कृषि विज्ञान केंद्रामार्फत विकसित कृषि संकल्प अभियान
कृषि विज्ञान केंद्रामार्फत
विकसित कृषि संकल्प अभियान
बुलडाणा, (जिमाका) दि. 27 : केंद्रीय कृषी मंत्री शिवराज
सिंह चौहान यांनी 'एक राष्ट्र, एक शेती, एक संघ' हा मंत्र देऊन देशातील 723 जिल्ह्यांमधील
65 हजाराहून अधिक गावांमध्ये विकसित कृषि संकल्प अभियान चालवण्याची घोषणा केली आहे.
'प्रयोगशाळेतून जमिनीवर' वैज्ञानिक संशोधन थेट शेतात नेणे हे त्याचे उद्दिष्ट आहे.
याचाच एक भाग म्हणून दि. 29 मे ते 12 जून
2025 दरम्यान कृषि विज्ञान केंद्रमार्फत विकसित कृषि संकल्प अभियान जिल्ह्यात राबवणार
येणार आहे.
शेतकरी आणि विज्ञान यांच्यातील दरी दूर करणे हा या अभियानचा
उद्देश आहे. आयसीएआरचे शास्त्रज्ञ शेतात जातील, शेतकऱ्यांशी थेट संवाद साधतील, प्रयोग
शाळेतून जमिनीवर तंत्रज्ञान हस्तांतरित करतील आणि शेतीला एक मजबूत, वैज्ञानिक दृष्टिकोन
देतील. शिवराज सिंह चौहान यांचा दावा आहे की
हे अभियान 'शेतकरी-वैज्ञानिक ऐक्याचा' एक नवा अध्याय सुरु करेल. या अभियानाअंतर्गत,
आयसीएआरचे शास्त्रज्ञ, कृषी विज्ञान केंद्र (केव्हीके) आणि इतर तज्ञ गावांना भेट देतील
आणि शेतकऱ्यांशी संवाद साधतील. माती आरोग्य पत्रिका, ड्रोन तंत्रज्ञान, पिक लागवड पद्धती
आणि नैसर्गिक शेती यासारख्या आधुनिक तंत्रांना प्रोत्साहन देणे हे त्याचे मुख्य उद्दिष्ट
आहे. या अभियानाचे खरीप हंगामातच परिणाम दिसून येतील, ज्यामुळे शेतकऱ्यांचे उत्पन्न
वाढेल आणि शेती प्रगतीशील होईल. एकूण 22 हजार 170 पथके थेट शेतावर शेतकऱ्यांना भेट
देतील. प्रत्येक समूहात चार ते पाच शास्त्रज्ञ
असे दोन समूह कृषि विज्ञान केंद्र, बुलढाणाच्या माध्यमातून गोवोगावी फिरतील. भारतातील
सर्व समूह मिळून दिड कोटींहून अधिक शेतकऱ्यांशी थेट संवाद साधेल. हे 'लॅब टू लँड' मिशन
आहे, म्हणजेच, 'विकसित कृषी संकल्प अभियान' भारतीय शेतीसाठी एक नवीन क्षेत्र तयार करत
आहे, जिथे शास्त्रज्ञ आणि शेतकरी एकत्रितपणे हिरवळ पेरू शकतात. शिवराज सिंह चौहान यांचे
हे पाऊल 'प्रयोगशाळा ते जमीन' या मंत्राला साकार करण्याच्या दिशेने एक धाडसी पाऊल आहे.
कृषि विज्ञान केंद्रातील सर्व शास्त्रज्ञ, आयसीएआरचे शास्त्रज्ञ,
कृषि विद्यापीठाचे शास्त्रज्ञ आणि कृषि विभागाचे अधिकारी हे अभियान राबवविणार असून
या अभियानाचा लाभ जिल्ह्यातील शेतकऱ्यांनी घ्यावा, असे आवाहन कृषि विज्ञान केंद्राचे
वरिष्ठ शास्त्रज्ञ तथा प्रमुख डॉ. अमोल झापे यांनी केले आहे.
000000
Comments
Post a Comment