आदिवासी मुलांचे शासकीय वसतिगृह कोलवड येथे प्रवेश प्रक्रिया सुरु

 

आदिवासी मुलांचे शासकीय वसतिगृह कोलवड येथे प्रवेश प्रक्रिया सुरु

बुलढाणा,दि. १ (जिमाका) : एकात्मिक आदिवासी विकास प्रकल्प, अकोला अंतर्गत चालविण्यात येणाऱ्या आदिवासी मुलांचे शासकीय वसतिगृह, कोलवड जि. बुलढाणा येथे शैक्षणिक सत्र २०२५-२६ करीता प्रवेश प्रक्रिया सुरु झाली आहे. बुलढाणा जिल्ह्यातील तसेच आजुबाजूच्या जिल्ह्यांतील पात्र व इच्छुक विद्यार्थ्यांनी ऑनलाईन अर्ज करण्याचे आवाहन गृहपाल एस.एस. चौरपगार यांनी केले आहे.

विद्यार्थ्यांनी २५ जून २०२५ ते १० जुलै २०२५ या कालावधीत https://swayam.mahaonline.gov.in या संकेतस्थळावर ऑनलाईन पद्धतीने अर्ज भरावा. अर्ज भरल्यानंतर आवश्यक कागदपत्रांसह मुदतीत वसतिगृह कार्यालयात प्रत्यक्ष सादर करणे आवश्यक आहे. अर्ज भरतानाच्या सूचनानुसार अर्जात स्वतःचा मोबाईल क्रमांक नोंदवावा. मोबाईल क्रमांक आधार व बँक खात्याशी जोडलेला असावा. नावाची नोंदणी करताना आधारकार्डवरील नावासारखेच तंतोतंत भरावे. अर्जासोबत पालक व विद्यार्थ्यांचे स्वयंघोषणापत्र जोडणे आवश्यक. त्याचा नमुना संकेतस्थळावर उपलब्ध आहे.

अर्जासोबत लागणारी कागदपत्रे :

o       उत्पन्नाचा दाखला

o       जातीचा दाखला

o       आधारकार्ड

o       शेवटच्या वर्षाची गुणपत्रिका

o       बोनाफाईड/प्रवेशाची मूळ पावती

o       बँक पासबुक

o       दोन पासपोर्ट फोटो

विद्यार्थ्यांनी व पालकांनी अर्ज भरताना सर्व माहिती अचूक व स्पष्ट भरावी. कोणतीही चुकीची माहिती भरल्यास प्रवेश अर्ज अमान्य ठरू शकतो.

पात्र अभ्यासक्रम:

कनिष्ठ महाविद्यालय, डिप्लोमा, पदवी / पदविका, व्यावसायिक अभ्यासक्रम

या वसतिगृहात प्रवेश घेतल्यास विद्यार्थ्यांना निवास, भोजन, अभ्यासासाठी योग्य वातावरण यासह विविध शासकीय सुविधांचा लाभ मिळणार आहे.

अधिक माहितीसाठी व अर्ज प्रक्रिया मार्गदर्शनासाठी

आदिवासी मुलांचे शासकीय वसतिगृह, कोलवड, तालुका व जिल्हा बुलढाणा येथे संपर्क साधण्याचे आवाहन करण्यात आले आहे.

00000