DIO BULDANA NEWS 16.10.2020

देऊळगावराजा येथील बालाजी महाराज वार्षिक उत्सव स्थगित *कोविड च्या पार्श्वभूमीवर निर्णय बुलडाणा, (जिमाका) दि. १६: कोविड १९ या संसर्गजन्य आजाराच्या पार्श्वभूमीवर जिल्ह्यातील देऊळगाव राजा येथे होणारा सुप्रसिद्ध बालाजी महाराज वार्षिक उत्सव यावर्षी स्थगित करण्यात आला आहे. कोरोना विषाणूचा प्रादुर्भाव वाढू नये यासाठी हा निर्णय घेण्यात आला आहे. जिल्ह्यात covid-19 प्रादुर्भाव रोखण्यासाठी 31 ऑक्टोंबर च्या मध्यरात्री पावेतो सामाजिक, मनोरंजन, सांस्कृतिक, धार्मिक विषयक कार्यक्रमांवर बंदी आहे. त्या अनुषंगाने देऊळगाव राजा येथे 17 ऑक्टोंबर ते 10 डिसेंबर 2020 या कालावधीत साजरा होणारा बालाजी महाराज वार्षिक उत्सव स्थगित करण्यात आला आहे. तसेच मंदिराच्या आतील कार्यक्रम जास्तीत जास्त दहा लोकांच्या उपस्थितीत साजरा करण्यास परवानगी देण्यात आली आहे. मोठ्या प्रमाणावर गर्दी होणाऱ्या कार्यक्रमास परवानगी देण्यात आलेली नाही, असे जिल्हा दंडाधिकारी यांनी कळविले आहे. ************* *कोरोना अलर्ट : प्राप्त 313 कोरोना अहवाल 'निगेटिव्ह'; तर 118 पॉझिटिव्ह* *• 29 रूग्णांना मिळाली सुट्टी* बुलडाणा,(जिमाका)दि.16: प्रयोगशाळेत तपासणीसाठी पाठविलेल्या व रॅपिड अँटीजेंट टेस्ट किटद्वारे तपासलेल्या अहवालां पैकी एकूण 431 अहवाल प्राप्त झाले आहेत. यापैकी 313 अहवाल कोरोना निगेटिव्ह असून 118 अहवाल पॉझिटिव्ह प्राप्त आले आहे. प्राप्त पॉझिटिव्ह अहवालामध्ये प्रयोगशाळेतील 113 व रॅपिड टेस्टमधील 5 अहवालांचा समावेश आहे. निगेटीव्ह अहवालामध्ये प्रयोगशाळेतून 107 तर रॅपिड टेस्टमधील 206 अहवालांचा समावेश आहे. अशाप्रकारे 313 अहवाल निगेटीव्ह आहेत. पॉझिटीव्ह आलेले अहवाल पुढीलप्रमाणे: बुलडाणा शहर :6, बुलडाणा तालुका : अंबोडा 1, शेगाव तालुका : नागझरी 1, बोडखा 1, सावरा 1, तिंत्रव 1, कठोरा 10, मनसगाव 1, जळंब 1, शेगाव शहर : 10, मेहकर तालुका: पांगरखेड 1, हिवरा आश्रम 1, उकळी 1, मेहकर शहर : 3, खामगाव शहर : 5, खामगाव तालुका : घाटपूरी 5, उमरा अटाळी 1, हिवरखेड 3, लोणार शहर: 1, जळगाव जामोद शहर :2, चिखली शहर: 8, चिखली तालुका : सवडत 1, सवना 2, वाघापूर 1, एकलारा 1, सिंदखेड राजा तालुका : साखरखेडा 12, लिंगा 2, सिंदखेड राजा शहर :1, नांदुरा शहर :16, नांदुरा तालुका: नारखेड 3, पिंपळखुटा धांडे 3, मलकापूर शहर: 3, मोताळा शहर :1, मोताळा तालुका : सावरगाव जहा 2, पोफळी 1, धानोरा 1, धा. बढे 1, चिंचोळा 1 तसेच मूळ पत्ता रिसोड जि वाशिम येथील 1 संशयीत व्यक्ती पॉझिटीव्ह आल्या आहेत. अशाप्रकारे जिल्ह्यात 118 रूग्ण आढळले आहे. तसेच आज 29 रूग्णांनी कोरोनावर मात केल्यामुळे त्यांना वैद्यकीय प्रोटोकॉलप्रमाणे सुट्टी देण्यात आली आहे. कोविड केअर सेंटरनुसार आज सुट्टी देण्यात आलेले रूग्ण पुढीलप्रमाणे : बुलडाणा : अपंग विद्यालय 5, आयुर्वेद महाविद्यालय 1, खामगाव : 1, दे. राजा :6, नांदुरा : 1, लोणार :4, जळगाव जामोद :2, चिखली :9, तसेच आजपर्यंत 35593 रिपोर्ट निगेटिव्ह प्राप्त झाले आहेत. त्याचप्रमाणे आजपर्यंत 7823 कोरोनाबाधीत रुग्ण कोरोना निगेटिव्ह असल्यामुळे त्यांना वैद्यकीय प्रोटोकॉलप्रमाणे सुट्टी देण्यात आली आहे. अशाप्रकारे सुट्टी देण्यात आलेल्या रूग्णांची एकूण संख्या 7823 आहे. आज रोजी 471 नमुने अहवालाच्या प्रतिक्षेत आहेत. आजपर्यंत एकूण निगेटिव्ह अहवाल 35593 आहेत. जिल्ह्यात आज अखेर एकूण 8303 कोरोनाबाधित रूग्ण असून त्यापैकी 7823 कोरोनाबाधीत रूग्णांनी कोरोनावर मात केल्यामुळे त्यांना वैद्यकीय प्रोटोकॉलप्रमाणे सुट्टी देण्यात आली आहे. त्यामुळे जिल्ह्यात सध्या रूग्णालयात 367 कोरोना बाधीत रूग्णांवर उपचार सुरू आहेत. तसेच आजपर्यंत 113 कोरोना बाधीतांचा मृत्यू झाला आहे, अशी माहिती निवासी उपजिल्हाधिकारी यांनी दिली आहे. ********