आंतरराष्ट्रीय महिला दिनानिमित्त जिल्हास्तरीय ‘अस्मिता लीग’ क्रीडा स्पर्धेचे आयोजन

 

बुलढाणा (जिमाका), दि. 5 : आंतरराष्ट्रीय महिला दिनाचे औचित्य साधून युवक कार्यक्रम व क्रीडा मंत्रालय, भारत सरकार यांच्या मार्गदर्शनाखाली नेहरु युवा केंद्र(My Bharat) व जिल्हा क्रीडा कार्यालय, बुलढाणा यांच्या संयुक्त विद्यमाने दि. 8 मार्च 2026 रोजी सकाळी 8 वाजता तालुका क्रीडा संकुल, चिखली येथे जिल्हास्तरीय “अस्मिता लीग” स्पर्धेचे आयोजन करण्यात आले आहे.

ही स्पर्धा 13 वर्षाखालील, 13 ते 18 वयोगट व 18 वर्षावरील मुली व महिलांसाठी आयोजित करण्यात आली असून, 100 मीटर, 200 मीटर व 400 मीटर धावण्याच्या स्पर्धांचा समावेश आहे. स्पर्धेत सहभागी होऊ इच्छिणाऱ्या खेळाडूंनी अस्मिता पोर्टल https://nsrs.kheloindia.gov.in/ या संकेतस्थळावर नोंदणी करणे आवश्यक आहे. अधिक माहितीसाठी खेलो इंडिया प्रशिक्षक अक्षय गोलांडे (मो.9975105222) तसेच जिल्हा युवा समन्वयक  आकाश साळोक (मो. 8379890101) यांच्याशी संपर्क साधावा. जिल्ह्यातील जास्तीत जास्त मुली व महिलांनी या स्पर्धेत सहभागी व्हावे, असे आवाहन जिल्हा युवा अधिकारी  प्रणीत सांगवीकर व जिल्हा क्रीडा अधिकारी  बी. एस. महानकर यांनी केले आहे.

0000