जिल्हा परिषद व पंचायत समिती प्रभाग रचनेचा प्रारूप मसुदा प्रसिद्ध ; हरकती 21 जुलैपूर्वी पाठविण्याचे आवाहन

 

जिल्हा परिषद व पंचायत समिती प्रभाग रचनेचा प्रारूप मसुदा प्रसिद्ध ;

हरकती 21 जुलैपूर्वी पाठविण्याचे आवाहन

 

बुलढाणा,दि. 16 (जिमाका) : जिल्हा परिषद व पंचायत समिती सार्वत्रिक निवडणूक 2025 साठी प्रभागाच्या भौगोलिक सीमा निश्चित करण्याचा कार्यक्रम जाहीर करण्यात आला आहे. त्यानुसार निर्वाचक गण रचनेचे प्रारूप प्रसिद्ध करण्यात आले असून तसा आदेश जिल्हाधिकारी डॉ किरण पाटील यांनी निर्गमित केले आहे.

बुलढाणा जिल्हा परिषद निवडणुक विभाग व 13 पंचायत समिती निर्वाचक गणाची प्रारुप प्रभागरचना दि. 14 जुलै 2025 रोजी प्रसिद्ध करण्यात आली असून संबंधीत तहसिल कार्यालय, पंचायत समिती कार्यालय, जिल्हा परिषद पंचायत समिती कार्यालय तसेच जिल्हाधिकारी कार्यालयात पहावयास उपलब्ध आहे. मसुद्याबाबत आक्षेप व हरकती असल्यास जिल्हाधिकारी कार्यालय किंवा संबंधित तहसीलदार यांच्याकडे दि.21 जुलैपूर्वी लेखी सादर करण्याचे आवाहन करण्यात आले आहे.

बुलढाणा जिल्हा परिषदेची 61 निवडणुक विभाग निश्चित करण्यात आले असून तालुकानिहाय निवडणूक विभाग प्रारूपानुसार पुढील प्रमाणे.

जळगांव जामोद तालुक्यात जामोद, खेर्डा बु., आसलगाव, पिंपळगाव काळे असे 4 निवडणूक विभाग आहेत.

संग्रामपूर तालुक्यात सोनाळा, बावणबीर, पळशी झाशी, पातुर्डा बु. असे 4 निवडणूक विभाग.

शेगांव तालुक्यात माटरगांव बु,जलंब असे 2 निवडणूक विभाग.

नांदूरा तालुक्यात निमगांव, वसाडी बु., चांदूरबिस्वा, वडनेर भोलजी असे 4 निवडणूक विभाग.

मलकापूर तालुक्यात नरवेल, मकापूर ग्रामीण,दाताळा असे 3 निवडणूक विभाग.

मोताळा तालुक्यात पिंप्रीगवळी, कोथळी, धामणगाव बढे, रोहिणखेड, बोराखेडी असे 5 निवडणूक विभाग.

खामगांव तालुक्यात सुटाळा बु., घाटपुरी, अटाळी, अंत्रज, पिंपळगाव राजा, कुंबेफळ, लाखनवाडा बु. असे 7 निवडणूक विभाग.

मेहकर तालुक्यात देऊळगांव साकर्शा, डोणगाव, अंजनी बु., जानेफळ, कळंबेश्वर, देऊळगाव माळी, उकळी असे एकूण 7 निवडणूक विभाग.

चिखली तालुक्यात उदयनगर, अमडापुर, इसोली, सवणा, केळवद, मेरा खु., मेरा बु. असे एकूण 7 निवडणूक विभाग.

बुलढाणा तालुक्यात देऊळगाव, सुंदरखेड, साखळी बु., मासरुळ, धाड, रायपूर असे एकूण 6 निवडणूक विभाग.

देऊळगांव राजा तालुक्यात देऊळगांव मही, सिनगांव जहाँगीर, सावखेड भोई असे एकूण 3 निवडणूक विभाग.

सिंदखेड राजा तालुक्यात साखरखेर्डा, शेंदुर्जन, किनगाव राजा, दुसरबीड, वर्दडी बु. असे 5 निवडणूक विभाग.

लोणार तालुक्यात सुलतानपूर, वेणी, बिबी, पांग्रा डोळे असे 4 निवडणूक विभाग आहे.

00000