जिल्ह्यात अतिवृष्टीचा इशारा ; यंत्रणा सतर्क ठेवा केंद्रीय राज्यमंत्री प्रतापराव जाधव यांच्या जिल्हाधिकाऱ्यांना सूचना
जिल्ह्यात
अतिवृष्टीचा इशारा ; यंत्रणा सतर्क ठेवा
केंद्रीय राज्यमंत्री प्रतापराव जाधव यांच्या
जिल्हाधिकाऱ्यांना सूचना
बुलढाणा,दि.18 (जिमाका):- हवामान खात्याने दिलेल्या अंदाजानुसार
अतिवृष्टीचा धोका लक्षात घेता आपत्ती व्यवस्थापन विभागाचे पथक सतर्क ठेवण्याच्या आणि
नदीकाठच्या गावांवर विशेष लक्ष ठेवण्याच्या सूचना केंद्रीय आयुष, आरोग्य व कुटुंब कल्याण
राज्यमंत्री प्रतापराव जाधव यांनी जिल्हाधिकाऱ्यांना दिल्या.
बुलढाणा जिल्ह्यामध्ये गेल्या दोन दिवसापासून पाऊस सुरू आहे. हवामान
खात्याने अतिवृष्टीचा इशाराही दिला असून अतिवृष्टी धोका लक्षात घेता सकाळीच केंद्रीय
आयुष, आरोग्य व कुटुंब कल्याण राज्यमंत्री प्रतापराव जाधव यांनी बुलढाण्याचे जिल्हाधिकारी
डॉ.किरण पाटील यांच्याशी दूरध्वनीवरून संपर्क साधून जिल्ह्यातील पाणी परिस्थितीची माहिती
जाणून घेतली. हवामान खात्याचा इशारा लक्षात घेता परिस्थितीनुसार शाळांना सुट्टी द्यावी
व विद्यार्थी शाळेत आलेले असतील तर त्यांना सुखरूप घरी सोडण्याची व्यवस्था करण्यात
यावी, या संदर्भात संबंधित विभागातील गटविकास अधिकारी व तहसीलदारांना सूचित करावे.
आपत्ती विभागाचे पथक ही अलर्ट मोडवर ठेवावेत, नदीकाठच्या गावाकडे विशेष लक्ष ठेवाण्याच्या
सूचना त्यांनी जिल्हाधिकाऱ्यांना दिल्या.
“अतिवृष्टीच्या
पार्श्वभूमीवर आपत्ती व्यवस्थापन यंत्रणा कार्यान्वित करण्यात आली आहे. सलग दोन दिवसांपासून
जिल्ह्याच्या विविध भागात पावसाची संततधार आहे. धरणातील पाणीसाठा वाढल्यास जवळील गावांना
सतर्कतेचा इशारावजा सूचना दिल्या जात आहेत. हवामान खात्याच्या इशाऱ्यानुसार जिल्हा
प्रशासनाने यंत्रणा सज्ज ठेवल्या आहेत,” अशी माहिती जिल्हाधिकारी डॅा. किरण पाटील
यांनी दिली.
०००
Comments
Post a Comment