संत जगनाडे महाराज यांना जिल्हाधिकारी कार्यालयात अभिवादन
बुलडाणा, दि.९ – जिल्हाधिकारी कार्यालयातील सभागृहात संत जगनाडे महाराज यांना जयंतीनिमित्ताने ८ डिसेंबर २०१९ रोजी अभिवादन करण्यात आले. अप्पर जिल्हाधिकारी प्रमोदसिंह दुबे यांनी संत जगनाडे महाराज यांच्या प्रतिमेला पुष्पहार अर्पण करून तसेच उपस्थितांनी पुष्प अर्पण करून अभिवादन केले. याप्रसंगी निवासी उपजिल्हाधिकारी गौरी सावंत, उपजिल्हाधिकारी भूषण अहीरे, नायब तहसिलदार श्री. अहीरे आदी उपस्थित होते.
शेतकरी लाभार्थ्यांसाठी गहू व तांदूळ धान्याचे वाहतूक आदेश पारीत
- 31 डिसेंबर 2019 पर्यंत करावी लागणार धान्याची उचल
बुलडाणा, दि 9 - राष्ट्रीय अन्नसुरक्षा अधिनियम 2013 अंतर्गत जानेवारी 2020 चे नियतनातील एपीएल केशरी शिधा पत्रीकाधारक शेतकरी लाभार्थ्यांना गहू व तांदूळाची भारतीय अन्न महामंडळाच्या वखार महामंडळ टेंभूर्णा, खामगांव यांचे गोदामातून शासकीय गोदामात वाहतूक करण्याचे आदेश पारीत करण्यात आले आहे. सदर धान्याची उचल गोदामातून 31 डिसेंबर 2019 पर्यंत करावी लागणार आहे. या लाभार्थ्यांसाठी वाटपाचे परिमाण गहू 2 रूपये प्रति किलो प्रति लाभार्थी 4 किलो, तांदूळ 3 रूपये प्रतिकिलो प्रति लाभार्थी 1 किलो आहे.
गोदामनिहाय धान्याची वाहतूक खालीलप्रमाणे करावी. चिखली गोदामासाठी गहू 1474 व तांदूळ 368 क्विंटल, बुलडाणा : गहू 975 व तांदूळ 244, दे.राजा गोदामाकरीता गहू 932 व तांदूळ 233, अमडापूर : गहू 320 व तांदूळ 80, मोताळासाठी गहू 776 व तांदूळ 194, नांदुरासाठी गहू 1256 व तांदूळ 314, खामगांव गोदामकरीता गहू 1177 व तांदूळ 293, शेगांवकरीता गहू 1088 व तांदूळ 272, जळगांव जामोदकरीता गहू 1051 व तांदूळ 263, संग्रामपूर गोदामाकरीता गहू 784 व तांदूळ 196, मेहकरसाठी गहू 1202 व तांदूळ 301, लोणारकरीता गहू 1215 व तांदूळ 304 क्विंटल, सिंदखेड राजाकरीता गहू 1108 व तांदूळ 277 क्विंटल, मलकापूर : गहू 935 व तांदूळ 234, साखरखेर्डा : गहू 493 व तांदूळ 123 आणि डोणगांवकरीता गहू 494 व तांदूळ 124 क्विंटल असणार आहे. अशाप्रकारे एकूण गहू 15280 व तांदूळ 3 हजार 820 क्विंटल पूरवठा करण्यात येणार आहे, असे जिल्हा पुरवठा अधिकारी यांनी पत्रकान्वये कळविले आहे.
****
प्राधान्य कुटूंबातील लाभार्थ्यांसाठी धान्याचे वाहतूक आदेश पारीत
- 31 डिसेंबर 2019 पर्यंत करावी लागणार धान्याची उचल
बुलडाणा, दि 9 - राष्ट्रीय अन्नसुरक्षा अधिनियम 2013 अंतर्गत प्राधान्य कुटूंबातील लाभार्थ्यांना जानेवारी 2020 चे नियतनातील गहू व तांदूळाची भारतीय अन्न महामंडळाच्या वखार महामंडळ टेंभूर्णा, खामगांव यांचे गोदामातून शासकीय गोदामात वाहतूक करण्याचे आदेश पारीत करण्यात आले आहे. सदर धान्याची उचल गोदामातून 31 डिसेंबर 2019 पर्यंत करावी लागणार आहे. या लाभार्थ्यांसाठी वाटपाचे परिमाण हे तांदूळ 3 किलो प्रति लाभार्थी असून वाटपाचे दर गहू 2 रूपये प्रतिकिलो आहेत. तसेच तांदुळासाठी 3 रूपये प्रतिकिलो दर व परिमाण 2 किलो प्रति लाभार्थी आहे.
गोदामनिहाय धान्याची वाहतूक खालीलप्रमाणे करावी. चिखली गोदामासाठी गहू 4268 क्विंटल व तांदूळ 2846, बुलडाणा : गहू 5026 क्विंटल व तांदूळ 3351, दे.राजा गोदामाकरीता गहू 2087 क्विंटल व तांदूळ 1392, अमडापूर : गहू 1387 व तांदूळ 925, मोताळासाठी गहू 2959 व तांदूळ 1973, नांदुरासाठी गहू 2997 व तांदूळ 1998, खामगांव गोदामा करीता गहू 5464 व तांदूळ 3643, शेगांवकरीता गहू 2631 व तांदूळ 1754, जळगांव जामोदकरीता गहू 2747 व तांदूळ 1832, संग्रामपूर गोदामाकरीता गहू 2556 व तांदूळ 1702, मेहकरसाठी गहू 3721 व तांदूळ 2481, लोणारकरीता गहू 2471 व तांदूळ 1648, सिंदखेड राजाकरीता गहू 1667 व तांदूळ 1112, मलकापूर : गहू 3017 व तांदूळ 2011, साखरखेर्डा : गहू 1265 व तांदूळ 844 आणि डोणगांवकरीता गहू 1317 व तांदूळ 878 क्विंटल असणार आहे. अशाप्रकारे एकूण गहू 45580 तांदूळ 30390 क्विंटल पूरवठा करण्यात येणार आहे, असे जिल्हा पुरवठा अधिकारी यांनी पत्रकान्वये कळविले आहे.
अंत्योदय लाभार्थ्यांसाठी धान्याचे वाहतूक आदेश पारीत
- 31 डिसेंबर 2019 पर्यंत करावी लागणार धान्याची उचल
बुलडाणा,दि 9 - राष्ट्रीय अन्नसुरक्षा अधिनियम 2013 अंतर्गत जानेवारी 2020 चे नियतनातील अंत्योदय योजने करीता गहू व तांदूळाची भारतीय अन्न महामंडळाच्या वखार महामंडळ टेंभूर्णा, खामगांव यांचे गोदामातून शासकीय गोदामात वाहतूक करण्याचे आदेश पारीत करण्यात आले आहे. सदर धान्याची उचल गोदामातून 31 डिसेंबर 2019 पर्यंत करावी लागणार आहे. या लाभार्थ्यांसाठी वाटपाचे दर गहू 2 रूपये प्रतिकिलो व तांदूळ 3 रूपये प्रतिकिलो आहे. तर परिमाण प्रति कार्ड 15 किलो गहू व तांदुळ 20 किलो आहेत.
गोदामनिहाय धान्याची वाहतूक खालीलप्रमाणे करावी. चिखली गोदामासाठी गहू 514 क्विंटल व तांदूळ 685, बुलडाणा : गहू 1050 क्विंटल व तांदूळ 1399, दे.राजा गोदामाकरीता गहू 427 क्विंटल व तांदूळ 569, अमडापूर : गहू 175 क्विंटल व तांदूळ 233, मोताळासाठी गहू 882 क्विंटल व तांदूळ 1174, नांदुरासाठी गहू 912 क्विंटल व तांदूळ 1215, खामगांव गोदामकरीता गहू 755 क्विंटल व तांदूळ 1007, शेगांवकरीता गहू 456 क्विंटल व तांदूळ 608, जळगांव जामोदकरीता गहू 757 क्विंटल व तांदूळ 1008, संग्रामपूर गोदामाकरीता गहू 913 क्विंटल व तांदूळ 1217, मेहकरसाठी गहू 635 क्विंटल व तांदूळ 846, लोणारकरीता गहू 975 क्विंटल व तांदूळ 1299, सिंदखेड राजाकरीता गहू 418 क्विंटल व तांदूळ 558, मलकापूर : गहू 680 क्विंटल व तांदूळ 907, साखरखेर्डा गहू 232 क्विंटल व तांदूळ 309 आणि डोणगांव करीता गहू 199 क्विंटल व तांदूळ 266 क्विंटल असणार आहे. अशाप्रकारे एकूण गहू 9980 व तांदूळ 13 हजार 300 क्विंटल पूरवठा करण्यात येणार आहे, असे जिल्हा पुरवठा अधिकारी यांनी पत्रकान्वये कळविले आहे.
फिट इंडिया मुव्हमेंट क्रीडा सप्ताहाचे आयोजन
· 12 ते 18 डिसेंबर दरम्यान चालणार सप्ताह
बुलडाणा,दि 9 - महाराष्ट्र राज्यात क्रीडा संस्कृतीची जोपासना व्हावी, क्रीडा विषयक वातावरण निर्माण व्हावे, या दृष्टीने शासन निर्णयान्वये दि. 12 ते 18 डिसेंबर या कालावधीत प्रतिवर्षी क्रीडा सप्ताह आयोजित करण्यात येतो. तसेच
समाजातील प्रत्येक नागरीकांच्या शारीरिक स्वास्थ्याकरीता व्यायाम करावा, अथवा खेळामध्ये भाग घ्यावा व प्रकृती स्वास्थ्य राखावे, याकरीता केंद्र शासनामार्फत फिट इंडीया मुव्हमेंट कार्यक्रमाची अंमलबजावणी करण्याचा निर्णय घेण्यात आला आहे.
फिट इंडीया मुव्हमेंट अधिक प्रभावी राबविण्यासाठी क्रीडा सप्ताहाच्या निमित्ताने शाळांमध्ये विविध खेळांचे आयोजन दि. 12 ते 18 डिसेंबर 2019 या कालावधीत प्रभावीपणे राबविण्याकरीता 5 डिसेंबर रोजी जिल्हा क्रीडा संकुल, बुलडाणा येथे सभेचे आयोजनही करण्यात आले. यावेळी अध्यक्षस्थानी प्र. मुख्य कार्यकारी अधिकारी राजेश लोखंडे होते. तर प्रमुख उपस्थितीत जिल्हा क्रीडा अधिकारी शेखर पाटील, शिक्षणाधिकारी (माध्यमिक) डॉ.श्रीराम पानझाडे, उपशिक्षणाधिकारी (प्राथमिक) एस.टी.वराडे, जिल्हा समाज कल्याण अधिकारी मनोज मेरत, तालुका संयोजक निलेश इंगळे, सुधीर मानकर, आत्माराम चांदोरे, शैलेंद्रसिंह राजपूत, प्रभाकर जाधव, पुंजाजी कोल्हे, अनिल मुलांडे, सुनील चव्हाण, राजेश सपाटे होते. तसेच प्रमोद येऊल, अनिल इंगळे, घनश्याम वरारकर, रविंद्र धारपवार आदी उपस्थित होते.
फिट इंडीया चळवळीचा प्रारंभ यावर्षी राष्ट्रीय क्रीडा दिनाला करण्यात आला. पंतप्रधान नरेंद्र मोदी यांनी फिट इंडीया
चळवळीद्वारे भारत आणि भारतीयांना 2022 पर्यंत तंदुरुस्त बनविण्याचा संकल्प व्यक्त केला आहे. यानुसार प्रत्येक शाळांमध्ये विविध कार्यक्रमांचे आयोजन केले आहे. फिट इंडीया चळवळीचा मुख्य उद्देश हा तंदुरुस्तीचे महत्व दैनंदिन जीवनामध्ये वाढविणे हा आहे. तंदुरुस्ती हा संस्कृती व परंपरेचा भाग असुन ते पुढे नेण्यासाठी विविध मार्गाने सर्वत्र अभ्यासता येईल. संस्कृती, रितीरिवाज, सण, नृत्य, सामाजिक मेळावे, आहार पध्दती या मार्गाने तंदुरुस्तीचे विविध घटक आपण कालानुरुप सरावाने आत्मसात करु शकतो. पुरातन काळापासुन तंदुरुस्तीला पारंपारिक खेळाचे माध्यमातून शारीरिक सुदृढतेसाठी महत्व दिलेले आहे. परंतु तंत्रज्ञानातील प्रगती व आधुनिक जीवनशैली दिनक्रमामुळे आरोग्यावर
प्रतिकुल परिणाम होत आहेत.
फिट इंडिया मोहिमेतंर्गत राबविण्यात येणाऱ्या शाळांसाठी मानांकन तयार करण्यात आलेले आहे. मोहिमेत फ्री हँण्ड्स एक्झरसाईज, विविध मैदानी क्रीडा स्पर्धा, मनोरंजनात्मक व पारंपारिक खेळ, नृत्य, सामुहिक कवायती, प्रश्नमंजुषा, चित्रकला, खेलो इंडिया अंतर्गत शालेय स्तरावर शारीरिक क्षमता मुल्यमापन चाचण्या, आहारविषयक तज्ज्ञांचे मार्गदर्शन आदी उपक्रम राबविण्यात येणार आहे. तरी शाळांनी या मोहिमेत सक्रीय सहभाग घेवून मोहिम यशस्वी करावी, असे आवाहन जिल्हा क्रीडा अधिकारी यांनी प्रसिद्धी पत्रकान्वये केले आहे.
No comments:
Post a Comment