शेळीपालन, कुक्कुटपालन व गाय-म्हैस पालन प्रशिक्षणासाठी बुलडाण्यात पाच दिवसीय शिबिर

 

बुलढाणा दि. 1 (जिमाका): महाराष्ट्र उद्योजकता विकास केंद्र (एमसीईडी) यांच्या वतीने जिल्हा उद्योग केंद्र, बुलढाणा यांच्या सहकार्याने सुशिक्षित बेरोजगार युवक-युवतींसाठी शेळीपालन, कुक्कुटपालन तसेच गाय-म्हैस पालन या विषयांवरील पाच दिवसीय प्रशिक्षण कार्यक्रमाचे आयोजन करण्यात आले आहे. हे प्रशिक्षण दि. ९ जून ते १३ जून २०२६ या कालावधीत बुलडाणा येथे होणार आहे.

या प्रशिक्षणाचा मुख्य उद्देश सुशिक्षित बेरोजगार युवक-युवतींना तंत्रशुद्ध मार्गदर्शन देऊन त्यांना स्वयंरोजगाराच्या संधी उपलब्ध करून देणे हा आहे. प्रशिक्षणामध्ये शेळीपालन, कुक्कुटपालन आणि गाय-म्हैस पालनाच्या विविध पद्धती, पशुधनाच्या जाती, लसीकरण, रोग व त्यांची लक्षणे, खाद्य व्यवस्थापन, चारा निर्मिती तसेच व्यवसाय उभारणीसाठी आवश्यक असलेल्या बाबींची सविस्तर माहिती दिली जाणार आहे.

याशिवाय उद्योजकता विकास, उद्योग संधी, शासकीय योजनांची माहिती, आर्थिक सहाय्य व उद्योग उभारणीसाठी आवश्यक मार्गदर्शन तज्ज्ञ व्यक्तींकडून करण्यात येणार आहे.

प्रशिक्षणासाठी उमेदवार किमान ५ वी उत्तीर्ण व वय वर्षे १८ पूर्ण असणे आवश्यक आहे. प्रशिक्षण यशस्वीपणे पूर्ण करणाऱ्या सहभागी उमेदवारांना प्रमाणपत्र देण्यात येणार आहे.

प्रशिक्षणासाठी नोंदणी, शुल्क व अधिक माहितीसाठी इच्छुकांनी दि. ९ जून २०२६ पर्यंत कार्यालयीन वेळेत श्री. गणेश गुप्ता, प्रकल्प अधिकारी, महाराष्ट्र उद्योजकता विकास केंद्र (एमसीईडी), जिल्हा उद्योग केंद्र, तहसील कार्यालयाजवळ, चिखली रोड, बुलडाणा येथे संपर्क साधावा. अधिक माहितीसाठी ९०११५७८८५४ किंवा ८२७५०९३२०१ या क्रमांकांवर संपर्क साधता येईल.

अधिकाधिक युवक-युवतींनी या प्रशिक्षणाचा लाभ घ्यावा, असे आवाहन विभागीय अधिकारी श्री. किशोर अंभोरे यांनी केले आहे.

00000