‘महा-उपलब्धी’ मोबाईल ॲपबाबत ६ ऑक्टोबरला कार्यशाळा निवृत्तीवेतनधारक व कुटुंब निवृत्तीवेतनधारकांनी उपस्थित राहण्याचे आवाहन

 

बुलढाणा, दि. १ (जिमाका) : निवृत्तीवेतनविषयक सेवा जलद व पारदर्शक पद्धतीने उपलब्ध करून देण्यासाठी विकसित करण्यात आलेल्या ‘Maha-UPLABDHI’ (महा-उपलब्धी) या मोबाईल ॲपबाबत जिल्हा कोषागार कार्यालय, बुलढाणा येथे दि. ६ ऑक्टोबर २०२६ रोजी सकाळी ११ वाजता कार्यशाळेचे आयोजन करण्यात आले आहे.

सहसंचालक, लेखा व कोषागारे, अमरावती यांच्या निर्देशानुसार आयोजित या कार्यशाळेत राज्याचे प्रधान सचिव ऑनलाइन माध्यमातून उपस्थित राहून सहभागींचे मार्गदर्शन करणार आहेत. या ॲपच्या माध्यमातून निवृत्तीवेतनविषयक सेवा अधिक जलद, सुलभ व पारदर्शक पद्धतीने उपलब्ध करून देण्याबाबत मार्गदर्शन करण्यात येणार आहे.

या कार्यशाळेस जिल्ह्यातील निवृत्तीवेतनधारक तसेच कुटुंब निवृत्तीवेतनधारकांनी बहुसंख्येने उपस्थित राहावे, असे आवाहन जिल्हा कोषागार अधिकारी योगेश धोंगडे यांनी केले आहे.

0000