महासंवाद बुलढाणा

 

    बुलढाणा, दि. २ (जिमाका) : पुण्यश्लोक अहिल्यादेवी होळकर शेतकरी कर्जमुक्ती योजनेंतर्गत जिल्ह्यातील पात्र शेतकऱ्यांना कर्जमुक्तीचा लाभ देण्यात येत आहे. आतापर्यंत १ लाख १४ हजार ८८४ शेतकऱ्यांना प्रत्यक्ष योजनेचा लाभ मिळाला आहे. मात्र, अद्याप ३० हजार ६५६ शेतकरी विविध तांत्रिक अडचणींमुळे आधार प्रमाणीकरणापासून वंचित आहेत. या शेतकऱ्यांना योजनेचा लाभ मिळावा, यासाठी ३ ते ५ नोव्हेंबर २०२६ या कालावधीत प्रत्येक तालुक्यात विशेष शिबिरांचे आयोजन करण्यात येणार आहे. पात्र शेतकऱ्यांनी या शिबिरांचा लाभ घ्यावा, असे आवाहन जिल्हाधिकारी डॉ. प्रवीणकुमार देवरे यांनी केले आहे.   जिल्हाधिकारी कार्यालयात आयोजित पुण्यश्लोक अहिल्यादेवी होळकर शेतकरी कर्जमुक्ती योजना जिल्हास्तरीय तक्रार निवारण समितीच्या बैठकीत ते बोलत होते. यावेळी अग्रणी बँकेचे व्यवस्थापक शैलेंद्र कुमार सिंह, जिल्हा उपनिबंधक महेंद्र चव्हाण, तसेच तालुका सहाय्यक निबंधक/सहकार अधिकारी श्रेणी-1, तालुका कृषि अधिकारी, जिल्हा समन्वयक, सर्व राष्ट्रीयकृत, ग्रामीण, खाजगी, सहकारी बँकेचे समन्वयक आदी उपस्थित होते.   जिल्ह्यात या य...

          बुलढाणा दि.2 (जिमाका): पाणी टंचाईची तीव्रता लक्षात घेता चिखली तालुक्यातील हिवरा नाईक गावासाठी पाणी पुरवठ्याकरिता टँकर मंजूर करण्यात आले आहे. आदेशात ठरवून दिल्याप्रमाणे नियमित टँकरव्दारे पाणी पुरवठा केल्या जाणार आहे, अशी माहिती उपविभागीय अधिकारी यांनी दिली.   हिवरा नाईक येथे 700   पशुधन व 680   लोकसंख्येसाठी एक टॅंकरद्वारे 25 हजार 600 लिटर्स पाणी पुरवठा दररोज करणार आहेत. पाणी टंचाईची तीव्रता लक्षात घेता पाणी पुरवठ्याकरिता टँकर मंजूर करण्यात आले आहे. टँकरने केलेल्या खेपांची ग्रामपंचायतीला नोंद घेण्यात यावी. नोंदवहीची तपासणी नियमितपणे गटविकास अधिकारी यांनी करावी. निवीदाधारकाने टँकर नादुरूस्त झाल्यास त्वरित दुसरे टँकर उपलब्ध करून द्यावे, असे उपविभागीय अधिकारी, बुलढाणा यांनी प्रसिद्धीपत्रकाव्दारे कळविले आहे. 000000

    बुलढाणा, (जिमाका) दि. 2 : महाराष्ट्र राज्य मार्ग परिवहन महामंडळ बुलढाणा विभागाकडून प्रवाशांना भेडसावणाऱ्या दैनंदिन समस्या, तक्रारी व सुचनांचे आगार पातळीवर जलदगतीने निराकरण करण्यासाठी जिल्ह्यातील प्रत्येक आगारात दर महिण्याच्या बुधवारी सकाळी 10 ते 2 या वेळेत “ प्रवासी राजा दिन ” व दुपारी 3 ते 5 या वेळेत “ कामगार पालक दिन ” आयोजित करण्यात येणार आहे. त्याअनुषंगाने वेळापत्रक जाहीर करण्यात आले असून प्रवाशी आणि महामंडळाच्या कामगारांनी लाभ घेऊन समस्यांचे निराकरण करावे, असे आवाहन राज्य मार्ग परिवहन महामंडळाचे विभाग नियंत्रक यांनी केले आहे.   परिवहन महामंडळाच्या आगारामध्ये सकाळी 10 ते दुपारी 2 दरम्यान प्रवासी राजा दिन साजरा करण्यात येणार आहे. यावेळेत प्रवासी, प्रवासी संघटना, शाळा-महाविद्यालये त्यांच्या समस्या, तक्रारी, सूचना लेखी स्वरुपात मांडू शकतील. तसेच दुपारी 3 ते सांयकाळी 5 दरम्यान कामगार पालक दिन साजरा करण्यात येणार आहे. संघटना, कर्मचाऱ्यांचे प्रश्न, तक्रारी लेखी स्वरुपात घेऊन तक्रारीचे किंवा समस्यांचे तत्काळ निराकरण करतील.   बुलढाणा विभागातील बुलढाणा आ...

    बुलढाणा, दि. २ (जिमाका) : पंचायत समिती बुलढाणा कृषी विभागाच्या सेस फंड योजनेअंतर्गत सन २०२६-२७ या आर्थिक वर्षासाठी शेतकऱ्यांना थेट लाभ हस्तांतरण (डीबीटी) योजनेंतर्गत ७५ टक्के अनुदानावर ५ एचपी मोटारपंप संचाचे साहित्य पुरविण्यात येणार आहे. या योजनेचा लाभ घेण्यासाठी बुलढाणा तालुक्यातील पात्र शेतकऱ्यांनी २० नोव्हेंबर २०२६ पर्यंत अर्ज करावे, असे आवाहन बुलढाणा पंचायत समितीच्या गटविकास अधिकारी डॉ. अमिता अजित पवार यांनी केले आहे.   इच्छुक शेतकऱ्यांनी विहित नमुन्यातील अर्ज भरून त्यासोबत ७/१२ उतारा (त्यावर विहिरीची नोंद असणे आवश्यक), नमुना ८, आधार कार्ड, बँक पासबुक तसेच शेतात ५ एचपी वीजभाराचे कनेक्शन उपलब्ध असल्याबाबतचा पुरावा जोडणे आवश्यक आहे. सदर अर्ज आवश्यक कागदपत्रांसह दि. २० नोव्हेंबर २०२६ पर्यंत पंचायत समिती बुलढाणा येथे सादर करावेत. योजनेबाबत अधिक माहितीसाठी पंचायत समितीमधील कृषी अधिकारी (सामान्य) तसेच विस्तार अधिकारी (कृषी) यांच्याशी संपर्क साधावा. 0000

    बुलढाणा, दि. २ (जिमाका) : लाचलुचपत प्रतिबंधक विभाग, बुलढाणाच्या वतीने २६ ऑक्टोबर ते १ नोव्हेंबर २०२६ या कालावधीत ‘दक्षता जनजागृती सप्ताह-२०२६’ विविध जनजागृतीपर उपक्रमांनी साजरा करण्यात आला. यावर्षी सप्ताहाची संकल्पना ‘समृद्धीसाठी सत्यनिष्ठा’ अशी होती.   २६ ऑक्टोबर रोजी सकाळी ११ वाजता लाचलुचपत प्रतिबंधक विभागाच्या बुलढाणा कार्यालयात सप्ताहाचा शुभारंभ करण्यात आला. या सप्ताहादरम्यान जिल्ह्यातील १३ तालुक्यांमध्ये विविध उपक्रम राबवून नागरिकांमध्ये भ्रष्टाचारविरोधी जनजागृती करण्यात आली.   जिल्ह्यातील विविध शासकीय व निमशासकीय कार्यालयांना भेटी देऊन भ्रष्टाचाराचे दुष्परिणाम, प्रामाणिकपणा, पारदर्शकता आणि नागरिकांचे अधिकार याबाबत माहिती देण्यात आली. तसेच बुलढाणा शहरातील बसस्थानक व प्रमुख चौकांमध्ये पथनाट्यांच्या माध्यमातून जनजागृती करण्यात आली.   मराठी चित्रपट व दूरचित्रवाणी क्षेत्रातील कलाकारांच्या सहकार्याने भ्रष्टाचाराविरोधात संदेश देणाऱ्या व्हिडिओ क्लिप तयार करून सोशल मीडिया व डिजिटल माध्यमांद्वारे प्रसारित करण्यात आल्या. न्यू संकल्प अकॅडमी येथे वि...