5
डिसेंबरला बुलढाण्यात जिल्हास्तरीय युवा महोत्सव
युवक-युवतींनी सहभागी होण्याचे आवाहन
बुलढाणा, दि. 3 (जिमाका) : जिल्हा क्रीडा परिषद
तथा जिल्हा क्रीडा अधिकारी कार्यालय व नेहरु
युवा केंद्र ‘मेरा युवा भारत’ यांच्या संयुक्त विद्यामाने गुरुवार, दि. 5 डिसेंबर
रोजी जिल्हास्तरीय युवा महोत्सवाचे आयोजन
जिल्हा क्रीडा संकुल, जांभरून रोड, बुलढाणा येथे करण्यात आले आहे. या महोत्सवात जिल्ह्यातील
युवक-युवतींनी मोठ्या प्रमाणात सहभागी व्हावे, असे आवाहन करण्यात आले आहे.
या महोत्सवात समूह लोकनृत्य, समूह गीत, कविता लेखन, कथालेखन, मोबाईल फोटोग्राफी,
चित्रकला स्पर्धा, वक्तृत्व स्पर्धा व विज्ञान मेळावा (समूह व वैयक्तिक) युथ आयकॉन
आदींचे आयोजन करण्यात आले आहे. यातील विजेत्या स्पर्धकांना रोख बक्षीस, स्मृतिचिन्ह
व प्रमाणपत्र देण्यात येणार आहे. यातील समूह लोकनृत्यासाठी प्रथम बक्षीस 7000
रुपये, द्वितीय 5000 रुपये व तृतीय 3000
रुपये, समूह लोकगीतासाठी प्रथम बक्षीस 5000 रुपये, द्वितीय 3000 रुपये व तृतीय 2500 रुपये, कविता लेखन व
मोबाईल फोटोग्राफी स्पर्धेकरीता प्रथम बक्षीस 2500 रुपये, द्वितीय 1500 रुपये व तृतीय 1000 रुपये, कथा लेखनासाठी प्रथम बक्षीस 3000 रुपये, द्वितीय
2000 रुपये व तृतीय 1500 रुपये,
चित्रकला स्पर्धेसाठी प्रथम बक्षीस 5000 रुपये, द्वितीय
3000 रुपये व तृतीय 2000 रुपये,
वक्तृत्व स्पर्धेसाठी प्रथम बक्षीस 5000 रुपये, द्वितीय
2500 रुपये व तृतीय 1500 रुपये, विज्ञान मेळाव्यासाठी (समूह) प्रथम बक्षीस
7000 रुपये, द्वितीय 5000 रुपये व तृतीय
3000 रुपये व विज्ञान मेळाव्यासाठी (वैयक्तिक) प्रथम बक्षीस 3000 रुपये, द्वितीय
2000 रुपये व तृतीय 1500 रुपये या प्रमाणे बक्षीस देण्यात येणार आहे.
यामधील विज्ञान मेळावा
ही स्पर्धा राजर्षि शाहू अभियांत्रिकी
महाविद्यालय, बुलढाणा येथे आयोजित करण्यात आलेला आहे. या महोत्सवात युवक-युवतींनी सहभागी व्हावे, असे
आवाहन जिल्हा क्रीडा अधिकारी कार्यालय व
नेहरु युवा केंद्र, बुलढाणातर्फे करण्यात आले आहेत. अधिक माहितीकरीता क्रीडा अधिकारी रविंद्र धारपवार (9970118797) जिल्हा क्रीडा
अधिकारी कार्यालय, बुलढाणा येथे कार्यालयीन वेळेत संपर्क साधावा, असे आवाहन
करण्यात आले आहे.
*****
