महासंवाद बुलढाणा

  बुलढाणा, दि. 7(जिमाका): राज्यातील शासकीय तसेच खासगी शैक्षणिक संस्थांमधील शिक्षकांच्या रिक्त पदांची भरती प्रक्रिया पवित्र पोर्टलद्वारे राबविण्यात येत आहे. या प्रक्रियेंतर्गत विविध व्यवस्थापनांच्या एकूण ३० हजार २०९ रिक्त शिक्षक पदांची जाहिरात प्राप्त झाली आहे. पात्र उमेदवारांनी पवित्र पोर्टलवर लॉगिन करून पदनिहाय पसंतीक्रम नोंदवून तो दि. ६ ते ११ ऑगस्ट २०२६ या कालावधीत लॉक करणे आवश्यक आहे. प्राप्त जाहिरातीतील रिक्त पदांमध्ये इयत्ता १ ली ते ५ वीच्या १४ हजार ३२०, इयत्ता ६ वी ते ८ वीच्या १० हजार १२, इयत्ता ९ वी ते १० वीच्या ५ हजार ५१३ आणि इयत्ता ११ वी ते १२ वीच्या ३६४ पदांचा समावेश आहे. विविध व्यवस्थापनांकडून प्राप्त जाहिरातींमध्ये शासकीय शाळा, शासकीय विद्यानिकेतन, खासगी शैक्षणिक संस्था तसेच नगर पालिका/परिषदा, महानगरपालिका आणि आदिवासी विकास विभागांतर्गत रिक्त पदांचा समावेश आहे. उपलब्ध माहितीनुसार, नगर पालिका/परिषदांकडील २८०, महानगरपालिकांतील १ हजार ९५४ आणि आदिवासी विकास विभागातील २ हजार ४२१ पदांचा समावेश आहे. पसंतीक्रम लॉक करणे आवश्यक : पदभरती प्रक्रियेसाठी उमेदवारांना पोर्टलवर प्...

  बुलढाणा, दि. 7(जिमाका): अवयवदान पंधरवडा २०२६ निमित्त जिल्हाभर जनजागृती उपक्रमांना वेग आला असून शुक्रवारी जिल्हा पोलीस अधीक्षक कार्यालय, जिल्हा कोषागार कार्यालय तसेच बुलढाणा बस स्थानक येथे अवयवदान जनजागृती कार्यक्रम उत्साहात पार पडला. यावेळी नागरिकांना अवयवदानाचे महत्त्व पटवून देत ऑनलाइन प्रतिज्ञा नोंदणीबाबत मार्गदर्शन करण्यात आले. जिल्हा आरोग्य अधिकारी डॉ. रणजीत मंडाले,   जिल्हा शल्यचिकित्सक डॉ. दत्तात्रय बिराजदार यांच्या मार्गदर्शनाखाली झालेल्या या उपक्रमात पोलीस अधीक्षक, जिल्हा कोषागार अधिकारी तसेच बस स्थानक प्रमुख   रामकृष्ण पवार यांची भेट घेऊन अवयवदानाबाबत सविस्तर माहिती देण्यात आली. समाजात अवयवदानाबाबत असलेले गैरसमज दूर करून मृत्युपश्चात अवयवदानामुळे अनेक गरजू रुग्णांना नवजीवन मिळू शकते, याबाबत उपस्थितांना मार्गदर्शन करण्यात आले. कार्यक्रमादरम्यान अधिकारी, कर्मचारी व नागरिकांना क्यूआर (QR) कोड स्कॅन करून ऑनलाइन अवयवदान प्रतिज्ञा नोंदणी करण्याची प्रक्रिया प्रत्यक्ष दाखविण्यात आली. अधिकाधिक नागरिकांनी स्वेच्छेने अवयवदानाचा संकल्प करून या जीवनदायी चळवळीत सहभागी ...

  बुलढाणा, दि. ७ (जिमाका): सतगुरू अगाशे काका शासकीय औद्योगिक प्रशिक्षण संस्था, खामगाव येथे शिल्पकार प्रशिक्षण योजनेंतर्गत ऑगस्ट २०२६ प्रवेश सत्रासाठी समुपदेशन प्रवेश फेरी आयोजित करण्यात आली आहे. संस्थेतील विविध व्यवसायांमध्ये एकूण ५९ जागा रिक्त असून इच्छुक उमेदवारांनी ऑनलाइन नोंदणी करून प्रवेश प्रक्रियेत सहभागी व्हावे, असे आवाहन संस्थेचे प्राचार्य व्ही. व्ही. काळे यांनी केले आहे. या प्रवेश प्रक्रियेसाठी ऑनलाइन नोंदणी केलेले, मात्र अद्याप प्रवेश न मिळालेले सर्व उमेदवार पात्र राहणार आहेत. उमेदवारांनी ९ व १० ऑगस्ट २०२६ रोजी आपल्या प्रवेश खात्यातून ऑनलाइन हजेरी नोंदविणे आवश्यक आहे. ऑनलाइन नोंदणी किंवा हजेरी नोंदविताना अडचण आल्यास जवळच्या औद्योगिक प्रशिक्षण संस्थेशी संपर्क साधावा. समुपदेशन फेरीसाठी पात्र उमेदवारांची गुणवत्ता यादी ११ ऑगस्ट २०२६ रोजी ऑनलाइन प्रसिद्ध करण्यात येईल. त्यानुसार ऑनलाइन नोंदणी व हजेरी पूर्ण केलेल्या उमेदवारांनी १२ ऑगस्ट रोजी सकाळी ८ वाजता संस्थेत प्रत्यक्ष उपस्थित राहणे आवश्यक आहे. गुणवत्ता यादीनुसार रिक्त जागांवर १२ व १३ ऑगस्ट २०२६ रोजी सायंकाळी ५ वाजेप...

  •            अंतिम मतदार यादी आता 27 ऑक्टोबरला प्रसिद्ध होणार बुलढाणा, दि. 6 (जिमाका): भारत निवडणूक आयोगाने महाराष्ट्रातील १ ऑक्टोबर २०२६ या अर्हता दिनांकाच्या अनुषंगाने सुरू असलेल्या विशेष संक्षिप्त मतदार यादी पुनरीक्षण (Special Intensive Revision - SIR) कार्यक्रमाच्या वेळापत्रकात सुधारणा केली आहे. सुधारित कार्यक्रमानुसार बूथ लेव्हल अधिकारी (BLO) यांच्यामार्फत घरोघरी भेटीचा कार्यक्रम ३० जून ते १७ ऑगस्ट २०२६ या कालावधीत राबविण्यात येणार आहे, अशी माहिती उपजिल्हा निवडणूक अधिकारी सुहासिनी गोणेवार यांनी दिली. मतदार यादीचा प्रारूप मसुदा २४ ऑगस्ट २०२६ रोजी प्रसिद्ध केला जाईल. त्यानंतर २४ ऑगस्ट ते २३ सप्टेंबर २०२६ या कालावधीत दावे व हरकती स्वीकारण्यात येतील. प्राप्त दावे व हरकतींवर सुनावणी आणि निकाली काढण्याची प्रक्रिया २४ ऑगस्ट ते २२ ऑक्टोबर २०२६ या कालावधीत पार पडेल. सर्व प्रक्रिया पूर्ण झाल्यानंतर अंतिम मतदार यादी २७ ऑक्टोबर २०२६ रोजी प्रसिद्ध करण्यात येईल, असे भारत निवडणूक आयोग मार्फत कळविण्यात आले आहे. 0000

  बुलढाणा, दि. 6 (जिमाका): क्रीडा व युवक सेवा संचालनालय, पुणे अंतर्गत जिल्हा क्रीडा अधिकारी कार्यालय आणि जिल्हा क्रीडा परिषद, बुलढाणा यांच्या संयुक्त विद्यमाने सन २०२६-२७ पासून शालेय क्रीडा स्पर्धांसाठी लागू करण्यात येणाऱ्या नव्या तंत्रज्ञानाधारित प्रणालीबाबत जिल्हास्तरीय कार्यशाळेचे आयोजन करण्यात आले. या कार्यशाळेत बुलढाणा जिल्ह्यातील १३ तालुक्यांतील सुमारे ६५० शारीरिक शिक्षण शिक्षक व संगणक चालकांनी सहभाग नोंदविला. कार्यशाळेच्या उद्घाटनप्रसंगी जिल्हा क्रीडा अधिकारी भक्ती आंब्रे, तालुका क्रीडा अधिकारी बी. एस. महानकर तसेच तालुका संयोजक उपस्थित होते. कार्यक्रमाची सुरुवात स्व. मेजर ध्यानचंद, ऑलिम्पियन खाशाबा जाधव आणि बॅरन पियरे द कुबर्टीन यांच्या प्रतिमेचे पूजन व दीपप्रज्वलन करून करण्यात आली. यावेळी प्रमुख अतिथींचा सत्कारही करण्यात आला. प्रास्ताविकात जिल्हा क्रीडा अधिकारी भक्ती आंब्रे यांनी कार्यशाळेचे उद्दिष्ट स्पष्ट केले. सन २०२६-२७ मधील क्रीडा स्पर्धांचे नियोजन, आयोजन तसेच नव्या ऑनलाइन तंत्रज्ञान प्रणालीचा वापर याबाबत उज्वला लांडगे यांनी सविस्तर मार्गदर्शन केले. प्रशिक्षणादर...

  बुलढाणा, दि. 6 (जिमाका):   सामाजिक न्याय व विशेष सहाय्य विभागामार्फत शैक्षणिक वर्ष २०२६-२७ साठी नव्याने विकसित करण्यात आलेल्या महाडीबीटी २.० प्रणालीवर अनुसूचित जाती प्रवर्गातील विद्यार्थ्यांसाठी विविध शिष्यवृत्ती योजनांचे अर्ज भरण्याची सुविधा दि. ६ जुलै २०२६ पासून उपलब्ध करून देण्यात आली आहे. पात्र विद्यार्थ्यांनी तसेच महाविद्यालयांनी विहित कार्यपद्धतीनुसार अर्ज प्रक्रिया पूर्ण करावी, असे आवाहन सहाय्यक आयुक्त मनोज मेरत यांनी केले आहे. महाडीबीटी २.० पोर्टलवर भारत सरकार मॅट्रिकोत्तर शिष्यवृत्ती, मॅट्रिकोत्तर शिक्षण शुल्क व परीक्षा शुल्क योजना, राजर्षी शाहू महाराज गुणवत्ता शिष्यवृत्ती तसेच व्यावसायिक अभ्यासक्रमांशी संलग्न वसतिगृहातील व वसतिगृहाबाहेरील विद्यार्थ्यांसाठी निर्वाह भत्ता या योजनांसाठी नवीन तसेच नूतनीकरणाचे अर्ज स्वीकारले जात आहेत. विद्यार्थ्यांनी महाआयडी (MahaID) नव्याने तयार करणे बंधनकारक असून त्यासाठी स्वतःचा आधार क्रमांक वापरणे आवश्यक आहे. आधारवरील पत्ता, मोबाईल क्रमांक, ई-मेल आणि बँक खात्याची माहिती अद्ययावत ठेवावी. तसेच जात प्रमाणपत्र, उत्पन्न प्रमाणपत्र,...

    *   1 लाख 16 हजार पात्र शेतकऱ्यांची यादी प्रसिद्ध ​ बुलढाणा दि.5(जिमाका): शासनाने जाहीर केलेल्या 'पुण्यश्लोक अहिल्यादेवी होळकर शेतकरी कर्जमुक्ती योजना २०२६' अंतर्गत जिल्ह्यातील पात्र १ लाख १६ हजार ४३६ लाभार्थी शेतकऱ्यांच्या याद्या प्राप्त झाल्या आहेत. या याद्या जिल्ह्यातील प्रत्येक गावचे ग्रामपंचायत कार्यालय, तलाठी कार्यालय, बँक शाखा तसेच सहाय्यक निबंधक कार्यालयांच्या नोटीस बोर्डावर प्रसिद्ध करण्यात आल्या आहेत. पात्र शेतकरी बांधवांनी त्वरित आपले आधार प्रमाणीकरण पूर्ण करून योजनेचा लाभ घ्यावा, असे आवाहन जिल्हास्तरीय कर्जमुक्ती समितीचे अध्यक्ष तथा जिल्हाधिकारी डॉ. प्रवीणकुमार देवरे यांनी केले आहे. प्रसिद्ध करण्यात आलेल्या याद्यांमध्ये नाव असलेल्या पात्र लाभार्थी शेतकऱ्यांनी आपला फार्मर आयडी (Farmer ID) आणि आधार कार्ड सोबत घेऊन नजीकच्या ई-सेवा केंद्रावर जावून आधार प्रमाणीकरण (Aadhaar Authentication) त्वरित पूर्ण करणे आवश्यक आहे. शासनाने निश्चित केलेल्या मुदतीत सर्व प्रक्रिया पूर्ण झाल्यानंतरच शेतकऱ्यांना या कर्जमुक्ती योजनेचा प्रत्यक्ष लाभ मिळणार आहे. योजनेच्या अं...