माजी सैनिक व विधवांच्या पाल्यांसाठी प्रधानमंत्री शिष्यवृत्ती योजना; 30 नोव्हेंबरपर्यंत अर्ज मागविले

 

माजी सैनिक व विधवांच्या पाल्यांसाठी प्रधानमंत्री शिष्यवृत्ती योजना; 30 नोव्हेंबरपर्यंत अर्ज मागविले

 

बुलडाणा,(जिमाका),दि.30 :  माजी सैनिक, विधवांच्या पाल्यांसाठी प्रधानमंत्री शिष्यवृत्ती योजना सुरु करण्यात आली आहे. या योजनेचा लाभ घेण्यासाठी ऑनलाईन अर्ज www.ksb.gov.in या वेबसाईटवर उपलब्ध असून अर्ज भरण्याची अंतिम तारीख 30 नोव्हेंबर 2024 आहे. तरी जिल्ह्यातील सर्व माजी सैनिक, विधवा पत्नी, युध्द विधवा यांनी प्रधानमंत्री शिष्यवृत्ती योजनेचा जास्तीत जास्त लाभ घ्यावा, असे आवाहन जिल्हा सैनिक कल्याण अधिकारी यांनी केले आहे.

केंद्रीय राज्यमंत्री प्रतापराव जाधव यांचा जिल्हा दौरा

 केंद्रीय राज्यमंत्री प्रतापराव जाधव यांचा जिल्हा दौरा

 बुलडाणा,(जिमाका),दि.30 :  केंद्रीय आयुष, आरोग्य व कुटुंब कल्याण राज्यमंत्री प्रतापराव जाधव बुलडाणा जिल्ह्याच्या दौऱ्यावर येत आहेत.

त्यांच्या दौऱ्यानुसार दि. 1 ऑक्टोंबर 2024 रोजी सकाळी 5.13 वाजता जालना येथून मेहकरकडे प्रस्थान. सकाळी 9.30 वाजता शिवाजी नगर, मेहकर येथुन बुलढाणाकडे प्रस्थान. सकाळी 11 वाजता बुलढाणा अर्बन रेसिडेन्सी क्लब सेलिब्रेशन, मलकापूर रोड येथे आयुष्यमान संवाद मेळाव्याचे उद्घाटन कार्यक्रमास उपस्थिती. सोयीनुसार मेहकरकडे प्रस्थान, आगमन व राखीव.  

00000

उत्सव साजरा करण्यासाठी ऑनलाईन पद्धतीने अर्ज करावे

 उत्सव साजरा करण्यासाठी ऑनलाईन पद्धतीने अर्ज करावे

 बुलडाणा,(जिमाका),दि.30 :  आगामी सन उत्सव साजरा करण्यासाठी सार्वजनिक विशस्त व्यवस्था अधिनियमानुसार परवानगी घेणे आवश्यक आहे. त्याअनुषंगाने सण उत्सव साजरा करण्यासाठी नागरिकांनी ऑनलाईन पद्धतीने अर्ज करावा, असे आवाहन सहायक धर्मदाय आयुक्त दु.के. साहू यांनी केले आहे. 

महाराष्ट्र सार्वजनिक विशस्त व्यवस्था अधिनियम 1950 च्या कलम 41-क अन्वये दुर्गाउत्सव ,जयंती उत्सव व इतर उत्सव साजरा करण्यासाठी आवश्यक परवानगी अर्ज धर्मादाय आयुक्त यांच्या www.charity.maharashtra.gov.in या संकेतस्थळावर ऑनलाईन पध्दतीने करावा. अर्ज करण्याची पध्दत, अपलोड करावयाची कागदपत्रांची यादी इत्यादी माहिती वेबसाईटवर मार्गदर्शक सदराखाली ४१-क परवानगी या शिर्षकात सविस्तर उपलब्ध करून देण्यात आलेली आहे. 

ऑनलाईन अर्ज करण्यासाठी कागदपत्रे-  ठरावाची प्रत, जागा मालकाचे ना-हरकत पत्र, पत्याचा पुरावा म्हणून लाईट बिलची मूळ प्रत व आधारकार्डची प्रत असणे आवश्यक(सबंधित ग्रामपंचायत, नगर परिषद यांची परवानगी).  पदाधिकाऱ्यांचे ओळखपत्र(आधारकार्ड, पॅनकार्ड, निवडणूक आयोगाचे ओळखपत्र इ.), मागील वर्षाचा हिशोब, मागील वर्षी घेण्यात आलेल्या परवानगीची प्रत, परवानगी मिळणेकरिता वरिल कागदपत्रे ऑनलाईन अपलोड करणे आवश्यक आहे. संकेतस्थळावर विहित कागदपत्रांसह ऑनलाईन अर्ज केल्यास परवानगीची प्रत ई-मेलव्दारे प्राप्त होण्याची सुविधा उपलब्ध आहे. ऑनलाईन पद्धतीने अर्ज भरण्यास अडचणी येत असल्यास त्यांनी ऑफलाईन पद्धतीने अर्ज सादर करावा.

000000

जिल्हा परिषदेतील अनुकंपाधारकांची यादी जाहिर; हरकती मागविल्या

 

जिल्हा परिषदेतील अनुकंपाधारकांची यादी जाहिर; हरकती मागविल्या

 

बुलडाणा,(जिमाका),दि.30 : जिल्हा परिषदेंतर्गत सन 2024 वर्षाची अनुकंपाधारक उमेदवारांची तात्पुरती सुधारीत यादी जाहिर करण्यात आली आहे. या यादीवर आक्षेप असल्यास दि. 7 ऑक्टोंबरपर्यंत सादर करावे लागणार आहे.

 

जिल्हा परिषदेच्या zpbuldana.maharashtra.gov.in या संकेतस्थळावर अनुकंपाधारकांची यादी प्रसिद्ध करण्यात आली आहे. सदर अनुकंपाधारक उमेदवारांची तात्पुरती ज्येष्ठता यादीवर संबंधितांकडून दि. 7 ऑक्टोंबरपर्यंत लेखी आक्षेप मागविण्यात आले आहे. तसेच अनुकंपाधारक उमेदवारांची शैक्षणिक पात्रतेत वाढ झाली असल्यास शैक्षणिक वाढीचे कागदपत्रे दिलेल्या कालावधीत सादर करावे. तसेच सदर तात्पुरत्या यादीवर काही आक्षेप असल्यास विहित मुदतीत लेखी सादर करावे. आक्षेपांच्या पडताळणीनंतर अनुकंपाधारक उमेदवारांची तात्पुरती यादी अंतिम करण्यात येणार आहे. याची अनुकंपाधारक उमेदवारांनी नोंद घ्यावी, असे आवाहन जिल्हा परिषदेच्या मुख्य कार्यकारी अधिकारी गुलाब खरात यांनी केले आहे.

000000

ई-पीक पाहणीसाठी 15 ऑक्टोंबरपर्यंत मुतदवाढ

 

ई-पीक पाहणीसाठी 15 ऑक्टोंबरपर्यंत मुतदवाढ

 

बुलडाणा,(जिमाका),दि.30 : खरीप हंगामासाठी ई-पीक पाहणीची सुरुवात झाली असून मोबाईल ॲपद्वारे पीक पाहणी नोंदनी करायची आहे. पिक पाहणी नोंदणी करण्यासाठी दि. 15 ऑक्टोबरपर्यंत मुदत वाढ दिली असून शेतकऱ्यांनी विहित मुदतीत ई-पीक पाहणी नोंदणी करावी, असे आवाहन जिल्हाधिकारी  डॉ. किरण पाटील यांनी केले आहे.

 

शासनाचा महत्वाकांक्षी प्रकल्प ई-पीक पाहणीची सुरुवात 1 ऑगस्ट 2024 पासून सुरू झालेली आहे. शेतकरी स्तरावर पिक पाहणी करण्यासाठी अंतीम दि. 23 सप्टेंबर 2024 पर्यंत होती. सदर नोंदणीला मुदत वाढ दिली असून सर्व शेतकरी बांधवानी नोंदणी करावी. जिल्ह्यात आजपर्यंत 9 लक्ष 25 हजार 686 हे.आर. क्षेत्रापैकी 5 लक्ष 72 हजार 205 हे. आर क्षेत्रावर तसेच 6 लक्ष 61 हजार 645 खातेदारांपैकी 4 लक्ष 4 हजार 822 खातेदारांनी आपल्या पीकांची ई-पीक पाहणी व्हर्जन 3.0 या मोबाईल अॅपद्वारे सातबारावर नोंदणी केलेली आहे. आजवर जिल्ह्याची ई-पीक पाहणीची नोंदणी फक्त 76.31 टक्के क्षेत्रावर झालेली आहे.  तसेच खरीप हंगाम 2024 डिजिटल क्रॉप सर्वे अंतर्गत बुलढाणा जिल्ह्यातून निवड झालेल्या बुलढाणा तालुक्यात आजरोजी पर्यंत 57 हजार 694.01 हे.आर. क्षेत्रापैकी 45 हजार 950.09 हे. आर क्षेत्रावर खातेदारांनी आपल्या पीकांची ई-पीक पाहणी मोबाईल अॅपद्वारे आपल्या सातबारावर नोंदणी केलेली आहे. आजवर बुलढाणा तालुका डिजिटल क्रॉप सर्वेअंतर्गत ई पीक पाहणीची नोंदणी 79.65 टक्के क्षेत्रावर झालेली आहे. उर्वरीत क्षेत्रावर सर्व शेतकरी बांधवांना ई-पीक पाहणी अॅपव्दारे पीकाची नोंदणी करावी.

 

ई-पीक पाहणीव्दारे पीकांची नोंदणी न केल्यास आपल्या सातबारावर पीक पेरा कोरा राहील. जो नंतर भरता येत नाही. त्यामुळे पीक विमा, इतर शासकीय अनुदान व लाभ मिळविण्यास अडचण निर्माण होईल. अवेळी पाऊस किंवा इतर नैसर्गीक आपत्ती या बाबत पिक विमा मिळण्यासाठी सातबारावर अचूक पीक नोंद असणे आवश्यक आहे. त्यामुळे सर्व शेतकरी बांधवांनी विहित मुदतीत आपल्या गावच्या तलाठी व सहाय्यक यांचेकडून उर्वरीत क्षेत्राची पीक पाहणी मोबाईल अॅपव्दारे नोंदणी करून घ्यावी, असे उपजिल्हाधिकारी समाधान गायकवाड यांनी प्रसिद्ध पत्रकाव्दारे कळविले आहे. 0000000

नोव्हेबरमध्ये होणार जिल्हा युवा महोत्सव

 

नोव्हेबरमध्ये होणार जिल्हा युवा महोत्सव

 

बुलडाणा,(जिमाका),दि.30 : क्रीडा व युवक सेवा संचालनालय, पुणे व जिल्हा क्रीडा परिषद तथा जिल्हा क्रीडा अधिकारी कार्यालय बुलडाणा  यांचे संयुक्त विद्यमाने "विज्ञान व तंत्रज्ञान यामधील नवसंकल्पना" वर जिल्हास्तरीय युवा महोत्वाचे आयोजन जिल्हा क्रीडा संकुल बुलढाणा येथे 15 ते 25 नोव्हेंबर 2024 या कालावधीत करण्यात येणार आहे. या महोत्सवात जिल्ह्यातील 15 ते 29 या वयोगटातील युवक, युवतींनी मोठ्या संख्येने सहभागी व्हावे, असे अवाहन जिल्हा क्रीडा अधिकारी बि.एस. महानकर यांनी केले आहे.

 

 युवकांचा सर्वांगिण विकास, संस्कृती परंपरा जतन करणे, युवकांच्या अंगी असलेल्या सुप्त गुणांना वाव देणे व राष्ट्रीय एकात्मता निर्माण होण्यासाठी दरवर्षी युवा महोत्सवाचे आयोजन केल्या जाते. या महोत्सवामध्ये विविध उपक्रम राबविण्यात येते. संकल्पना आधारित स्पर्धामध्ये विज्ञान व तंत्रज्ञान यामधील नवसंकल्पना, सांस्कृतिक उपक्रमामध्ये समूह लोकनृत्त, लोकगीत, वैयक्तिक लोकनृत्य व वैयक्तिक लोकगीत, कौशल्य विकासामध्ये कथा लेखन, चित्रकला, वक्तृत्व, कविता. युवा कृतीमध्ये हस्तकला, वस्त्रोद्योग ॲग्रो प्रोडक्ट असे उपक्रम राबविण्यात येणार आहे.

 

 युवा महोत्सवाचे आयोजन जिल्हास्तरावर करण्यात येणार असून जिल्ह्याचा प्रतिनिधिक चमु विभागीय युवा महोत्सवासाठी पाठविण्यात येईल. युवा महोत्सवामध्ये, सांस्कृतिक, समुह लोकनृत्य, वैयक्तिक सोलो लोकनृत्य, लोकगीत, वैयक्तिक सोलो लोकगीत, कौशल्य विकास, कथा लेखन, पोस्टर स्पर्धा, वक्तृत्व स्पर्धा (इंग्रजी व हिंदी, फोटोग्राफी, संकल्पना आधारीत स्पर्धा, तृणधान्य उत्पन्न वाढीसाठी विज्ञानाचा वापर, सामाजिक विकासात विज्ञानाचे योगदान, युवा कृती, हस्तकला, वस्रोद्योग, अॅग्रो प्रोडक्ट या स्पर्धात्मक बाबींचे आयोजन करण्यात येणार आहे. महत्वाचे रेकॉर्ड केलेले गाणे व म्यूझिक, बॅलें डान्स पात्र राहणार नाही. सादरीकरणामध्ये असभ्यता, धार्मिक व राजकिय भावना दुखावणार नाही याची दखल घ्यावी. असे आढळल्यास सादर केलेला उपक्रम अपात्र समजण्यात येईल. प्रथम क्रमांकाचे स्पर्धकास विभागीय स्तरावर पाठविण्यात येईल.

 

जिल्हास्तर युवा महोत्सवामध्ये सहभागीसाठी 15 ते 29  वयोगटातील (12 जानेवारी 2025 रोजी वयाची परिगणनेनुसार असावा. वयाचा दाखला/आधार कार्ड आवश्यक, जिल्ह्यातील संगीत महाविद्यालये, कृषि महाविद्यालये, विद्यालये, कनिष्ठ व वरिष्ठ महाविद्यालये, अभियांत्रिकी महाविद्यालये, तंत्र विद्यालये, आयटिआय, विज्ञान महाविद्यालये, समाजकार्य, महिला मंडळे, सांस्कृतिक मंडळे, नोंदणीकृत मंडळे इत्यादींची, 15 ते 29 वयोगटातील युवांना युवा महोत्सवामध्ये सहभागासाठी पात्रता राहील. त्याप्रमाणे स्पर्धक महाराष्ट्राचा रहिवासी असावा. स्पर्धकांनी नाव, पत्ता, जन्म दिनांक, संपर्क क्रमांक, ई-मेल आयडी व वयाबाबतचा सबळ पुरावा सुध्दा सादर करणे आवश्यक आहे. सहभागी युवक, युवतींना सहभाग व प्राविण्य प्रमाणपत्र सुध्दा वितरीत करण्यात येईल. युवा महोत्सवातील प्राविण्य धारकांसाठी रोख (शासन आदेशानुसार) पारितोषिक देण्यात येणार आहेत. अधिक माहीतीसाठी  जिल्हा क्रीडा अधिकारी कार्यालय, जिल्हा क्रीडा संकुल बुलढाणा किंवा क्रीडा अधिकारी आर. आर. धारपवार, मो.नं. 9970118797 यांचेशी संपर्क करावा.

00000

बुधवारचे दिव्यांग तपासणी शिबीर रद्द

 

बुधवारचे दिव्यांग तपासणी शिबीर रद्द

 

बुलडाणा,(जिमाका),दि.30 : जिल्हा रूग्णालयात नियमितपणे दिव्यांग तपासणी शिबीर घेण्यात येते. मात्र बुधवार, दि. 2 ऑक्टोंबर 2024 रोजी महात्मा गांधी जयंती निमित्त सुट्टी असल्यामुळे शिबीर रद्द करण्यात आले आहे.

जिल्हा रुग्णालयात नियमित बुधवारी अस्‍थीव्यंग संबंधित दिव्यांग बोर्ड सुरू असते. मात्र बुधवार, दि. 2 ऑक्टोंबर 2024 रोजी गांधी जयंती निमित्त सुट्टी असल्यामुळे या दिवसाचे दिव्यांग तपासणी शिबीर रद्द करण्यात आले आहे. त्यामुळे जिल्ह्यातील नागरिकांनी तपासणीसाठी येऊ नये, असे आवाहन जिल्हा शल्य चिकित्सक यांनी केले आहे. ******

शेतकरी बांधवानी शेतीसोबतच पुरक व्यवसायाचा अवलंब करावा - ॲड निलेश हेलोंडे पाटील

 

शेतकरी बांधवानी शेतीसोबतच पुरक व्यवसायाचा अवलंब करावा - ॲड निलेश हेलोंडे पाटील

 

बुलडाणा,(जिमाका),दि.26: शेतकरी बांधव, सुशिक्षीत बेरोजगार युवकांनी कापूस, सोयाबीन, तुर इत्यादी पिकाबरोबरच दूध व्यवसाय, रेशीम उद्योग आणि बांधावरच जैविक खते तयार करून आपल्या कुटुंबास आर्थिक हातभार लावावा, असे आवाहन कै.वसंतराव नाईक शेती स्वावलंबन मिशन महाराष्ट्र राज्याचे अध्यक्ष (राज्यमंत्री दर्जा) ॲड. निलेश हेलोंडे पाटील यांनी केले आहे.

 

             ॲड.  निलेश हेलोंडे पाटील यांचा बुलढाणा जिल्हा दौऱ्यादरम्यान जिल्ह्यातील कृषि, पशुसंवर्धन व महसुल विभागाच्या अधिकाऱ्यांशी चर्चा केली. विदर्भातील शेतकऱ्यांच्या आत्महत्या थांबविण्यासाठी तसेच बेरोजगारी कमी करण्यासाठी पुरक व्यवसायाला चालना देणे आवश्यक असल्याचे त्यांनी सांगितले. यावेळी जिल्ह्यात सुरु असलेल्या कामाचा आढावा घेऊन खामगाव आणि मोताळा तालुक्यातील जयपूर येथील शेतकरी बांधवांशी संवाद साधला. शेतकऱ्यांनी केलेल्या श्रमदानातुन ग्रामविकास, वृक्ष लागवड, जलसंवर्धन कामाची पाहणी करुन समाधान व्यक्त केले.

 

खामगाव येथील पशुधन विकास अधिकारी डॉ. सोनोने यांच्याशी चर्चा करताना महात्मा गांधी राष्ट्रीय ग्रामीण रोजगार योजनेतून निमकवळा या गावात कुरण विकास योजनेतंर्गत चारा उत्पादन करून दुग्ध व्यवसाय वाढविण्यावर भर द्यावा. तसेच इतर गावातील ग्रामपंचायत जागा, गावठाण, गावकुरणे, ई- वर्ग जमिनीवर चारा उत्पादन घेऊन जनावरांची जोपासना करण्यावर भर देण्याबाबत त्यांनी सुचना केल्याभ्‍रभ्‍ळार.  त्यानंतर त्यांनी मोताळा तालुक्यातील मौजे जयपूर गावाला भेट दिली. जयपुर गावांमध्ये ग्रामस्थांनी एकत्र येऊन मियावाकी प्रकल्प राबविला असून या प्रकल्पांतर्गत त्यांनी डोंगर टेकड्यांवर पडीत जागेवर गाव परिसरामध्ये प्रदूषण कमी करणारी विविध वृक्षांची लागवड केली असून परिसरामध्ये महात्मा गांधी राष्ट्रीय ग्रामीण रोजगार अंतर्गत शेततळे ,पडीत डोंगरउतारावर वृक्षाची लागवड आणि जलसंवर्धन कामे मोठ्या प्रमाणात झाले आहे. यामुळे गाव परिसरामध्ये पाणीटंचाई दुर झाली असुन जिवंत पाण्याचे झरे दिसून येत आहे. तसेच श्रमदान, वृक्ष लागवड, दगडी बांध, जलसंवर्धनाचे कामे केल्यामुळे गावामध्ये निसर्गरम्य वातावरण तयार झाले आहे, हे काम पाहून श्री. हेलोंडे पाटील यांनी समाधान व्यक्त करुन ग्रामस्थाचे अभिनंदन केले.

 

             गावकऱ्यांशी चर्चा करत असताना ॲड. हेलोंडे पाटील यांनी शेतकऱ्यांनी केवळ कापूस सोयाबीन सारखे पीक न घेता त्याबरोबरच रोहयोअंतर्गत तुती लागवड करुन रेशीम उद्योग वाढवला पाहिजे.मोकळया  पडीत जागा, ग्रामीण भागातील गायरान जागेमध्ये वृक्षाची आणि चारा पिकाची लागवड करून जनावरांना चाराचे उत्पादन घेण्याबाबत मार्गदर्शन केले.  त्याचबरोबर गावातील सुशिक्षीत बेरोजगार युवकांनी छोट्या-मोठ्या नोकरीच्या मागे न लागता स्वयंरोजगाराच्या माध्यमातून बांधावर जैविक खते तयार करून विक्री करावे. आणि त्याचा वापर वाढवला पाहिजे. त्यासाठी कृषि विभागानी शेतकऱ्यांना मार्गदर्शन करावे आणि अनुदानावर जैवीक साहित्य उपलब्ध करुन देण्याबाबत सूचना दिल्या. विदर्भात ज्या गायरान जमिनी आहेत, ग्रामपंचायत मोकळ्या पडीक जमिनी ई वर्ग जमिनीमध्ये शेतकऱ्यांनी चारा पिकाची लागवड करून पुढील दोन-तीन वर्षांमध्ये तयार झालेला चारा मोफत घेऊन त्याद्वारे दूध उत्पादनात वाढीस चालना देणे आवश्यक असुन दुधासारखा पूरक व्यवसाय अतिशय महत्त्वाचा असुन कुटुंबात हातभार लावुन कुटुंबाचे जीवनमान उंचावेल. त्याबरोबरच कोरडवाहू क्षेत्र विकास केल्यानंतर गावामध्ये उन्हाळ्यामध्ये जी पाणीटंचाई जाणवते ती या भागामध्ये जाणवणार नाही. एकात्मिक शेती उत्पादन होऊन गावांचा आणि शेतकऱ्यांचा निश्चितच विकास होईल. गावातील ग्रामीण भागातील जनतेने जिथे जिथे नवीन तंत्रज्ञान तयार झालेले त्या भागात जाऊन आत्मसात करुन नवीन तंत्रज्ञानाचा अवलंब करावा, असेही त्यांनी यावेळी सांगितले.

 

             जयपुर गावातील मियावाकी वृक्ष लागवड व जलसंधारणाचे कामांची पाहणी केली. यावेळी मलकापूर नगरपालिकेचे लोकनियुक्त नगराध्यक्ष हरीश रावळ, डॉ. तायडे, सरपंच ज्ञानेश्वर गोराडे, उपसरपंच मुन्ना पठाण किशोर नावकर, विक्रम देशमुख तसेच कृषि, महसुल व पशुसंवर्धन विभागाचे अधिकारी व गावातील ग्रामस्थ उपस्थित होते.

00000

परतीच्या पाऊसामुळे होणाऱ्या आपत्तीसाठी सर्तकतेचा इशारा

 

परतीच्या पाऊसामुळे होणाऱ्या आपत्तीसाठी सर्तकतेचा इशारा

 

बुलडाणा,(जिमाका),दि.25 : भारतीय मौसम विभाग नागपूर यांच्याकडून प्राप्त संदेशानुसार दि. 29 सप्टेंबरपर्यंत जिल्ह्याला ऐलो अलर्ट प्राप्त झाला आहे. त्यानुसार बहुतांश ठिकाणी विजांच्या कडकडाट, मेघगर्जनेसह पाऊस होण्याची शक्यता आहे.

 

 खबरदारीचा उपाय म्हणुन पाऊस, विजा चमकत असतांना बाहेर जावयाचे टाळावे. विजांपासून संरक्षणाकरिता दामिनी अॅपचा वापर करावा व झाडांपासून दुर राहावे. दुभती तसेच इतर जनावरे सुरक्षित ठिकाणी ठेवावीत. शक्य असल्यास ज्या धान्यांची कापनी झालेली आहे ते धान्य सुरक्षित ठिकाणी हालवावे. पाऊस, वादळ सुरु असतांना विजेच्या तारा कोसळण्याची शक्यता असते. तरी त्या पासुन दूर राहण्याची खबरदारी घ्यावी. याबाबत सर्व यंत्रणांनी सतर्क रहावे,असा इशारा जिल्हा प्रशासनाने दिला आहे.

00000

पंडित दीनदयाळ उपाध्याय यांना अभिवादन

 पंडित दीनदयाळ उपाध्याय यांना अभिवादन

बुलडाणा,(जिमाका),दि.25 : पंडित दीनदयाळ उपाध्याय यांच्या जयंतीनिमित्त त्यांना जिल्हाधिकारी कार्यालयात आज अभिवादन करण्यात आले. अपर जिल्हाधिकारी सदाशिव शेलार, निवासी उपजिल्हाधिकारी राजेंद्र पोळ, उपजिल्हाधिकारी जयश्री ठाकरे यांनी पंडित दिनदयाळ उपाध्याय यांच्या प्रतिमेला पुष्पहार अर्पण करून अभिवादन केले. यावेळी नाझर गजानन मोतेकर व इतर कर्मचारी उपस्थित होते. उपस्थितांनी पंडित दिनदयाळ उपाध्याय यांच्या प्रतिमेला अभिवादन केले.

00000

मेहकर शासकीय औद्योगिक प्रशिक्षण संस्था येथे मुख्यमंत्री युवा कार्य प्रशिक्षण मेळावा

 मेहकर शासकीय औद्योगिक प्रशिक्षण संस्था येथे मुख्यमंत्री युवा कार्य प्रशिक्षण मेळावा

बुलडाणा,(जिमाका),दि.25 : कौशल्य विकास, रोजगार, उद्योजकता व नविन्यता विभाग, व्यवसाय शिक्षण व प्रशिक्षण संचालनालय, मुंबई यांच्या संयुक्त विद्यमाने गुरुवार दि. 26 सप्टेंबर 2024 रोजी शासकीय औद्योगिक प्रशिक्षण संस्था, मेहकर जि. बुलडाणा येथे प्रशिक्षणार्थी भरती मेळाव्याचे आयोजन करण्यात आले आहे.

मेळाव्यामध्ये सहभागी होण्याकरीता उमेदवार महाराष्ट्र राज्याचा रहिवाशी असावा. तसेच त्याचे वय 18 ते 35 वर्ष असणे गरजेचे आहे. उमेदवार किमान बारावी उत्तीर्ण व कमाल पदव्युत्तर पदवीधारक असावा. उमेदवारांनी महाराष्ट्र शासनाच्या https://rojgar.mahaswayam.gov.in या संकेतस्थळावर नोंदणी करुन मेळाव्याचा लाभ घ्यावा, असे आवाहन मेहकर शासकीय औद्योगिक प्रशिक्षण संस्थाचे प्राचार्य व्ही.बी. शिरसाट यांनी केले आहे.

00000

शासकीय औद्योगिक प्रशिक्षण संस्था बुलढाणा येथे मुख्यमंत्री युवा कार्य प्रशिक्षण मेळावा

 शासकीय औद्योगिक प्रशिक्षण संस्था बुलढाणा येथे मुख्यमंत्री युवा कार्य प्रशिक्षण मेळावा

बुलडाणा,(जिमाका),दि.25 : कौशल्य विकास, रोजगार, उद्योजकता व नविन्यता विभाग, व्यवसाय शिक्षण व प्रशिक्षण संचालनालय, मुंबई यांच्या संयुक्त विद्यमाने औद्योगिक प्रशिक्षण संस्था बुलढाणा येथे मुख्यमंत्री युवा कार्य प्रशिक्षण मेळावाचे आयोजन केले आहे. शुक्रवार  दि.  27 सप्टेंबर 2024 रोजी सकाळी 11 वाजता शासकीय औद्योगिक प्रशिक्षण संस्था, बुलडाणा येथे तर दि. 30 सप्टेंबर 2024 रोजी सकाळी 11 वाजता ज्ञानदेवराव बापू दांडगे विद्यालय जामठी रोड धाड जि. बुलडाणा येथे प्रशिक्षणार्थी भरती मेळाव्याचे आयोजन करण्यात आले आहे.

मेळाव्यामध्ये सहभागी होण्याकरीता उमेदवार महाराष्ट्र राज्याचा रहिवाशी असावा. तसेच त्याचे वय 18 ते 35 वर्ष असणे गरजेचे आहे. उमेदवार किमान बारावी उत्तीर्ण व कमाल पदव्युत्तर पदवीधारक असावा. उमेदवारांनी महाराष्ट्र शासनाच्या https://rojgar.mahaswayam.gov.in या संकेतस्थळावर नोंदणी करुन संबंधित स्थळी उपस्थित राहून ह्या सुवर्णसंधीचा लाभ घ्यावा, असे आवाहन शासकीय औद्योगिक प्रशिक्षण संस्थाचे प्राचार्य व्ही.वी. वचाटे यांनी केले आहे.

00000

आरटीई प्रवेश प्रक्रियेसाठी 27 सप्टेंबरपर्यंत मुदतवाढ

 आरटीई प्रवेश प्रक्रियेसाठी 27 सप्टेंबरपर्यंत मुदतवाढ

बुलडाणा,(जिमाका),दि.25 :  शिक्षणाचा हक्क अंतर्गत 25 टक्के प्रवेश प्रक्रिया सन 2024-25 मध्ये निवड यादीतील बालकांना प्रवेश घेण्यासाठी मुदतवाढ देण्यात आली आहे. आता पालकांना प्रवेशासाठी दि. 27 सप्टेंबर 2024 पर्यंत मुदतवाढ देण्यात आली आहे.

बालकांचा मोफत आणि सक्तीचे शिक्षणाचा अधिकार अधिनियम सन 2009 नुसार प्रवेश प्रक्रिया राबविण्यात येते. त्यानुसार सन 2024-25 या शैक्षणिक वर्षातील प्रवेश प्रक्रिया सुरु आहे.   प्रक्रियेअंतर्गत लॉटरी पद्धतीने निवडपात्र ठरलेल्या तिसऱ्या फेरी (प्रतिक्षा यादीतील) बालकांना शाळेमध्ये प्रवेशासाठी दि. 14 सप्टेंबरपर्यंत मुदत देण्यात आलेली होती.  शिक्षण संचालक प्राथमिक पुणे यांच्या निर्देशानुसार प्रतिक्षा यादीतील चौथ्या फेरीमध्ये बालकांना प्रवेश देण्यासाठी दि. 27 सप्टेंबर 2024 पर्यंत मुदत देण्यात आली असून, यानंतर मुदतवाढ दिली जाणार नाही. तरी जिल्ह्यातील यादीमध्ये नाव असलेल्या बालकांच्या पालकांनी विहीत मुदतीत तालुकास्तरावर गटशिक्षणाधिकारी यांच्याकडे संबधित शाळेमध्ये आपल्या पाल्याचा प्रबेश अंतीम करावा. मुदतीनंतर प्रवेशाबाबत विचार केल्या जाणार नाही याची कटाक्षाने नोंद घ्यावी. प्रवेशासाठी आवश्यक कादपत्रांची यादी https://student.maharashtra. gov.in/adm_portal या संकेतस्थळावर प्रसिद्ध करण्यात आलेली आहे. तरी जास्तीत जास्त पालकांनी आरटीई 2024-25 वर्षातील प्रकियेत सहभागी होऊन आपल्या पाल्याचा प्रवेश शाळेमध्ये जावुन करुन घ्यावा, असे आवाहन शिक्षण विभाग (प्राथमिक) कार्यालयाचेवतीने करण्यात आले आहे. याबाबत काही अडचण असल्यास पोर्टलवर दिलेल्या हेल्पनलाईन क्रमांकावर तसेच जिल्ह्यातील सर्व गटशिक्षणाधिकारी कार्यालयाकडे संपर्क साधावा. 

00000

समाजकल्याण कार्यालयातील साहित्य खरेदीची ई-निवीदा प्रसिद्ध

 समाजकल्याण कार्यालयातील साहित्य खरेदीची ई-निवीदा प्रसिद्ध

बुलडाणा,(जिमाका),दि.25 :  जिल्हा वार्षिक अनुसूचित जाती घटक कार्यक्रमाच्या मुल्यमापन, संनियंत्रण व डाटा एंट्री (0.5%) योजनेअंतर्गत समाजकल्याण कार्यालय, बुलडाणा येथे साहित्य खरेदीची ई-निवीदा जेम पोर्टलवर प्रसिद्ध करण्यात आली आहे. साहीत्य घेण्यास इच्छुक संस्थानी जेम पोर्टलवर नोंदणी करावी, असे आवाहन समाज कल्याण सहाय्यक आयुक्त डॉ. अनिता राठोड यांनी केले आहे. 

 ऑल इन वन कॉम्प्युटर, स्कॅनर, प्रिंटर व झेरॉक्स मशिन इत्यादी साहित्य तसेच जिल्ह्यातील शासकीय तथा निमशासकीय कार्यालयांना अनुसूचित जाती उपयोजनाअंतर्गत विविध योजनांची प्रचार व प्रसिध्दी करण्यासाठी डिजीटल स्टँडी पुरविण्यासाठी जेम पोर्टलवर ई-निविदा प्रसिद्ध करण्यात आलेली आहे. सदर साहित्याविषयी विस्तृत माहिती व अटी शर्ती जेम पोर्टलवर उपलब्ध करुन देण्यात आली आहे. 

0000

माहिती अधिकार दिनी विविध उपक्रमाचे आयोजन करण्याचे आवाहन

 माहिती अधिकार दिनी विविध उपक्रमाचे आयोजन करण्याचे आवाहन

बुलडाणा,(जिमाका),दि.25 : दरवर्षी 28 सप्टेंबर हा दिवस 'माहिती अधिकार दिन' म्हणून साजरा करण्यात येत असून यादिवशी 'माहितीचा अधिकार' या विषयावर विविध उपक्रमाचे आयोजन करण्याचे आवाहन करण्यात आले आहे.

शासकीय कार्यालये, स्थानिक स्वराज्य संस्था, शाळा, महाविद्यालये, विद्यापीठे व इतर शैक्षणिक संस्थांमध्ये तसेच स्वयंसेवी संस्थांतर्फे जनजागृती कार्यक्रमांचे आयोजन व्हावे. माहितीचा अधिकार या विषयावर आधारित विविध उपक्रमाचे आयोजन करुन जनतेमध्ये जनजागृती करण्याचे आवाहन निवासी उपजिल्हाधिकारी राजेंद्र पोळ यांनी केले आहे. 

0000

रविवारी शौर्य दिनाचे आयोजन

 रविवारी शौर्य दिनाचे आयोजन

बुलडाणा,(जिमाका),दि.25 : जिल्हा सैनिक कार्यालयातर्फे रविवार, दि. 29 सप्टेंबर 2024 रोजी सकाळी 10.30 वाजता जिल्हा सैनिक कल्याण कार्यालयात आयोजित करण्यात आले आहे. जिल्ह्यातील माजी सैनिक, माजी सैनिक विधवा पत्नी, युध्द विधवा, विरमाता, विरपिता यांनी उपस्थित राहावे, असे आवाहन जिल्हा सैनिक कल्याण अधिकारी यांनी केले आहे.

भारतीय सैन्य दलाने दि. 29 सप्टेंबर 2016 रोजी पाकिस्तान हद्यीत शिरून सर्जिकल स्ट्राईकद्वारे अतिरेक्यांचा खात्मा केला. भारतीय सैन्याची अभिमानास्पद कामगिरी राज्यातील जनतेपर्यंत व्यापक प्रमाणात पोहचविण्यासाठी शौर्य दिन साजरा करण्यात येत आहे. यानिमित्ताने माजी सैनिक, शहिद जवानांच्या विरपत्नी, विरमाता, विरपिता आणि शौर्य पदकधारकांचा सन्मान करण्यासाठी दरवर्षी दि. 29 सप्टेंबर रोजी शौर्य दिन साजरा करण्यात येतो. यावर्षी दि 29 सप्टेंबर रोजी शौर्य दिनाचा कार्यक्रम जिल्हा सैनिक कल्याण कार्यालयात आयोजित करण्यात आला आहे. यावेळी नागरिकांनी उपस्थित राहावे. 

00000

दक्षता व भ्रष्टाचार निर्मूलन समितीची सभा

 दक्षता व भ्रष्टाचार निर्मूलन समितीची सभा

         बुलडाणा,(जिमाका),दि.25 : जिल्हा दक्षता समितीची सभा जिल्हाधिकारी कार्यालयाच्या सभागृहामध्ये गुरुवार, दि. 26 सप्टेंबर रोजी दुपारी 4 वाजता आयोजित करण्यात आली आहे. तसेच भ्रष्टाचार निर्मूलन समितीची सभा शुक्रवार, दि. 27 सप्टेंबर रोजी दुपारी 5 वाजता घेण्यात येणार आहे.

          जिल्हा दक्षता समिती सभा तसेच जिल्हा भ्रष्टाचार निर्मूलन समितीची सभा यात ज्या व्यक्तींना तक्रारी दाखल करावयाच्या असतील त्यांनी प्रतिज्ञालेखासह तक्रारी स्पष्ट शब्दात सबळ पुराव्यानिशी समिती समोर दाखल करावे, असे आवाहन सामान्य प्रशासन विभागाच्या तहसिलदार यांनी केले आहे. 

00000

सर्व शेतकऱ्यांनी आपल्या शेतातील पिकांची पीक पाहणी मोबाईलव्दारे तात्काळ करून घ्यावी. ई-पीक पाहणीकरिता 23 सप्टेंबर 2024 ही अंतिम मुदत

देऊळगाव राजा शासकीय औद्योगिक प्रशिक्षण संस्थेव्दारे “मुख्यमंत्री युवा कार्य प्रशिक्षण मेळावा”

 

देऊळगाव राजा शासकीय औद्योगिक प्रशिक्षण संस्थेव्दारे “मुख्यमंत्री युवा कार्य प्रशिक्षण मेळावा”

बुलडाणा,(जिमाका),दि.20 : कौशल्य विकास, रोजगार, उद्योजकता व नविन्यता विभाग, व्यवसाय शिक्षण व प्रशिक्षण संचालनालय, मुंबई यांच्या संयुक्त विद्यमाने देऊळगाव राजा तालुक्यात मुख्यमंत्री युवा कार्य प्रशिक्षण मेळावाचे आयोजन केले आहे.  सोमवार दि.  23 सप्टेंबर 2024 रोजी सकाळी 11 वाजता औद्योगिक प्रशिक्षण संस्था, देऊळगाव राजा येथे तर दि. 27 सप्टेंबर 2024 रोजी सकाळी 11 वाजता देऊळगाव राजा हायस्कुल ता. देऊळगाव राजा, जि. बुलढाणा येथे मेळाव्याचे आयोजन करण्यात आले आहे.  

सदर दोन्ही मेळाव्यास जिल्ह्यातील १० वी, १२ वी, आयटीआय पदवी, पदविका पुर्ण झालेल्या विद्यार्थ्यांनी व पालकांनी उपस्थित राहुन मेळाव्याचा लाभ घेण्याचे आवाहन औद्योगिक प्रशिक्षण संस्था संग्रामपुर प्राचार्य यांनी केले आहे.00000

 

सिंदखेड राजा शासकीय औद्योगिक प्रशिक्षण संस्थेव्दारे “मुख्यमंत्री युवा कार्य प्रशिक्षण मेळावा”

 

बुलडाणा,(जिमाका),दि.20 : कौशल्य विकास, रोजगार, उद्योजकता व नविन्यता विभाग, व्यवसाय शिक्षण व प्रशिक्षण संचालनालय, मुंबई यांच्या संयुक्त विद्यमाने सिंदखेड तालुक्यात मुख्यमंत्री युवा कार्य प्रशिक्षण मेळावाचे आयोजन केले आहे.  सोमवार दि.  23 सप्टेंबर 2024 रोजी सकाळी 11 वाजता औद्योगिक प्रशिक्षण संस्था, सिंदखेड राजा येथे तर दि. 27 सप्टेंबर 2024 रोजी सकाळी 11 वाजता जीवन विकास विद्यालय दुसरबीड ता.जि. बुलढाणा येथे मेळाव्याचे आयोजन करण्यात आले आहे.

 

सदर दोन्ही मेळाव्यास जिल्ह्यातील १० वी, १२ वी, आयटीआय पदवी, पदविका पुर्ण झालेल्या विद्यार्थ्यांनी व पालकांनी उपस्थित राहुन मेळाव्याचा लाभ घेण्याचे आवाहन औद्योगिक प्रशिक्षण संस्था संग्रामपुर प्राचार्य यांनी केले आहे.

00000

 

संग्रामपुर शासकीय औद्योगिक प्रशिक्षण संस्थेव्दारे “मुख्यमंत्री युवा कार्य प्रशिक्षण मेळावा”

बुलडाणा,(जिमाका),दि.20 : कौशल्य विकास, रोजगार, उद्योजकता व नविन्यता विभाग, व्यवसाय शिक्षण व प्रशिक्षण संचालनालय, मुंबई यांच्या संयुक्त विद्यमाने संग्रामपूर तालुक्यात मुख्यमंत्री युवा कार्य प्रशिक्षण मेळावा चे आयोजन केले आहे.  मंगळवार दि.  24 सप्टेंबर 2024 रोजी सकाळी 11 वाजता औद्योगिक प्रशिक्षण संस्था, संग्रामपुर येथे तर दि. 30 सप्टेंबर 2024 रोजी सकाळी 11 वाजता वरवट बकाल ता. संग्रामपुर जि. बुलढाणा येथे मेळाव्याचे आयोजन करण्यात आले आहे.

 

सदर दोन्ही मेळाव्यास जिल्ह्यातील १० वी, १२ वी, आयटीआय पदवी, पदविका पुर्ण झालेल्या विद्यार्थ्यांनी व पालकांनी उपस्थित राहुन मेळाव्याचा लाभ घेण्याचे आवाहन औद्योगिक प्रशिक्षण संस्था संग्रामपुर प्राचार्य यांनी केले आहे.00000

 

होमगार्ड पात्र उमेदवारांची यादी प्रसिद्ध; कागदपत्रासह उपस्थित राहण्याचे आवाहन

 

बुलडाणा,(जिमाका),दि.20 : जिल्हा होमगार्डतर्फे पुरूष व महिलांसाठीच्या रिक्त जागांची सदस्य नोंदणी प्रक्रिया नुकतीच झाली. त्यात पात्र उमेदवारांची यादी संकेतस्थळावर प्रसिद्ध करण्यात आली असून, निवड झालेल्या उमेदरांनी मुळ कागदपत्रासह पुरुष उमेदवारांनी दि. 21 सप्टेंबर रोजी तर महिला उमेदवारांनी दि. 23 सप्टेंबर रोजी सकाळी 8 ते 2 यावेळेत उपस्थित राहावे, असे आवाहन जिल्हा समादेशक होमगार्ड तथा अपर पोलीस अधीक्षक यांनी केले आहे.

 

उमेदवारांची तात्पुरती यादी maharashtracdhg.gov.in/maharashtracdhg.gov.in.mahahg/ enrollmentadd.php  या संकेतस्थळावर उपलब्ध आहे. तसेच ठेवण्यात आलेली प्रतिक्षा यादी ही दि. 31 मार्च 2025 पर्यंत वैध राहिली. त्यानंतर यादी संपुष्ठात येईल. तसेच प्रतिक्षा यादीतील समान गुण असणाऱ्या उमेदवारांना त्याच्यावयाच्या जेष्ठतेनुसार प्राधान्य देण्यात आले आहे. निवड झालेल्या उमेदवारांची वैद्यकीय तपासणी व पोलीस चारीत्र पडताळणी करण्यात येईल. यामध्ये अपात्र असल्याचे दिसुन आल्यास कोणत्याही टप्प्यावर उमेदवाराला अपात्र केले जाईल,याची नोंद घ्यावी.तरी निवड झालेल्या उमेदवारांनी मुळ कागदपत्र व हमीपत्र भरण्यासाठी दिलेल्या तारखेस जिल्हा होमगार्ड कार्यालय, बुलडाणा येथे उपस्थित राहावे.

000000

 

धर्मवीर आनंद दिघे साहेब महाराष्ट्र ऑटो रिक्षा आणि मिटर्ड टॅक्सी चालक कल्याणकारी मंडळाच्या योजनांचा लाभ घेण्याचे आवाहन

 

बुलडाणा,(जिमाका),दि.20 : राज्य शासनाने धर्मवीर आनंद दिघे साहेब महाराष्ट्र ऑटो रिक्षा आणि मिटर्ड टॅक्सी चालक कल्याणकारी मंडळाची स्थापना केली आहे. या मंडळामार्फत ऑटो रिक्षा आणि मिटर्ड टॅक्सी चालकांना विविध कल्याणकारी योजनांचा लाभ उपलब्ध करून देण्यात येणार असून संबंधितांनी या योजनांचा लाभ घेण्याचे आवाहन करण्यात आले आहे. मंडळामार्फत जीवनविमा व अपंगत्च विमा योजना, आरोग्य विषयक लाभ, कर्तव्यावर असताना दुखापत झाल्यास अर्थसहाय्य, पाल्यांच्या शिक्षणासाठी शिष्यवृत्ती योजना, कामगार कौशल्य वृद्धी योजना, ६५ वर्षावरील ऑटो रिक्षा व मिटर्ड टॅक्सी परवानाधारक यांना निवृती सन्मान योजने अंतर्गत सानुग्रह अनुदान, नवीन ऑटो रिक्षा, मिटर्ड टॅक्सी खरेदी, गृह खरेदीसाठी कर्ज आदी योजना राबविण्यात येणार आहेत.

अर्जदाराकडे ऑटोरिक्षा व टॅक्सी बॅज, लायसन्स व परवाना असणे आवश्यक असून अर्जाचे नोंदणी शुल्क व ओळखपत्र शुल्काची रक्कम रु 500 रुपये व वार्षिक सभासद शुल्क रु 300 रुपये ऑनलाईन पध्दतीने भरणे आवश्यक आहे. असे उप प्रादेशिक परिवहन अधिकारी बुलडाणा यांनी कळविले आहे.  

0000

 

युवक कल्याण उपक्रमांतर्गत माय भारत पोर्टलवर युवांची नोंदणी करण्याचे आवाहन

 

बुलडाणा,(जिमाका),दि.20 : युवक कल्याण व क्रीडा विभागाने माय भारत पोर्टलवर विविध युवा उपक्रम नोंदणी करणे, सेवाकार्य स्वच्छता हा नवीन संकल्प-स्वच्छता पंधरवडा असे विविध उपक्रम दि. १८ सप्टेबर ते २ आक्टोबर २०२४ या दरम्याण आयोजित करण्याचे निर्देश केलेले आहे. त्याअनुषंगाने बुलढाणा जिल्ह्यातील शाळा, कनिष्ठ महाविद्यालय, महाविद्यालयांची नोंदणी करण्यासाठी वयवर्ष 15 ते 29 वयोगटातील सर्व शाळा, कनिष्ठ महाविद्यालयानी माय भारत पोर्टलवर युवा तसेच उपक्रमांची नोंदणी करण्यात यावी, असे आवाहन जिल्हा क्रीडा अधिकारी बि.एस.महानकर यांनी केले आहे.  भारत देश युवांचा देश म्हणून ओळखला जात असून राष्ट्र निर्माणाच्या शाश्वत विकासाच्या मुख्य प्रवाहात युवांचे मोठे योगदान आहे. सामाजिक विकासाच्या प्रभावी माध्यमांची ओळख करुन राष्ट्रीय व सामाजिक विकासाच्या प्रवाहात युवा शक्तीचा सहभाग असून तो वाढविणे आवश्यक आहे. यासाठी  जिल्हयामध्ये कार्यक्रमाचे नियोजन जिल्हा प्रशासन, राष्ट्रीय सेवा योजना क्षेत्रिय कार्यालय व नेहरु युवा केंद्र संघटनेमार्फत राबविण्यात येणार आहे.   

 

माय भारत पोर्टलवर युवांची नोदणी :युवांना राष्ट्र निर्माण कार्यात सहभाग वाढविणे, विकसित भारत करण्यामध्ये युवांनी योगदान देणे याबाबत पार्टलवर युवांची नोदणी करणे आवश्यक आहे. यासाठी https://mybharat.gov.in या लिंकवर जिल्ह्यातील शाळा, कॉलेज व महाविद्यालय तसेच राष्ट्रीय छात्र सेना, स्काऊट व गाईड इ. विद्यार्थी व प्रशिक्षणार्थी नोंदणी करावी. यामध्ये युवांनी केलेल्या विविध कार्याची माहीती संकलित होते त्यानी विविध वर्षामध्ये तसेच कार्यकमामध्ये घेतलेला सहभागबाबत तपशिल एकत्रित होतो. यामुळे युवानी केलेले कार्याची वैयक्तिक माहिती पोर्टलवर उपलब्ध होते. तरी अधिक नोंदणी करण्यात यावी. 

 

अनुभवात्मक शिक्षण :- युवा हे विविध सामाजिक उपक्रमामध्ये सहभागी होतात त्यांचा राष्ट्राच्या जडण घडणीमध्ये मोठे योगदान आहे. सामाजिक कार्य, अनुभवात्मक शिक्षण, कौशल्याच्या संधी, नवीन संकल्पना इ. यामध्ये सहभाग घेणे आवश्यक आहे. याकरिता माय भारत पोर्टलवर आरोग्य, सायबर सुरक्षा, रस्ते सुरक्षा, पोलीस स्वयंसेवक, कौशल्य विकासात्मक कार्यक्रम इ मध्ये सहभागा बाबत नोदणी करता येते. उपकमामध्ये सहभागी झालेनंतर फोटा व कार्यक्रमाची माहिती नोदविता येते. जिल्हयामध्ये युवांसाठी स्वयंसेवी संस्था, शैक्षणिक संस्था, युवक संस्था यांचे सहकार्याने कार्यक्रम आयोजन करण्यात यावे. दि.१८ सप्टेबर ते २ आक्टोबर २०२४ या कालावधित युवा कल्याणकारी विविध उपक्रम राबविण्यात येईल. सदर कार्यक्रमाची माहिती माय भारत पोर्टलवर नोदविण्यात यावी. प्रत्येक जिल्यातून किमान १०० उपकम आयोजित करण्यात यावेत.  तसेच सातत्याने वर्षभर कार्यक्रम होतील याचे नियोजन करावे.

 

युवांचा सेवा कार्यात सहभाग:- युवांमध्ये सेवा कार्याचे आवड निर्माण करण्यासाठी विविध संधी उपलब्ध करणे आवश्यक आहे. जिल्हयामधील विविध रुग्णालये याकरीता निवडण्यात यावीत. सदर हॉस्पिटल यांचे व्यवस्थापनां समवेत चर्चा करुन युवांचा सहभाग सेवा कार्यालय वाढेल असे उपक्रम आयोजित करण्यात यावेत. याबाबत माहिती माय भारत पोर्टलवर नोदवावी.

 

स्वच्छता उपकमाचे आयोजन :- भारत सरकार व राज्य शासन यांचे वतीने स्वच्छता विषय विविध उपकम स्वच्छ भारत मिशन व स्वच्छ भारत अभियान, राबविण्यात येते. स्वच्छता पंधरवडा आयोजित करण्याचे निर्देशित केले आहे. ग्रामीण व शहरी परिक्षेत्रातील सामाजिक ठिकाणे यांची निवड करुन दि.१८ सप्टेबर ते २ आक्टोबर २०२४ या कालावधित स्वच्छता विषयक उपक्रमांचे आयोजन करण्यात यावेत. विभाग-जिल्हा व तालुका क्रीडा संकुलांमध्ये स्वच्छता उपक्रम राबविण्यात येवून संकुल स्वच्छ राहतील असे पाहावे.

 फिट इंडिया उपक्रम :- नागरिक व युवांमध्ये निरोगी राहण्यासाठी व्यायामाची आवड निर्माण करणे यामधून शारीरिक व मानसिक आरोग्य, तंदुरुस्ती राहण्यासाठी विविध उपकमांचे आयोजन सातत्याने करण्यात यावे. सामाजिक संस्था, औद्यागिक प्रतिष्ठाने यांचे सहकार्याने उपक्रम राबविण्यात यावे.

000000