विशेष लेख : बुलढाणा जिल्ह्यात २१ ऑगस्टला 'महा वॉकेथॉन-वॉक फॉर वॉटर'चा जागर; जलसंधारणासाठी जनआंदोलनाची हाक

 

विशेष लेख : 

 

बुलढाणा जिल्ह्यात २१ ऑगस्टला 'महा वॉकेथॉन-वॉक फॉर वॉटर'चा जागर;

 जलसंधारणासाठी जनआंदोलनाची हाक

 

शाश्वत विकासाचा पाया भक्कम करण्यासाठी आणि मृद व जलसंधारणाचे महत्त्व जनसामान्यांपर्यंत पोहोचवण्यासाठी बुलढाणा जिल्ह्यासह राज्यभरात २१ ऑगस्ट २०२६ रोजी 'महा वॉकेथॉन-वॉक फॉर वॉटर' या भव्य उपक्रमाचे आयोजन करण्यात आले आहे. 'सेव्ह सॉईल, सेव्ह वॉटर, सिक्युअर टुमारो' (Save Soil, Save Water, Secure Tomorrow) या संकल्पनेवर आधारित असलेल्या या ३ किलोमीटरच्या वॉकेथॉन सोबतच १५ ते २१ ऑगस्ट दरम्यान 'जलसंधारण सप्ताह' आणि २६ जानेवारी २०२७ पर्यंत 'जलसंधारण अभियान' राबविले जाणार आहे. या मोहिमेत 'पाणी अडवा, पाणी जिरवा, जलयुक्त महाराष्ट्र घडवा' हा मुख्य उद्देश असून, यामध्ये शाळकरी विद्यार्थ्यांपासून ते सर्वसामान्य नागरिकांनी उत्स्फूर्तपणे सहभागी व्हावे, असे आवाहन राज्याचे मृद व जलसंधारण मंत्री संजय राठोड यांनी केले आहे.

 

'महा वॉकेथॉन'चे स्वरूप आणि लोकसहभाग

जलसंवर्धनाच्या या चळवळीला व्यापक रूप देण्यासाठी २१ ऑगस्टला बुलढाणा जिल्ह्यातील सर्व तालुक्यांमध्ये कमाल ३ किलोमीटरची पायपीट (Walkathon) आणि जलसंधारणाची शपथ घेतली जाईल. जिल्हास्तरावर जिल्हाधिकारी या आयोजनाचे प्रमुख असतील.

 * सहभागी घटक: प्रशासकीय व निमशासकीय अधिकारी, लोकप्रतिनिधी, विद्यार्थी, स्वयंसेवी संस्था, राष्ट्रीय व आंतरराष्ट्रीय खेळाडू, डॉक्टर, उद्योजक, रोटरी आणि लायन्स क्लबचे सदस्य, एनसीसी, एनएसएस आणि जिल्ह्याचे सर्वसामान्य नागरिक.

 

 * नोंदणी आणि सन्मान : या वॉकेथॉनमध्ये सहभागी होण्यासाठी QR आधारित ऑनलाईन नोंदणी उपलब्ध आहे. सहभागी होणाऱ्या प्रत्येकाला ई-प्रमाणपत्र दिले जाईल, तर जिल्हास्तरावरील प्रथम दहा विजेत्यांना सन्मानचिन्ह देऊन गौरविण्यात येईल.

 

 * डिजिटल सहभाग : सोशल मीडियावर या मोहिमेला गती देण्यासाठी नागरिकांनी #MahaWalkathon, #WalkForWater, आणि #SaveSoilSaveWater या हॅशटॅगचा वापर करण्याचे आवाहन प्रशासनाने केले आहे.

तरुणाईच्या कल्पकतेला साद: राज्यव्यापी 'रील्स' स्पर्धा : १५ ते २१ ऑगस्ट या 'जलसंधारण सप्ताहा'दरम्यान बुलढाणा जिल्ह्यातील १५ ते ३० वयोगटातील तरुण-तरुणींसाठी खास "Reel for Soil and Water Conservation" स्पर्धा आयोजित करण्यात आली आहे.

"एक Reel... मातीसाठी ! एक Reel... पाण्यासाठी ! एक Reel... सुरक्षित भविष्यासाठी !" हा या स्पर्धेचा मुख्य संदेश आहे. स्पर्धकांनी माती संवर्धन, पाणी बचत, पावसाच्या पाण्याचे संकलन, शेततळे, आणि पर्यावरण संरक्षण अशा विषयांवर ३० ते ६० सेकंदांची इन्स्टाग्राम रील बनवायची आहे.

 

स्पर्धेचे नियम आणि बक्षिसे: व्हिडिओच्या सुरुवातीला स्वतःचे नाव, जिल्हा आणि उद्देश सांगणे अनिवार्य आहे. रील स्वतःच्या पब्लिक इन्स्टाग्राम अकाऊंटवर पोस्ट करून मृद व जलसंधारण विभागाच्या अधिकृत पेजला टॅग करावे लागेल आणि #SaveSoilSaveWater हा हॅशटॅग वापरावा लागेल. QR कोड स्कॅन करून लिंक सबमिट केल्यावर सहभाग प्रमाणपत्र मिळेल.

 

 * पारितोषिके: जिल्ह्यात प्रथम क्रमांकासाठी ₹२५,०००, द्वितीयसाठी ₹१५,००० आणि तृतीय क्रमांकासाठी ₹१०,००० तसेच गौरवचिन्ह दिले जाईल. विजेत्यांना 'युवा मृद-जलदूत' म्हणून सन्मानित केले जाईल.

 

रील्स स्पर्धेसाठी गुणांकन पद्धत : विषय व संदेश - ३० गुण, कल्पकता -२५ गुण, प्रभावी सामाजिक संदेश - २० गुण, सादरीकरण व तांत्रिक गुणवत्ता - १५ गुण, Instagram Engagement - १० गुण असे एकूण - १०० गुण असणार आहेत.  केवळ Likes किंवा Followers वर विजेता निश्चित न करता तज्ज्ञ परीक्षण आणि Social Media Engagement या दोन्हींचा समतोल ठेवण्यात येणार आहे. गुणांकानुसार विजेत्याची निवड करण्यात येईल.

 (टीप: केवळ लाईक्सवर अवलंबून न राहता तज्ज्ञ परीक्षण आणि सोशल मीडिया एंगेजमेंट यांचा समतोल राखून विजेते निवडले जातील.)

शाळा आणि महाविद्यालयांमध्ये 'जलसंधारण अभियान' : १५ ऑगस्ट २०२६ ते २६ जानेवारी २०२७ या प्रदीर्घ कालावधीत जिल्ह्यातील शाळा व महाविद्यालयांमध्ये जलसाक्षरता रुजवण्यासाठी विविध उपक्रम राबविले जाणार आहेत.

अधिक माहितीसाठी मृद व जलसंधारण विभागाच्या अधिकृत सोशल मीडिया खात्यांना भेट द्या:

 * Instagram: https://www.instagram.com/mahawalkathon2026/

 * Facebook: https://www.facebook.com/mahawalkathon2026/

 * X (Twitter): https://x.com/MahaWalkathon26

जिल्हा माहिती कार्यालय,

बुलढाणा

000000