जिल्हा माहिती कार्यालय, बुलडाणा

               बुलढाणा, दि. 29 (जिमाका) : शहराच्या विकासाला नवी दिशा देत, नागरिकांच्या आरोग्य संवर्धनावर भर देण्यासाठी खामगाव शहरात लवकरच ओपन जीम आणि आकर्षक जॉगिंग पार्क उभारण्यात येणार आहेत. कामगार मंत्री आकाश फुंडकर यांनी राष्ट्रीय क्रीडा दिनाच्या पार्श्वभूमीवर या महत्वपूर्ण उपक्रमासाठी पुढाकार घेतला आहे. हे   ओपन जिम खामगाव शहराचे सौंदर्य वाढवण्यासोबतच नागरिकांना निरोगी जीवनशैलीसाठी आवश्यक सुविधा उपलब्ध करून देतील. शहराला सुव्यवस्थित बनवण्याच्या दृष्टीनेही हा एक महत्त्वाचा टप्पा ठरणार आहे. या उपक्रमासंदर्भात नामदार फुंडकर यांनी तालुका क्रीडा अधिकारी लक्ष्मीशंकर यादव आणि नगर परिषद प्रशासक तथा मुख्याधिकारी डॉ. प्रशांत शेळके यांना आवश्यक निर्देश दिले आहेत. त्यांनी या प्रकल्पांसाठी तातडीने नियोजन सुरू करण्याचे आदेश दिले आहेत. शासकीय व खाजगी संस्थांचा सहभाग:   या प्रकल्पांची अंमलबजावणी तालुका क्रीडा संकुल समितीच्या सहकार्याने केली जाईल. विशेष म्हणजे, यासाठी केवळ शासकीय निधीवर अवलंबून न राहता, विविध सरकारी कार्यालये...

  बुलढाणा, दि. 29 (जिमाका) : महाराष्ट्र राज्य परीक्षा परिषद, पुणे यांच्या वतीने दि. 10 नोव्हेंबर 2024 रोजी महाराष्ट्र शिक्षक पात्रता परीक्षा (TET) घेण्यात आली होती. या परीक्षेचा अंतिम निकाल दिनांक 14 फेब्रुवारी 2025 रोजी परिषदेकडून ऑनलाईन पद्धतीने जाहीर करण्यात आला होता. सदर परीक्षेत पात्र उमेदवारांची पात्रता प्रमाणपत्रे परीक्षा परिषदेकडून जिल्हा शिक्षणाधिकारी(प्राथमिक) कार्यालयास प्राप्त झाली असून, त्यांचे वितरण दि. 1 ते 9 सप्टेंबर 2025 या कालावधीत कार्यालयीन वेळेत होणार आहे. उमेदवारांनी प्रमाणपत्र प्राप्त करण्यासाठी स्वतः उपस्थित राहावे, असे आवाहन शिक्षणाधिकारी(प्राथमिक) विकास पाटील यांनी केले आहे. बुलढाणा जिल्ह्यात शिक्षक पात्रता परीक्षा 11 केंद्रांवर घेण्यात आली होती. प्रमाणपत्र प्राप्त करताना उमेदवारांनी स्वतः हजर राहणे आवश्यक असून, त्यांना परीक्षा प्रवेशपत्र, गुणपत्रिका, डी.टी.एड/बी.एड उत्तीर्ण गुणपत्रक, आरक्षण प्रवर्गाचे जात प्रमाणपत्र, दिव्यांगत्वाचे प्रमाणपत्र, माजी सैनिकांचा पुरावा (लागू असल्यास) तसेच आधार/पॅन/मतदार ओळखपत्र इत्यादी ओळखपत्रे सोबत आणणे बंधनकारक आहे. सदर...

    बुलढाणा, दि. 29 (जिमाका) :   दर महिन्याच्या पहिल्या सोमवारी लोकशाही दिन आयोजित करण्यात येतो. त्यानुसार सप्टेंबर महिन्याचा लोकशाही दिन मंगळवार, दि. 2 सप्टेंबर 2025 रोजी दुपारी 1 वाजता जिल्हाधिकारी यांच्या कार्यालयात घेण्यात येणार आहे.             लोकशाही दिनासाठी तक्रारदारांनी उपस्थित राहावे, उपस्थित राहणे शक्य नसल्यास तक्रारी रजिस्टर पोस्टाने लोकशाही दिनाआधी जिल्हाधिकारी कार्यालयात पोहोचतील अशाप्रकारे पाठवावेत, असे प्र. निवासी उपजिल्हाधिकारी सदाशिव शेलार यांनी कळविले आहे. 00000

  बुलडाणा, दि. 29 (जिमाका) : आगामी गणेशोत्सव काळात मंडळे व नागरिकांनी प्रसाद, भंडारा व अन्नपदार्थांच्या सुरक्षिततेसाठी अन्न व औषध प्रशासनाने महत्त्वाच्या सूचना दिल्या आहेत. गणेश मंडळांनी Fssai.gov.in या संकेतस्थळावरील फोसकॉस (Foscos) पोर्टलवर नोंदणी करून प्रमाणपत्र प्राप्त करणे आवश्यक आहे. गणेशोत्सव काळात नागरिकांचे आरोग्य सुरक्षित राहावे, यासाठी या सर्व सूचनांचे काटेकोर पालन करणे आवश्यक असल्याचे आवाहन अन्न व औषध प्रशासनाने केले आहे. मार्गदर्शक सूचना याप्रमाणे : प्रसाद व अन्नपदार्थ स्वच्छ पाण्याने, स्वच्छ भांड्यांत आणि स्वच्छ हाताने तयार करावेत, शिळे होणारे पदार्थ मोठ्या प्रमाणावर बनवून साठवू नयेत, प्रसाद स्वच्छ व कोरड्या स्वरूपात तयार करावा. कच्चा माल व घटकद्रव्ये : तुप, तेल, दूध, खोबरे, पीठ इत्यादी पदार्थ नेहमी ताजे व प्रमाणित दर्जाचे असावेत, कच्चा माल केवळ FSSAI परवाना असलेल्या दुकानदारांकडूनच खरेदी करावा, खरेदीची बिले मागवून जतन करावीत, पॅकबंद वस्तूंवर FSSAI क्रमांक, उत्पादन तारीख व कालबाह्यता तारीख तपासावी, एकाच तेलात वारंवार तळणे टाळावे, भंडारा अथवा प्रसादासाठी ताजी फळे...

  बुलढाणा,दि.29 (जिमाका): शैक्षणिक वर्ष 2025-26 मध्ये शासकीय वसतीगृहापासून वंचित असलेल्या इतर मागास वर्ग, विमुक्त जाती, भटक्या जमाती व विशेष मागास प्रवर्गातील विद्यार्थ्यांना ज्ञानज्योती सावित्रीबाई फुले आधार योजना व पंडीत दिनदयाल उपाध्याय स्वयंम योजनांचा लाभ घेण्यासाठी अर्ज मागविण्यात आले आहे. इच्छुक विद्यार्थ्यांनी 18 सप्टेंबर 2025 पर्यंत ऑनलाईन अर्ज करावा, असे आवाहन  इतर मागास बहुजन कल्याण विभागाचे सहाय्यक संचालक मनोज मेरत यांनी केले आहे. अर्जाची प्रक्रिया व निवड याद्या http://hmas.mahait.org या संकेतस्थळावर ऑनलाईन पद्धतीने पार पडणार असून शासन निर्णयातील अटी व शर्ती लागू राहणार आहेत. इच्छुक विद्यार्थ्यांनी आपला अर्ज आवश्यक कागदपत्रांसह सहाय्यक संचालक, इतर मागास बहुजन कल्याण जिल्हा कार्यालय, बुलढाणा येथे सादर करावा. पात्रता :  इयत्ता १२ वी नंतर उच्च शिक्षणासाठी व्यावसायिक अभ्यासक्रमात प्रवेश घेतलेले विद्यार्थी,  शासकीय वसतिगृहात प्रवेश न मिळाल्याचे प्रमाणपत्र,  इतर मागास वर्ग, विमुक्त जाती-भटक्या जमाती, विशेष मागास प्रवर्ग व धनगर समाजातील विद्यार्थी पात्...

    बुलढाणा, दि.28 (जिमाका.) : पर्यटन व सांस्कृतिक कार्य विभागाच्या शासन निर्णय दि. 20 जून 2025 अन्वये यावर्षी उत्कृष्ट गणेशोत्सव मंडळांना पुरस्कार देण्याचा निर्णय घेण्यात आला आहे. त्यासंदर्भात जिल्हास्तरीय समितीची नेमणूक करण्यात आली होती. मात्र, ते आदेश रद्द करून आता नवीन समिती गठित करण्यात आली आहे. नवीन समितीचे अध्यक्ष निवासी उपजिल्हाधिकारी सदाशिव शेलार हे असतील. या समितीमध्ये सदस्य म्हणून पोलिस उप अधिक्षक बाळकृष्ण पावरा, जिल्हा आरोग्य अधिकारी अमोल गीते, जिजामाता महाविद्यालयाचे प्राचार्य डॉ. सुरेश गवई, जिल्हा माहिती अधिकारी पवन राठोड,  जिजामाता महाविद्यालयाचे संगीत शिक्षक प्रा. गजानन लोहाटे, शिल्पकला विभागाचे डॉ. विकास पहुरकर यांचा समावेश करण्यात आला आहे. तर  जिल्हा नियोजन अधिकारी राहुल पवार हे या समितीचे सदस्य सचिव राहणार आहेत. समितीची कार्ये : जिल्ह्यातील सर्व तालुक्यांमधून प्राप्त झालेले परीक्षण अहवाल, छायाचित्रे, चलचित्र व कागदपत्रांच्या आधारे शासन निर्णय दि. 20 ऑगस्ट 2025 च्या मार्गदर्शक सूचनांनुसार गुणांकन करणे व प्रथम, द्वितीय व तृतीय क्रमांकाच्या मंड...

  बुलढाणा, दि. 28 (जिमाका): ग्रामीण भागातील नागरिकांमध्ये आर्थिक साक्षरता वाढविण्यासाठी सेंट्रल बँक ऑफ इंडियाच्या वतीने वेदिका लॉन, मेहकर येथे ग्रामपंचायत स्तर आर्थिक समावेशन कार्यक्रमाचे आयोजन करण्यात आले. या कार्यक्रमात रिझर्व्ह बँक ऑफ इंडिया (आरबीआय), सेंट्रल बँक ऑफ इंडिया, स्टेट बँक ऑफ इंडिया तसेच विविध वित्तीय संस्थांचे वरिष्ठ अधिकारी, स्थानिक प्रशासन व ग्रामस्थ मोठ्या संख्येने उपस्थित होते. यावेळी तज्ज्ञांव्दारे रि-केवायसी, विमा व शासनाच्या विविध योजनावर मार्गदर्शन करण्यात आले. कार्यक्रमाचे अध्यक्षस्थान आरबीआय नागपूर उप महाव्यवस्थापक अंजना शामनाथ यांनी भूषविले. तर सेंट्रल बँक ऑफ इंडिया, पुणेचे अंचालिक प्रबंधक अजय कुमार सिंग प्रमुख पाहुणे म्हणून उपस्थित होते. यावेळी सेंट्रल बँक ऑफ इंडिया अकोला क्षेत्रीय प्रमुख पंकज कुमार, स्टेट बँक ऑफ इंडिया, बुलढाणा क्षेत्रीय प्रमुख नीरज कुमार, आयसीआयसीआय बँक अंचालिक प्रबंधक विवेक बल्की, उपविभागीय अधिकारी रवींद्र जोगी, जिल्हा उद्योग केंद्र महाव्यवस्थापक प्रमोद लांडे, नाबार्ड रोहित गडे, अग्रणी जिल्हा प्रबंधक कौशलेन्द्र कुमार सिंग आदी ...

  बुलढाणा, दि. 28 (जिमाका): हंगाम 2025-26 मध्ये केंद्र शासनाने निश्चित केलेल्या आधारभूत दरानुसार राज्यात नाफेड व NCCF च्या वतीने पणन महासंघामार्फत कडधान्य व तेलबिया पिकांची खरेदी करण्यात येणार आहे. खरेदीसाठी शेतकऱ्यांना ई-पिक पाहणी नोंद असलेला 7/12 उतारा आवश्यक राहणार आहे. कडधान्य व तेलबिया पिकांमध्ये मुंग, उडिद, सोयाबीन व तुर या पिकांचा समावेश असून संपूर्ण खरेदी प्रक्रिया पारदर्शक, कार्यक्षम व पूर्णपणे ऑनलाईन प्रणालीद्वारे राबविण्यात येणार असल्याची माहिती जिल्हा पणन अधिकारी एम. जी. काकडे यांनी दिली. केंद्र शासनाच्या आधारभूत किंमत खरेदी योजनेचा लाभ घेण्यासाठी महाराष्ट्रातील सर्व शेतकऱ्यांनी शासनाने दिलेल्या कालावधीत आपल्या पिकांची ई-पिक पाहणी पूर्ण करावी. अन्यथा शेतकऱ्यांना खरेदी योजनेत सामील होता येणार नाही, असेही त्यांनी सांगितले. 00000

  बुलढाणा, दि. 28 (जिमाका) : केंद्र शासन पुरस्कृत प्रधानमंत्री किसान सन्मान निधी योजनेचा लाभ मिळणाऱ्या शेतकऱ्यांपैकी 2 हजार 779 शेतकऱ्यांची ई केवायसी आणि 4 हजार 253 शेतकऱ्यांचे आधार सीडिंग प्रलंबित आहे. शेतकऱ्यांनी प्रलंबित ई केवायसी, आधार सीडिंग व बँक खात्याला डिबीटी इनेबल करणे किंवा इंडिया पोस्ट पेमेंट बँक मध्ये खाते उघडून त्या खात्याला आधार संलग्न करून डिबीटी इनेबल करण्याचे आवाहन जिल्हा अधिक्षक कृषि अधिकारी कार्यालयाचे तंत्र अधिकारी समृद्धी वांगसकर यांनी केले आहे. प्रधानमंत्री किसान सन्मान निधी योजनेसाठी केंद्र आणि शासनाकडून वार्षिक प्रत्येकी सहा हजार आणि नमो शेतकरी महासन्मान निधी योजनेमार्फत वार्षिक प्रत्येकी सहा हजार रुपये शेतकरी कुटुंबांना दिले जात आहेत. त्यासाठी ई-केवायसी आणि आधार सीडींग करणे अत्यावश्यक आहे, नसल्यास शेतकरी लाभापासून वंचित राहतील. त्यासाठी शेतकऱ्यांनी संबंधित तालुका कृषि कार्यालय व तालुक्यातील कृषी सहाय्यक किंवा गाव नोडल अधिकारी यांच्याशी संपर्क साधावा म्हणजे लाभापासून कोणीही वंचित राहणार नाही, असे आवाहन जिल्हा अधिक्षक कृषि अधिकारी मनोजकुमार ढगे यांनी केल...

  बुलडाणा दि. 28 (जिमाका): आगामी श्री गणेशोत्सव कालावधीत गुलालांचा वापर मोठ्या प्रमाणात केला जातो. रासायनिक गुलालाचा वापर केल्याने पर्यावरण व मानवी आरोग्यास धोका निर्माण होण्याची शक्यता आहे. त्यामुळे बुलडाणा जिल्ह्यात रासायनिक गुलालाचे उत्पादन, विक्री, साठवणूक व वापर करण्यास बंदी करण्याचे आदेश जिल्हाधिकारी डॉ. किरण पाटील यांनी निर्गमित केले आहे. गणेशोत्सवात मोठ्या प्रमाणात वापरल्या जाणाऱ्या रासायनिक गुलालामुळे पर्यावरण व मानवी आरोग्यावर गंभीर परिणाम होत असल्याचे निदर्शनास आले आहे. गुलालामध्ये लेड ऑक्साईड, कॉपर सल्फेट, क्रोमियम आयोडाईड, अॅल्युमिनियम ब्रोमाईट यांसारखी घातक रसायने वापरली जातात. यामुळे डोळ्यांना अॅलर्जी, किडनीचे आजार, अस्थायी अंधत्व, ब्रॉन्कीअल अस्थमा, कॅन्सर यांसारखे आजार होण्याचा धोका असून माती, पाणी व हवेत प्रदूषण वाढण्याची शक्यता नाकारता येत नाही. या पार्श्वभूमीवर गणेशोत्सव शांततेत, कायदा व सुव्यवस्था अबाधित राखून तसेच पर्यावरणपूरक पद्धतीने साजरा व्हावा यासाठी रासायनिक गुलालांची विक्री, साठवणुक व वापर करणाऱ्यांवर पर्यावरण (संरक्षण) अधिनियम 1986 नुसार आदेश जारी ...

  इतर मागासवर्गीय वित्त व विकास महामंडळाच्या लघु उद्योग व्यवसाय व शिक्षण कर्ज पुरवठा योजनांचा लाभ घ्या !   Ø   इच्छूकांनी अर्ज करण्याचे आवाहन Ø   1 ते   50 लाखांपर्यंत कर्ज मिळणार   बुलढाणा, दि. 26 (जिमाका): महाराष्ट्र राज्य इतर मागासवर्गीय वित्त आणि विकास महामंडळ मर्या., जिल्हा कार्यालय बुलढाणा अंतर्गत मुख्य कंपनी व 13 उपकंपन्यांमार्फत लघुउद्योग व्यवसाय तसेच शिक्षणाकरिता कर्ज पुरवठा करण्यात येतो. सन 2025-26 या वित्तीय वर्षाकरिता महामंडळाच्या विविध योजनांचे उद्दिष्ट प्राप्त झाले असून पात्र इच्छूकांनी अर्ज करावा, असे आवाहन जिल्हा व्यवस्थापक एस. एम. राठोड यांनी केले आहे. महामंडळाच्या प्रमुख योजना :- थेट कर्ज योजना – मर्यादा रु. 1.00 लाख, 20 टक्के बीज भांडवल योजना – मर्यादा रु. 5.00 लाख, वैयक्तिक कर्ज व्याज परतावा योजना – मर्यादा रु. 15.00 लाख, शैक्षणिक कर्ज व्याज परतावा योजना – मर्यादा रु. 20 लाख, गट कर्ज व्याज परतावा योजना – मर्यादा रु. 50 लाख, महिला स्वयंशिद्धी व्याज परतावा प्रमुख योजना आहेत. अधिक माहितीसाठी व अर्जासाठ...

  ओबीसी महामंडळाच्या थकबाकीदारांसाठी एक रकमी परतावा योजना थकीत व्याजावर 50 टक्के सवलत, 31 मार्च 2026 पर्यंत संधी बुलढाणा, दि. 26 (जिमाका): महाराष्ट्र राज्य इतर मागासवर्गीय वित्त आणि विकास महामंडळ मर्या., मुंबई तर्फे थकीत कर्जदार लाभार्थ्यांसाठी "एक रकमी परतावा योजना" लागू करण्यात आली आहे. या योजनेअंतर्गत संपूर्ण थकीत कर्जाची रक्कम एकरकमी भरणा करणाऱ्या लाभार्थ्यांना थकीत व्याज रक्कमेवर तब्बल 50 टक्के सवलत मिळणार आहे. ही योजना 31 मार्च 2026 पर्यंत लागू राहणार आहे. बुलढाणा जिल्ह्यातील इतर मागास प्रवर्गातील नागरिकांना महामंडळामार्फत स्वयंरोजगाराकरिता अल्प व्याजदराने   कर्ज वितरित जिल्हा कार्यालयाकडून वाटप झालेल्या थकीत लाभार्थ्याना थकीत व्याज रक्कमेवर तब्बल 50 टक्के सवलत देण्यात येणार असून या एकरकमी परतावा योजनेचा लाभ घेण्याचे आवाहन करण्यात आले आहे. लाभार्थ्यांनी थकीत मुद्दल व व्याज रक्क्मेचा भरणा करण्यासाठी महामंडळाचे जिल्हा कार्यालय, डॉ. बाबासाहेब आंबेडकर सामाजिक न्याय भवन, चिखली रोड, बुलढाणा येथे लाभार्थ्यांनी संपर्क साधावा. तसेच अधिक माहितीसाठी दूरध्वनी क्रमांक 07262-...

  कौशल्य रोजगार उद्योजकता व नाविन्यता विभागाअंतर्गत इस्त्राईल येथे घरगुती सहाय्यक पदासाठी रोजगाराची संधी बुलढाणा, दि. 26 (जिमाका): महाराष्ट्र शासनाच्या कौशल्य, रोजगार, उद्योजकता व नाविन्यता विभागामार्फत जिल्ह्यातील पुरुष व स्त्री उमेदवारांना, इस्त्राईल येथे घरगुती सहायक या कामासाठी रोजगाराची संधी उपलब्ध करुन देण्यात येत आहे. इच्छुकांनी या सुवर्णसंधीचा लाभ घ्यावा, असे आवाहन जिल्हा कौशल्य विकास, रोजगार व उद्योजकता मार्गदर्शन केंद्र बुलडाणा चे सहायक आयुक्त श्री ग. प्र. बिटोडे यांनी प्रसिध्दी पत्रकाव्दारे केले आहे. इंग्रजी भाषेचे सामान्य ज्ञान असणाऱ्या 25 ते 45 वयोगटाचे उमेदवार या संधीचा लान घेण्यास पात्र आहेत. सोबतच उमेदवारांकडे "घरगुती सहायक" सेवांसाठी निपुण/पारंगत, भारतीय सक्षम प्राधिकरणाव्दारे प्रदान केलेल्या मिडवायफरीमधील प्रशिक्षण, संबंधित भारतीय अधिकाऱ्यांच्या देखरेखीखाली किंवा नर्सिंग, फिजिओथेरपी, नर्स असिस्टंट मधील प्रशिक्षण पूर्ण असणे आवश्यक, तसेच जीडीए/एएनएम जीएनएम / बीएससी नर्सिंग/पोस्ट बीएससी नर्सिंगची शैक्षणिक पात्रता असणे आवश्यक आहे. नोकरीचे वर्णन व तपशील पुढ...

  गणेशोत्सव उत्साहात साजरा करा पण, नियम जाणून घ्या ;   काय करावे आणि काय करू नये? Ø   लेखी परवानगी आवश्यक   बुलढाणा, दि. 26 (जिमाका) : दरवर्षी प्रमाणे यावर्षी दि. 27 ऑगस्ट ते 6 सप्टेंबर या कालावधीत गणेशोत्सव साजरा होत आहे. बुलढाणा जिल्ह्यातील सर्व शहरात, गावात, खेड्यात सार्वजनिक रस्त्यावर अगर रस्त्याच्या आसपास सार्वजनिक शांतता भंग न होण्याच्या हेतुने गणेशोत्सवानिमित्त होणारे मेळावे, दिंडी अगर मिरवणूकीत भाग घेणाऱ्या लोकांचे नियमनाकरीता मुंबई पोलीस कायदा 1951 चे कलम 33,37 व 40 प्रमाणे निर्बंध घालण्यात आले आहेत, याबाबतचा जाहीरनामा जिल्हाधिकारी डॉ किरण पाटील यांनी   जारी केला आहे. जिल्ह्यात दि. 27 ऑगस्ट ते 6 सप्टेंबर या कालावधीत (दोन्ही दिवस धरुन) कोणासही श्री गणपती स्थापने प्रित्यर्थ अगर विर्सजना प्रित्पर्य मेळावे किंवा पालख्या किंवा वाद्यांसहीत मिरवणूक काढावयाची झाल्यास, अगर नाचगाणे किंवा कुस्त्यांचे सामने करावयाचे असल्यास त्या व्यक्तीने संबंधित पोलीस ठाण्याच्या अधिकाऱ्याकडुन लेखी परवानगी घेणे आवश्यक राहणार आहे. अशी लेखी परवानगी घेतल्याशिवाय गणेशोत्सव का...

  उत्कृष्ट सार्वजनिक गणेशोत्सव मंडळ स्पर्धेसाठी अर्ज करण्यास 26 ऑगस्टपर्यंत मुदतवाढ   सांस्कृतिक कार्यमंत्री अॅड. आशिष शेलार यांची घोषणा बुलढाणा, दि. 25 (जिमाका): राज्य शासनाच्यावतीने या वर्षीपासून महाराष्ट्रातील गणेशोत्सव हा ‘महाराष्ट्राचा राज्य उत्सव’ म्हणून साजरा करण्यात येत आहे. या राज्य उत्सवाअंतर्गत आयोजित करण्यात आलेल्या ‘महाराष्ट्र राज्य उत्कृष्ट सार्वजनिक गणेशोत्सव मंडळ स्पर्धा 2025’ साठी अर्ज सादर करण्याच्या अंतिम तारखेस मुदतवाढ देण्यात आली आहे. राज्याचे सांस्कृतिक कार्यमंत्री अॅड. आशिष शेलार यांनी या संदर्भात घोषणा करताना सांगितले की, आता अर्ज सादर करण्याची अंतिम तारीख मंगळवार, दि. 26 ऑगस्ट 2025 असेल. अधिकाधिक मंडळांना या स्पर्धेत सहभागी होता यावे, यासाठी मुदतवाढ दिल्याचे त्यांनी स्पष्ट केले. या स्पर्धेचे अर्ज राज्य शासनाच्या अधिकृत https://ganeshotsav.pldmka.co.in या ऑनलाइन पोर्टलवर उपलब्ध आहेत. मंडळांनी ऑनलाइन पद्धतीनेच अर्ज सादर करावेत. या स्पर्धेत तालुकास्तरीय, जिल्हास्तरीय आणि राज्यस्तरीय पारितोषिके देण्यात येणार असून, गणेशोत्सव मंडळांनी या संधीचा...

  उत्कृष्ट सार्वजनिक ग्रंथालय आणि ग्रंथमित्र पुरस्कारासाठी 30 सप्टेंबरपर्यंत अर्ज करावे - प्र. संचालक अशोक गाडेकर यांचे आवाहन बुलढाणा, दि. 25 (जिमाका): राज्यातील शासनमान्य सार्वजनिक ग्रंथालयांचा गुणात्मक विकास, वाचकांसाठी चांगल्या सेवा व वाचन संस्कृतीला प्रोत्साहन देण्यासाठी उच्च व तंत्र शिक्षण विभागांतर्गत ग्रंथालय संचालनालयामार्फत दरवर्षी “ डॉ. बाबासाहेब आंबेडकर उत्कृष्ट सार्वजनिक ग्रंथालय पुरस्कार ” तसेच उत्कृष्ट ग्रंथालय कार्यकर्ता व सेवक (ग्रंथमित्र) यांना “ डॉ. एस. आर. रंगनाथन उत्कृष्ट ग्रंथालय कार्यकर्ता व सेवक (ग्रंथमित्र) पुरस्कार ” देण्यात येतात. या पुरस्कारांतर्गत शहरी व ग्रामीण भागातील अ, ब, क व ड वर्गातील उत्कृष्ट सार्वजनिक ग्रंथालयांना अनुक्रमे एक लाख रुपये, 75 हजार रुपये, 50 हजार रुपये व 25 हजार रुपये इतकी रोख रक्कम, सन्मानचिन्ह, प्रमाणपत्र व ग्रंथभेट देऊन गौरविण्यात येणार आहे. याशिवाय, राज्यातील एक उत्कृष्ट ग्रंथालय कार्यकर्ता व एक उत्कृष्ट ग्रंथालय सेवक (ग्रंथमित्र) यांना प्रत्येकी 50 हजार रुपये तसेच प्रत्येक महसुली विभागातील प्रत्येकी एक कार्यकर्ता ...

  जिल्हा माहिती कार्यालयात भगवान श्री चक्रधर स्वामी यांना जयंतीनिमित्त अभिवादन बुलढाणा, दि. 25 (जिमाका): जिल्हा माहिती कार्यालयात सोमवारी भगवान श्री चक्रधर स्वामी यांची जयंती साजरी करण्यात आली. त्यांच्या जयंतीनिमित्त जिल्हा माहिती अधिकारी पवन राठोड यांच्या हस्ते पुष्पहार अर्पण करून अभिवादन करण्यात आले. यावेळी जिल्हा माहिती कार्यालयातील वरिष्ठ लिपीक जयंत वानखेडे, वरिष्ठ लिपीक प्रेमनाथ जाधव, शिपाई राम पाटील, राजू घाडगे, वाहनचालक नामदेव घट्टे, पत्रकार रविंद्र फोलाने आदी उपस्थित होते. ०००

  जिल्हाधिकारी कार्यालयात भगवान श्री चक्रधर स्वामी यांची जयंती साजरी बुलढाणा, दि. 25 (जिमाका): भगवान श्री चक्रधर स्वामी यांची जयंती आज जिल्हाधिकारी कार्यालयात साजरी करण्यात आली. त्यांच्या जयंतीनिमित्त जिल्हाधिकारी डॅा. किरण पाटील यांच्या हस्ते पुष्पहार अर्पण करून अभिवादन करण्यात आले.   यावेळी अप्पर जिल्हाधिकारी सुधीर खांदे, निवासी उपजिल्हाधिकारी सदाशिव शेलार, उपजिल्हाधिकारी राजेंद्र पोळ, सुहासिनी गोणेवार, समाधान गायकवाड, जयश्री ठाकरे, तहसीलदार विजय सवडे, वृषाली केसकर व अधिकारी-कर्मचारी उपस्थित होते ०००

  बहु-उत्पादन उच्च मूल्य क्लस्टर व पेरि-अर्बन भाजीपाला क्लस्टर स्थापनेसाठी इच्छुक संस्थांकडून प्रस्ताव मागविले बुलढाणा, दि. 22 (जिमाका):   केंद्र शासनाच्या कृषी व शेतकरी कल्याण मंत्रालयामार्फत राष्ट्रीय बागायती मंडळाच्या मार्गदर्शनाखाली बहु-उत्पादन उच्च मूल्य क्लस्टर (Multi-commodity high value clusters) तसेच पेरि-अर्बन भाजीपाला क्लस्टर (Peri-urban Vegetable clusters) स्थापनेसाठी इच्छुक संस्थांकडून अभिरुची दर्शविण्याकरिता प्रस्ताव (EOI) मागविण्यात आले आहेत. या योजनेद्वारे शेतकरी उत्पादक कंपन्या (FPOs/FPCs) आणि शेतकरी गटांच्या माध्यमातून उत्पादन, प्रक्रिया, साठवण, मूल्यवर्धन, विपणन यासोबतच तंत्रज्ञानाचा वापर करून कृषी उत्पादनक्षमता वाढविण्यावर भर दिला जाणार आहे. बहु-उत्पादन उच्च मूल्य क्लस्टर : आंबा, डाळिंब, द्राक्ष, केळी, लिंबूवर्गीय फळे, टोमॅटो, कांदा, बटाटा, भाजीपाला, फुलशेती, मसाले पिके इत्यादींवर भर. शेतकरी गटांना प्रक्रिया, साठवण, कोल्ड स्टोरेज, ट्रान्सपोर्ट, निर्यात सुविधा उपलब्ध होणार.  प्रस्तावित प्रकल्पासाठी किमान वार्षिक Farm Gate Value 200 कोटी रुपये अस...

  जिल्हा परिषद व पंचायत समित्या सार्वत्रिक निवडणुक; अंतिम प्रभाग रचना जाहीर   बुलडाणा, दि. २२ ऑगस्ट : महाराष्ट्र जिल्हा परिषद व पंचायत समित्या अधिनियम १९६१ नुसार बुलडाणा जिल्हा परिषद तसेच त्याअंतर्गत येणाऱ्या १३ पंचायत समित्यांच्या सार्वत्रिक निवडणुक -२०२५ अनुषंगाने प्रभागाच्या भौगोलिक सीमा निश्चित करण्यात आल्या आहेत. सदर अंतिम प्रभाग रचना परिशिष्ट ८ (अ) व परिशिष्ट ८ (ब) या स्वरूपात तयार करण्यात आलेली असून ती आज दिनांक २२ ऑगस्ट २०२५ रोजी सर्व पंचायत समिती व तहसिल कार्यालयांचे सूचना फलक तसेच जिल्हाधिकारी कार्यालय व जिल्हा परिषद कार्यालयाच्या सूचना फलकावर प्रसिध्द करण्यात आले आहे, अशी माहिती जिल्ल्हाधिकारी डॉ. किरण पाटील यांनी दिली आहे. या अंतिम प्रभाग रचनेच्या प्रकाशनामुळे जिल्हा परिषद व पंचायत समित्यांच्या सार्वत्रिक निवडणुकीसंदर्भातील प्रक्रिया पुढे वेगाने गतीमान होणार असून, निवडणुकीसाठी इच्छुक उमेदवार व मतदारांना प्रभाग रचनेबाबत सुस्पष्ट माहिती मिळणार आहे. 00000

  धार्मिक सण, जयंती उत्सव परवानगीसाठी ऑनलाईन अर्ज करण्याचे आवाहन बुलढाणा, दि. 22 (जिमाका): गणेशउत्सव, दुर्गाउत्सव, विविध जयंती उत्सव तसेच इतर धार्मिक व सांस्कृतिक उत्सव साजरे करण्यासाठी महाराष्ट्र सार्वजनिक विशस्त व्यवस्था अधिनियम 1950 च्या कलम 41-क अन्वये परवानगी घेणे बंधनकारक आहे. यासाठी सर्व मंडळांनी परवानगी अर्ज ऑनलाईन पध्दतीने सादर करावे, असे आवाहन सहायक धर्मदाय आयुक्त दु.के. साहू यांनी केले आहे. परवानगी अर्ज धर्मादाय आयुक्त, मुंबई यांच्या www.charity.maharashtra.gov.in अधिकृत संकेतस्थळावर ‘माहिती प्रणाली’ या सदराखाली 41-क परवानगी या शिर्षकात उपलब्ध आहे. अर्ज करण्याची सविस्तर पद्धत तसेच आवश्यक कागदपत्रांची माहिती या ठिकाणी देण्यात आली आहे. ऑनलाईन अर्जासाठी आवश्यक कागदपत्रे :  मंडळाच्या ठरावाची प्रत,   जागा मालकाचे ना-हरकत पत्र, तसेच पत्त्याच्या पुराव्यासाठी लाईट बिल व आधारकार्डची प्रत(संबंधित ग्रामपंचायत/नगरपरिषद परवानगीसह),  पदाधिकाऱ्यांचे ओळखपत्र (आधारकार्ड, पॅनकार्ड, निवडणूक आयोग ओळखपत्र इ.) प्रथम वर्ष असल्यास  मागील वर्षाचा हिशोब,  मागील...

  बाल हक्क संरक्षण विषयक दोन दिवसीय प्रशिक्षण कार्यशाळा संपन्न बुलढाणा,दि.21 (जिमाका): बाल हक्क संरक्षण विषयक दोन दिवसीय प्रशिक्षण कार्यशाळा श्री शिवाजी हायस्कूल, बुलढाणा येथे दि. 19 व 20 ऑगस्ट 2025 रोजी आयोजित करण्यात आली. यावेळी पोक्सो अॅक्ट 2012, कामाच्या ठिकाणी लैंगिक अत्याचार प्रतिबंध कायदा 2013, बाल विवाह प्रतिबंध अधिनियम 2006, ग्राम बाल संरक्षण समितीची भूमिका, बाल न्याय (मुलांची काळजी व संरक्षण) अधिनियम 2015 यांसारख्या विविध विषयांवर तज्ज्ञांनी मार्गदर्शन केले. महिला व बाल विकास विभाग, जिल्हा महिला व बाल विकास अधिकारी कार्यालय, जिल्हा बाल संरक्षण कक्ष बुलढाणा, शिक्षण विभाग तसेच जिल्हा महिला आर्थिक विकास महामंडळ बुलढाणा यांच्या संयुक्त विद्यमाने कार्यशाळा घेण्यात आली.   या कार्यशाळेत जिल्ह्यातील 160 शाळा व महाविद्यालयातील मुख्याध्यापक, शिक्षक, शाळा व्यवस्थापन समितीचे अध्यक्ष/सदस्य तसेच महिला बचत गटांच्या अध्यक्ष/सदस्यांनी उत्स्फूर्त सहभाग नोंदविला. विधी सेवा प्राधिकरणाचे सदस्य सचिव नितीन पाटील यांनी बालकांच्या लैंगिक अत्याचाराच्या घटनांवरील कायद्यांची माहिती दिली. ...

  शासकीय वसतिगृहात प्रवेशासाठी ऑनलाईन अर्ज 27 ऑगस्टपर्यंत करा बुलढाणा,दि.21 (जिमाका): शैक्षणिक वर्ष 2025-26 पासून राज्यातील ओबीसी, विमुक्त जाती, भटक्या जमाती व विशेष मागास प्रवर्गातील विद्यार्थ्यांना शासकीय वसतिगृह प्रवेशासोबतच ज्ञानज्योती सावित्रीबाई फुले आधार योजना व पंडीत दिनदयाल उपाध्याय स्वयंम योजना यांचा लाभ घेण्यासाठी ऑनलाईन अर्ज करणे अनिवार्य आहे. इच्छुक विद्यार्थ्यांनी 27 ऑगस्ट 2025 पर्यंत ऑनलाईन अर्ज करावा, असे आवाहन   इतर मागास बहुजन कल्याण विभागाचे सहाय्यक संचालक मनोज मेरत यांनी केले आहे. अर्जाची प्रक्रिया व निवड याद्या http://hmas.mahait.org या संकेतस्थळावर ऑनलाईन पद्धतीने पार पडणार असून शासन निर्णयातील अटी व शर्ती लागू राहणार आहेत. अर्ज स्वीकृती व निवड वेळापत्रक : अर्ज भरण्याचा कालावधी 17 ऑगस्ट ते 27 ऑगस्ट 2025, अर्ज छाननी   28 ऑगस्ट ते 2 सप्टेंबर 2025, पहिली निवड यादी 3 सप्टेंबर 2025, प्रवेशाची अंतिम मुदत 12 सप्टेंबर 2025, रिक्त जागांसाठी दुसरी निवड यादी 15 सप्टेंबर ते 23 सप्टेंबर 2025 प्रमाणे राहिल.   विद्यार्थीनींनी मुदतपूर्वक अर्ज करून शासन यो...

  बुधवारचे दिव्यांग तपासणी शिबीर रद्द   बुलढाणा, दि. 21 (जिमाका): जिल्हा रूग्णालयात नियमितपणे बुधवारी अस्थीव्यंग संबधित दिव्यांग तपासणी शिबीर घेण्यात येते. मात्र बुधवार, दि. 27 ऑगस्ट 2025 रोजी गणेश चतुर्थी निमित्त शासकीय सुट्टी असल्यामुळे अस्थिव्यंग संबधित दिव्यांग तपासणी शिबीर रद्द करण्यात आले आहे. त्यामुळे जिल्ह्यातील नागरिकांनी तपासणीसाठी येऊ नये, असे आवाहन जिल्हा रुग्णालय जिल्हा शल्य चिकित्सक यांनी केले आहे.   00000

  जिल्हाधिकारी कार्यालयात ‘सद्भावना दिवस ’ साजरा              बुलढाणा,दि.20 (जिमाका):   जिल्हाधिकारी कार्यालयात आज ‘सद्भावना दिवस ’ साजरा करण्यात आला. माजी पंतप्रधान राजीव गांधी यांची जयंतीनिमीत्त देशभर सद्भावना दिवस म्हणून साजरा करण्यात येतो. या औचित्याने आयोजित कार्यक्रमात जिल्हाधिकारी डॉ. किरण पाटील यांनी उपस्थित अधिकारी -कर्मचाऱ्यांना सद्भावना दिवसाची शपथ दिली. यावेळी अधिकारी -कर्मचारी उपस्थित होते. ००००