पुरवठा दररोज करणार आहेत. पाणी टंचाईची तीव्रता लक्षात घेता पाणी पुरवठ्याकरिता टँकर मंजूर करण्यात आले आहे. टँकरने केलेल्या खेपांची ग्रामपंचायतीला नोंद घेण्यात यावी. नोंदवहीची तपासणी नियमितपणे गटविकास अधिकारी यांनी करावी. निवीदाधारकाने टँकर नादुरूस्त झाल्यास त्वरित दुसरे टँकर उपलब्ध करून द्यावे, असे उपविभागीय अधिकारी, बुलढाणा यांनी प्रसिद्धीपत्रकाव्दारे कळविले आहे. 000000